Mont Blanc

Saka Wikipédia Jawa, bauwarna bébas abasa Jawa
Mont Blanc and Dome du Gouter.jpg

Mont Blanc (basa Prancis, "Gunung Putih") utawa Monte Bianco (basa Italia, kanthi arti kang padha, uga misuwur kanthi jeneng La Dame Blanche (the White Lady)), kang dumunung ing pagunungan Alpen Éropah ya iku sawijning gunung paling dhuwur ing Éropah kulon. Kanthi dhuwur kang nyandhak 4.810 mèter (15.780 kaki).

Mont Blanc dumunung ing sapérangan wewengkon Prancis lan wewengkon Italia, ananging Prancis nyataake yèn pucuk gunung iki ana sajeroning area wewengkone; sajeroning peta nagara perancis, area gunung iki dileboake ing wewengkon nagara Prancis. Sajeroning sawijining konvensi antarané Prancis lan Krajan Sardinia ing Turin (1861), dikukuhaké wates ing pucuk gunung Mont Blanc.

Loro kutha kang misuwur paling cerak Mont Blanc ya iku Chamonix, Haute-Savoie (Prancis) lan Courmayeur, Valle d'Aosta (Italia). Pambangunan trowongan Mont Blanc dimulai ing 1957 lan rampung ing 1965. Trowongan iki duwé dawa 11,6 kilomèter (7,25 mil), kang nggathukake loro kuthamau lan dadi rute transportasi utama jalur trans-Alpine.

Mont Blanc misuwur dadi panggonan ulah raga munggah gunung lan ski. Mont Blanc wusanane diunggahi ing 8 Agustus 1786 déning Jacques Balmat lan Michel Paccard; wong wadon kang miwiti tekan pucuk Mont Blanc yiku Marie Paradis ing 1808.