Awatara

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Dasavataram

Awatara utawi Avatar (Sanskerta: अवतार, avatāra, waos: awatara) wonten ing agama Hindu inggih punika inkarnasi Tuhan ingkang Maha Suci utawi manifèstasinipun. Tuhan ingkang Maha Agung utawi manifèstasinipun mandhap wonten ing donya, mendhet wujud wonten ing donya matèrial, saperlu maringi pitulungan maring donya saking tumindak nistha sarta nuwuhaken dharma ugi nylametaken tiyang-tiyang ingkang sami nindakaken kabecikan. [1]

Referensi saking kitab suci[sunting | sunting sumber]

Wonten ing Bhagawadgita, salah saunggaling kitab suci agama Hindu kajawi Weda, lumantar Kresna minangka manifèstasi saking Tuhan kang Maha Agung, paring sabda:

   
Awatara
Yadā yadā hi dharmasya glānir bhavati bhārata abhyutthānam adharmasya tadātmanam srjāmy aham paritrānāya sādhūnām vināśāya ca duskrtām dharma samsthāpanarthāya sambavāmi yuge yuge
   
Awatara

(Bhagavad-gītā, 4.7-8)

Teges
Yèn wancinipun kabecikan mrosot sarta kanisthan kumawasa,
wektu menika aku bakal njalma ana ing donya,
Ohh keturunan Bharata (Arjuna).
Kangge nylametaken tiyang-tiyang saleh
sarta mbrasta tiyang-tiyang nistha
ugi ngadegaken kabecikan,
Aku dhéwé bakal njalma saka zaman marang zaman. [2]

Dasa Awatara, sedasa Awatara Wisnu[sunting | sunting sumber]

Agama Hindu mangertosi babagan Dasa Awatara ingkang kondhang kawentar tinimbang Awatara-Awatara sakliyanipun. Dasa Awatara inggih punika sedasa Awatara ingkang dipunyakini dados panjalmaning matèrial Dewa Wisnu kanthi ancas nylametaken donya. Saking sedasa Awatara, sanga Awatara dipunyakini sampun nylametaken donya, déné setunggal, Awatara pungkasan (Kalki Awatara), taksih nengga wekdal (konon wonten ing pungkasaning Kali Yuga) saperlu mandhap mring donya. Cariyos-cariyos Awatara kasebat karangkum wonten sajroning kitab ingkang winastan Purana.
Nalika kanisthan wonten ing sandhuwure kabecikan, Dewa Wisnu ninggalaken swarga kangge nylametaken kabecikan. Wisnu njalma wonten sedasa cacahipun, ananging wonten ugi sumber ingkang nyebat kaping setunggal likur.
[3]

Dasa Awatara saking zaman mring zaman[sunting | sunting sumber]

Jinising Awatara[sunting | sunting sumber]

Miturut kitab-kitab purana, boten kaétang cacahing Awatara ingkang sampun wonten ing donya. Awatara-awatara kasebat boten pesthi inkarnasi langsung” utawi “panjalma langsung” saking Sang Hyang Wisnu. Wonten saperangan Awatara ingkang dipunyakini gadhah “Sukma ingkang angsal berkat” utawi angsal “kekiatan Tuhan” minangka makhluk ingkang pinilih. [4]


Purusha Awatara: Awatara ingkang angka kapisan Sang Hyang Wisnu ingkang gadhah pangaruh babagan panciptaan alam semesta. Awatara kasebat inggih punika:

Cathetan Suku[sunting | sunting sumber]

  1. ^ (en)[1](dipunundhuh tanggal 1 Oktober 2012)
  2. ^ a b (en)[2](dipunundhuh tanggal 1 Oktober 2012)
  3. ^ (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah Pengantar. Surabaya: Penerbit Paramita.
  4. ^ (id) Parisada Hindu Dharma. (1991). Upadeca Tentang Ajaran-Ajaran Agama Hindu (Cetakan IV). Denpasar: Penerbit PT. Upada Sastra.
  5. ^ (en)[3](dipunundhuh tanggal 4 Oktober 2012)
Sumber artikel punika saking kaca situs web: "http://jv.wikipedia.org/w/index.php?title=Awatara&oldid=834379"