Adhyaksa Dault

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Adhyaksa Dault
Kabinet adhyaksa.jpg
Mantri Nagara Pemuda dan Ulah raga Républik Indonésia 9
Linggih
21 Oktober 2004 – 22 Oktober 2009
Présidhèn Susilo Bambang Yudhoyono
Kang sadurungé Mahadi Sinambela
Kang sawisé Andi Mallarangeng
Rerincèn dhiri
Lair (1963-06-07) Juni 7, 1963 (umur 56)
Indonésia Donggala, Indonésia
Sisihan Drg. Mira Arismunandar
Almamater Universitas Trisakti
Universitas Indonésia
Institut Pertanian Bogor
Agama Islam

Adhyaksa Dault (lair ing Donggala, Sulawesi Tengah, 7 Juni 1963; umur 56 taun) iku Mantri Nagara Pemuda lan Ulah raga ing Kabinet Indonésia Bersatu (2004–2009).[1] Adhyaksa Dault nduwé garwa kang jenengé Mira Arismunandar, dhèwèké sadurungé tau nyambut gawé dadi penaséhat hukum.[1] Nanging dhèwèké banjur nerusaké sekolahé manèh ing Program Magister Fakultas Ilmu Sosial dan Ilmu Pulitik Universitas Indonésia (FISIP UI).[1] Dhèwèké olèh gelar Dhoktor (S3) saka Jurusan Teknik Kelautan Institut Pertanian Bogor (IPB) nalika taun 2007.[1]

Bapak saka Umar Adiputra Adhyaksa lan Fakhira Putri Maryam Adhyaksa iki uga kondhang amarga aktif ing organisasi.[1] Nalika taun 1987 nganti taun 1988, dhèwèké dipercaya dadi Ketua Sénat Mahasiswa Fakultas Hukum USAKTI lan nalika taun iku uga, dhèwèké dadi Ketua Ikatan Sénat Mahasiswa Hukum Indonésia (ISMAHI) Korwil DKI Jakarta.[1] Jabatan Ketua Lembaga Pangkajian Kaadilan lan Dhémokrasi Indonésia (LPKDI) uga diamanahaké marang dhèwèké saka taun 1999 nganti taun 2002.[1] Amanah dadi Ketua Ikatan Penaséhat Hukum Indonésia (IPHI) Jakarta uga diemban déning dhèwèké saka taun 1999 nganti taun 2004. Sawisé iku dhèwèké uga tau dipercaya dadi Ketua Umum Déwan Pimpinan Pusat Komité Nasional Pemuda Indonésia (DPP KNPI) nalika taun 1999 nganti taun 2002.[1] Banjur dhèwèké dadi Ketua Umum Majelis Pemuda Indonésia (MPI) nalika taun 2003 nganti taun 2006.[1] Ora mung iku, dhèwèké uga tau dipercaya dadi Ketua Badan Pengawas YPI Al Azhar periode 2007-2012.[1]

Nalika taun 2011, kanggo mèngeti dina kamardikan nagara Indonésia, 17 Agustus taun 2011, dhèwèké dadi pamimpin èkspèdisi menyang Mount Blanc ing Éropah.[2] Tim èkspèdisi kang munggah gunung Mount Blanc ditindakaké nalika tanggal 19 Agustus lan tanggal 4 September cacahé ana 11.[2]

Cathetan sikil[besut | besut sumber]

  1. a b c d e f g h i j biografi Adyaksa diunduh tanggal 2 September 2011
  2. a b berita Adyaksa diunduh tanggal 2 September 2011