Maitreya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Maitreya

Cithakan:Buddha Infobox Wonten ing agama Buddha, Bodhisattva Maitreya inggih punika Buddha ingkang badhé rawuh. Wonten ing basa Tionghoa, Maitreya dipunkenal minangka Mile Pusa (彌勒菩薩).

Wonten ing agama Buddha dipunajaraken bilih buddha minangka sawijining gelar, saèngga Buddha sanès nedahaken dhateng Buddha Sakyamuni kémawon. Buddha ingkang badhé rawuh sasampuning Buddha Sakyamuni inggih punika Buddha Maitreya ingkang sakmenika taksih kagungan gelar minangka bodhisattva (calon Buddha).[1]

Maitreya papan dunungipun wonten ing surga Tusita, ingkang minangka papan dunungipun kanggé para bodhisatva sadèrèngipun dugi tingkat ke-buddha-an. Buddha Sakyamuni ugi dumunung wonten ing mriki sadèrèngipun miyos minangka Siddharta Gautama ing donya.[2]

Maitreya wonten ing literatur[sunting | sunting sumber]

Buddha Gautama sanès minangka Buddha ingkang kapisanan ing masa-donya punika (masa-donya utawi kalpa; satunggal kalpa dangunipun kirang langkung 4.320.000.000 taun). Buddha-Buddha sadèrèngipun inggih Buddha Kakusandha, Buddha Konagamana, Buddha Kassapa, Buddha ingkang badhé rawuh inggih punika Buddha Mettaya (Maitreya). Wonten ing Cakkavatti-Sihanada Sutta, Sutta ke-26 saking Digha Nikaya dipuntedahaken bilih:

"Nalika semanten kutha ingkang sakmeniak minangka Varanasi badhé dados sawijining ibu kutha ingkang nama Ketumati, kiyat lan makmur, dipunpadati déning rakyat lan sami kecekapan. Wonten ing Jambudvipa badhé wonten 84.000 kutha ingkang dipunpimpin déning Ketumati minangka ibu kutha. Lan nalika wekdla punika tiyang badhé kagungan yuswa gesang sadangunipun 84.000 taun, wonten ing kutha Ketumati badhé bangkit satunggaling Raja ingkang nama Sankha, satunggaling Cakkavati (Raja Donya), satunggaling raja ingkang saé, penakluk sekawan penjuru. Lan nalika tiyang-tiyang kagungan pangajab gesang dumugi yuswa 84.000 taun punika medal ing donya satunggaling tiyang Ingkang Kaberkahan, Arahat, Sammasambuddha ingkang nama Metteya"

Wonten ing salebetingBuddhavacana Maitreya Bodhisattva Sutra kasebutaken ugi:

"O, Arya Sariputra! Nalika Buddha énggal kasebut dipunmiyosaken ing donya Jambudvipa. Situasi lan kahanan donya Jambudvipa punika langkiung saé tinimbang wekdal punika! Toya laut radi susut lan daratan samsaya tambah. Diameter permukaan laut saking sekawan lautan badhé sami nyusut kinten-kinten 3000 yojana, Bumi Jambudvipa wonten ing wiyar 10.000 yojana persegi, persis kaca ingkang kadamel saking permata lazuardi lan permukaan buminipun mekaten rata lan resik"

Cathetan Suku[sunting | sunting sumber]

  1. ^ http://www.maitreya.org/
  2. ^ (en) [http://www.buddhanature.com/buddha/maitreya.html Bodhisattva Maitreya di situs web Buddha Nature
Logo Wikimedia Commons
Pirsani galeri bab Maitreya ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Maitreya&oldid=882215"