Avalokiteśvara
Avalokiteśvara (Sansekerta: अवलोकितेश्वर, Bengali: অবলোকিতেশ্বর, lit. "Gusti ingkang tansah manungkul", basa Cina: 觀世音) inggih punika bodhisatwa, wewujudan sipat welas asih saking sadaya Buda.[1] Panjenenganipun inggih punika bodhistawa ingkang paling dipunmulyakaken wonten ing aliran Buda Mahayana.[1] Ing nagari Cina lan wewengkon ingkang dipunpangaruhi budaya Cina, Avalokiteśvara asring dipungambaraken minangka satunggalipun déwi ingkang dipunsebat dèwi Kwan Im.[1] Nanging, wonten ing mitologi Tao, sajarah wontenipun Kwan Im bènten lan boten wonten gegayutanipun kaliyan Avalokiteśvara.[1]
Ing nagari India, Avalokiteśvara ugi dipunmulyakaken kanthi sesebatan Padmapāni ("Priyantun ingkang nyepeng kembang teraté"), Lokeswara ("Gusti ing donya") utawi Tara.[1] Wonten ing basa Tibet, Avalokiteśvara dipunmangertosi minangka Chenrezig, སྤྱན་རས་གཟིགས་ (Wylie: spyan ras gzigs), lan pinitados minangka reinkarnasi Dalai Lama lan tiyang Lhama ingkang kawentar sanèsipun.[1][2] Ing Mongolia, Avalokiteśvara dipunmangertosi minangka Megjid Janraisig, Xongsim Bodisadv-a, utawi Nidüber Üjegči.[3]
Wonten ing India, Avalokiteśvara limrahipun dipungambaraken minangka pangéran mudha ingkang ngganteng, utawi kadhang kala kados satunggalipun tetapa.[4] Avalokiteśvara mèmper kaliyan Déwa Siwa ing agami Hindhu.[4] Ing nagari Tibet, Avalokiteśvara dipungambaraken gadhah satunggal éwu asta, kanthi saben satunggal tangan wonten mata utawi paningal ingkang gadhah werdi saged mbiyantu saben tiyang ingkang nandhang kasusahan.[4] Ing nagari Cina, Avalokiteśvara dipungambaraken minangka satunggalipun priyantun èstri kanthi ageman pethak ingkang éndah lan misuwur kanthi asma Kwan Yin.[4]
Cathetan suku
[besut | besut sumber]- ↑ a b c d e f His Holiness the 17th Gyalwa Karmapa Archived 2007-10-14 at the Wayback Machine. dipunundhuh tanggal 21 Agustus 2011)
- ↑ From Birth to Exile dipunundhuh tanggal 21 Agustus 2011)
- ↑ Glossary Archived 2007-08-08 at the Wayback Machine. dipunundhuh tanggal 21 Agustus 2011)
- ↑ a b c d Dharma Data: Avalokitesvara dipunundhuh tanggal 21 Agustus 2011)
Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |