Abu Dzar Al-Ghiffari

Saka Wikipédia Jawa, bauwarna bébas abasa Jawa
تخطيط اسم أبو ذر الغفاري.png

Jundub bin Junadah bin Sakan (Arab: جُندب بن جَنادة) utawa luwih kaloka kanthi jeneng Abu Dzar al-Ghifari utawa Abizar al-Ghifari ya iku sahabat Muhammad.

Biografi[besut | besut sumber]

Abu Dzar asalé saka suku Ghifar (kaloka minangka panyamun ing mangsa sadurungé tekané Islam). Dhèwèké nganut agama Islam kanthi sukarela, dhèwèké salah siji sahabat kang luwih ndisik nganut agama Islam. Dhèwèké nekani Muhammad langsung ing Mekkah saperlu mratelakake kaislamane.

Sawisé mratelakake kaislamane, dhèwèké ngubengi Mekkah saperlu mbengokake yèn dhèwèké sawijining muslim nganti dhèwèké dikepruki suku Quraisy. Amarga ditulungi Abbas bin Abdul Muthalib, dhèwèké dibebasake suku Quraisy, sawisé suku Quraisy mangerteni yèn wong kang dikepruki iku saka suku Ghifar. Dhèwèké mèlu meh kabèh pertempuran-pertempuran semangsane Muhammad gesang.

Wong-wong kang mlebu Islam lumantar dhèwèké, ya iku : Ali-al-Ghifari, Anis al-Ghifari, Ramlah al-Ghifariyah.

Dhewke kaloka setya banget marang Rasulullah. Kasetyane dibuktèkaké kanthi sosok prsaja iki ing sawijining lelungan wadyabala Muslim tumuju medan Perang Tabuk nglawan kakaisaran Bizantium. Amarha keledaine lemes, dhèwèké lila mlaku sinambi mikul gawanane. Nalika iku ana kedadeyan pucuking mangsa panas.

Dhèwèké keselen lan ambruk ing ngarepe Nabi SAW. Nanging Rasulullah gumun amarga kantong banyune isih kebak. Sawisé ditakoni kenapa dhèwèké ora ngumbe banyune, tokoh kang uga kerap ngritik pangwasa sapenake dhéwé iki kandha, "Ing lelunganku iki, aku nemu tuk.

Aku ngombe banyu iku nanging mung sithik lan aku ngrasa enak banget. Sawisé iku, aku supata ora bakal ngumbe banyu iku manèh sadurungé Nabi SAW ngunjuk." Kanthi rasa trenyuh, Rasulullah ngendika, "Sira teka ijèn, sira urip ijèn, lan sira bakal mati sajeroning kaijènan. Ananging sarombongan wong saka Irak kang saleh mbesuk bakal ngurus panguburanmu." Abu Dzar Al Ghifary, sahabat setya Rasulullah iku, ngabdi kanggo Islam selawase urip.

Réferènsi[besut | besut sumber]

  1. Summarized Sahih Al Bukhary, Islamic University Al Madinah Al Munawarah

Pranala njaba[besut | besut sumber]

Pranala Singah[besut | besut sumber]

Pranala Sunni[besut | besut sumber]