Ain (Departemen ing Prancis)

Gedung punjer pamaréntahan utawa Prefecture Departemen Ain, ing Bourg-en-Bresse

Ain (Arpitan: En) iku sawijining departemen kang dijenengaké saka anané Kali Ain kang dumunung ana ing pinggir wétan Prancis, yaiku ing region Rhône-Alpes (Rôno-Arpes) ing tapel wates karo nagara Switserlan. Nomer urut Departemen iki yaiku nomer 01.

Sajarah

Departemen iki minangka salah siji saka 83 departemen kang diyasa samangsa jaman Revolusi Prancis yaiku ing tanggal 4 Maret, 1790. Departemen iki diciptakaké saka patang (tilas) provinsi, yaiku: Bresse (Brêsse), Bugey (Bugê), Dombes (Domba), lan Gex, lan sapérangan saka: Franc-Lyonnais.

Wis wiwit abad angka 13 sing ndunungi tlatah iki omong nganggo dhialèk kang béda saka basa Arpitan kang diarani Bressan. Dhialèk iki isih kerep dipigunakaké ing tlatah pedhalaman Ain nganti abad angka 20. Nganti dina iki isih dipigunakaké nanging ora sben dina.

Tlaytah iki asal muasalé péranganing karajan kuna Burgundy, sadurungé digabungaké karo Prancis déning dukes saka Savoy ing taun 1601. Wiwit taun 1798 nganti 1814, Gex dipisahaké lan dadi péranganing departemenLéman. Enem commune pérangan kidul-kulon dipisahaké saka Ain ing taun 1967 lan dadi péranganing Komunitas Urban Lyon.

Géografi

Departemen iki dibagi saka lor mangidul déning Kali Ain. Pérangan kulon dumadi saka dhataran lan dhataran endhèk. Sisih wétan luwih wujud gunung-gunung, yaiku terusané Gunung Jura sisih kidul. Titik elevasi paling dhuwur sajeroning departemen iki(lan ing gunung Jura) yaiku dumunung ing Crêt de la Neige (1720 m).

Ain iku dikubengi déning departemen Jura, Saône-et-Loire, Rhône, Isère, Savoie, lan Haute-Savoie. Ing sisih wétan, wewatesan karo canton-canton Switserlan, yaikuJenewa lan Vaud.

Kutha

Ing ngisor iki sawatara kutha wigati ing departemen Ain:

Kali

Saliyané kali Ain, uga ana kali-kali kang mili ing departemen Ain, antarané yaiku:

Dhémografi

Departemen iki ora nduwé kutha gedhé, lan populasi mencar ing sawatara kutha-kutha cilik. Populasi suda sithik ing paro kaloro abad angka 19 amarga anané urbanisasi, lan luwih-luwih sudané mangsa Perang Donya I. Wiwit nambah manèh sawisé Perang Donya II, amarga ekspansi tlatah pinggirané (suburb) Lyon lan Jeneva. Saka taun 1968 nganti 1999, sing ndunungi nambah saka 339,262 dadi 515,270.

Turisme

Loro atraksi utama turisme yaiku èstat Voltaire ing Ferney-Voltaire lan makam John Vianney ing Ars-sur-Formans.

Departemen iki uga nawakké wisata alam, kanthi lumaku, numpak pit utawa nunggang jaran. Kali lan tlagané nyadhiakaké kasempatan kanggo warna-warna ulah raga banyu.

Sisih lor-wétan saka departemen iki, yaiku ing Pays de Gex nduwé akèh ski resort lan pemandhangan alam Alpen, kalebu uga Mont Blanc.

Parc Naturel Régional du Haut Jura iku sawijining cagar alam kanthi tlatah "sadhel" (mountain pass) kang dhuwur.