5 cm

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
poster filem 5 cm

5 cm ya iku filem drama Indonésia kang nembé waé dirilis tanggal 12 Dhésèmber 2012.[1] Film iki di paragani déning aktris lan aktor kang wis misuwur ing Indonésia, ya iku Herjunot Ali, Raline Shah, Fedi Nuril, Pevita Pearce, Igor Saykoji lan Denny Sumargo.[1] Carita filem iki dijupuk saka novèl kang judhulé padha 5 cm karangané Donny Dhirgantoro.[1] Film iki disutradarani Rizal Mantovani.[1]

Ana ing filem iki para paraga dipeksa supaya munggah gunung kang paling dhuwur ing Pulo Jawa ya iku gunung Mahameru, amarga latar filem iki uga ana ing gunung iki.[1] Kurang luwih filem iki ngentèkaké wektu 17 dina ing pucuk gunung Mahameru.[1]

Mung kacèk 10 dina saka rilis ing biyoskup panonton 5 cm wis nganti sayuta wong lan karan-sebut dadi salah sawijining filem kang paling suksès ing taun 2012.[1]

Nggawé filem kang lataré ing gunung ora gampang, akèh kadadéan kang ngangèl-ngangèli rikala njupuk gambar.[1] Tuladhané adegan rikala kabèh paraga mung meneng ing pucuk gunung Semeru.[1]

Raline Shah kang maragani tokoh Riani ngaku ora nyangka bakal main ing filem iki lan sadurungé sempet ora lulus casting.[1] Kajaba iku, Deny Sumargo uga ngandharaké bombongé atiné rikala mèlu main ing filem iki.[1] Amerga syuting filem 5 cm, Fedi Nuril paraga Genta ketagihan munggah gunung manèh.[1]

Sinopsis[besut | besut sumber]

Genta, Arial, Zafran, Riani lan Ian iku 5 rumaja kang wis kekancan welasan taun suwéné.[2] Sawijining dina dhèwèké kabèh ngrasa bosen marang kekancanané banjur kalimané sarujuk ora ketemu dhisik lan ora komunikasi siji marang liyané suwéné telung sasi.[2]

Saksuwéné telung sasi iku, akèh kadadéan kang dialami dhèwèké kabèh. Kedadéyan-kadadéan iku bisa ndadèkaké saben wong dadi luwih apik rikala nglakoni uripé.[2] Sawisé telung sasi kalima kekancan iku ketemu manèh lan ngrayaké patemonané iku kanthi petuwalangan kang kebak pengarep-arep lan tantangan.[2] Lakuning ati supaya bisa ngèulukaké gendéra Indonésia ing pucuk paling dhuwur Jawa ing tanggal 17 Agustus 2012 kang ndadèkaké saya tresna marang nagara Indonésia.[2]

Cathetan sikil[besut | besut sumber]

  1. a b c d e f g h i j k l info film (dipunundhuh tanggal 23 Dhésèmber 2012)
  2. a b c d e 5 cm legay (diundhuh tanggal 23 Dhésèmber 2012)