ꦏꦸꦕꦶꦁ
|
꧋ꦏꦸꦕꦶꦁ(ꦥ꦳ꦼꦭꦶꦱ꧀ꦕꦠꦸꦱ꧀)꧈ꦲꦶꦁꦏꦁꦲꦱꦿꦶꦁꦢꦶꦥꦸꦤ꧀ꦱꦼꦧꦠ꧀ꦩꦶꦤꦁꦏꦏꦸꦕꦶꦁꦏꦩ꧀ꦥꦸꦁ꧈ꦥꦸꦤꦶꦏꦱꦠꦸꦁꦒꦭꦶꦁꦱ꧀ꦥꦺꦱꦶꦪꦺꦱ꧀ꦲꦶꦁꦏꦁꦢꦶꦥꦸꦤ꧀ꦗꦶꦤꦏꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦸꦭꦮꦂꦒꦥ꦳ꦺꦭꦶꦢꦲꦺ꧉ꦏꦼꦩꦗꦺꦔꦤ꧀ꦲꦶꦁꦧꦧꦒꦤ꧀ꦄꦂꦏꦺꦪꦺꦴꦭꦺꦴꦒꦶꦭꦤ꧀ꦒꦺꦤꦺꦠꦶꦏꦱꦩ꧀ꦥꦸꦤ꧀ꦤꦸꦢꦸꦲꦏꦺꦤ꧀ꦧꦶꦭꦶꦃꦗꦶꦤꦏꦶꦥꦸꦤ꧀ꦏꦸꦕꦶꦁꦥꦸꦤꦶꦏꦏꦼꦢꦝꦺꦴꦱꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦮꦺꦠꦤ꧀ꦠꦼꦔꦃꦏꦶꦫꦏꦶꦫꦠꦲꦸꦤ꧀꧇꧗꧕꧐꧐꧇ꦱꦩ꧉ꦏꦸꦕꦶꦁꦲꦱꦿꦶꦁꦢꦶꦥꦸꦤ꧀ꦠꦩ꧀ꦥꦶꦢꦝꦺꦴꦱ꧀ꦱꦠꦸꦁꦒꦭꦶꦁꦥꦶꦪꦩ꧀ꦧꦏ꧀ꦲꦶꦁꦏꦁꦚꦼꦤꦼꦔꦏꦺꦤ꧀ꦭꦤ꧀ꦲꦶꦁꦒꦶꦃꦥꦸꦤꦶꦏꦒꦢꦃꦏꦼꦩꦩ꧀ꦥꦸꦮꦤ꧀ꦲꦶꦁꦏꦁꦱꦲꦺꦁꦏꦁꦒꦺꦤꦸꦩ꧀ꦥꦺꦱ꧀ꦲꦩ꧉ꦲꦩꦂꦒꦶꦒꦢꦃꦏꦸꦏꦸꦤꦶꦁꦲꦶꦁꦏꦁꦱꦒꦼꦣ꧀ꦚꦶꦩ꧀ꦥꦺꦤ꧀꧈ꦏꦸꦕꦶꦁꦥꦸꦤꦶꦏꦕꦺꦴꦕꦺꦴꦒ꧀ꦏꦁꦒꦺꦤꦸꦩ꧀ꦥꦺꦱ꧀ꦩꦁꦱꦤ꧀ꦲꦭꦶꦠ꧀ꦏꦝꦺꦴꦱ꧀ꦠꦠꦶꦏꦸꦱ꧀ꦭꦤ꧀ꦧꦧꦶ꧉ꦏꦸꦕꦶꦁꦒꦢꦃꦧꦢꦤ꧀ꦲꦶꦁꦏꦁꦊꦤ꧀ꦠꦸꦂ꧈ꦫꦺꦥ꦳꧀ꦭꦺꦏ꧀ꦱ꧀ꦲꦶꦁꦏꦁꦕꦼꦥꦼꦠ꧀꧈ꦠꦫꦶꦁꦲꦶꦁꦏꦁꦭꦤ꧀ꦝꦼꦥ꧀꧈ꦭꦤ꧀ꦥꦤꦶꦔꦭ꧀ꦮꦼꦔꦶꦭꦤ꧀ꦥꦔꦿꦸꦔꦺꦴꦤꦶꦥꦸꦤ꧀ꦱꦩ꧀ꦥꦸꦤ꧀ꦢꦶꦥꦸꦤ꧀ꦠꦼꦩꦸꦏꦤ꧀ꦛꦶꦱꦲꦺ꧉ꦏꦸꦕꦶꦁꦥꦸꦤꦶꦏꦱꦠꦸꦁꦒꦭꦶꦁꦱ꧀ꦥꦺꦱꦶꦪꦺꦱ꧀ꦱꦺꦴꦱꦶꦪꦭ꧀꧈ꦤꦔꦶꦁꦢꦝꦺꦴꦱ꧀ꦥꦼꦩ꧀ꦧꦸꦫꦸꦲꦶꦁꦏꦁꦚꦺꦴꦫꦺꦴꦁꦭꦤ꧀ꦢꦝꦺꦴꦱ꧀ꦥꦼꦩ꧀ꦧꦸꦫꦸꦕꦿꦺꦥꦸꦱ꧀ꦕꦸꦭꦂ꧉ꦏꦺꦴꦩꦸꦤꦶꦏꦱꦶꦏꦸꦕꦶꦁꦏꦭꦺꦧꦺꦠ꧀ꦮ꦳ꦺꦴꦏꦭꦶꦱꦱꦶꦏꦝꦺꦴꦱ꧀ꦢꦺꦤꦺꦔꦺꦴꦔꦺꦴꦁ꧈ꦩꦼꦤ꧀ꦝꦼꦭ꧀꧈ꦠꦿꦶꦭ꧀ꦭꦶꦁ꧈ꦔꦶꦱꦶꦱ꧀ꦔ꧀ꦒꦿꦼꦁꦒꦼꦁ꧈ꦭꦤ꧀ꦔ꧀ꦒꦸꦩꦸꦤ꧀ꦲꦸꦒꦶꦏꦭꦺꦧꦺꦠ꧀ꦧꦱꦄꦮꦏ꧀ꦏꦸꦕꦶꦁ꧉ꦏꦸꦕꦶꦁꦱꦒꦼꦣ꧀ꦏꦿꦸꦔꦸꦱ꧀ꦮꦤ꧀ꦠꦺꦤ꧀ꦲꦶꦁꦏꦁꦲꦭꦶꦠ꧀ꦲꦸꦠꦮꦶꦢꦸꦮꦸꦂꦲꦶꦁꦥ꦳ꦿꦺꦏꦸꦮꦺꦤ꧀ꦱꦶꦏꦁꦒꦺꦏꦸꦥꦶꦁꦩꦤꦸꦁꦱ꧈ꦏꦝꦺꦴꦱ꧀ꦠꦱ꧀ꦮꦤ꧀ꦠꦼꦤ꧀ꦲꦶꦁꦏꦁꦢꦶꦥꦸꦤ꧀ꦲꦱꦶꦭꦏꦺꦤ꧀ꦢꦺꦤꦶꦁꦱꦠ꧀ꦮꦲꦭꦶꦠ꧀꧈ꦲꦸꦒꦶꦏꦸꦕꦶꦁꦔꦱꦶꦭꦏꦺꦤ꧀ꦭꦤ꧀ꦔꦿꦲꦺꦴꦱꦏꦺꦥ꧀ꦲꦺꦫꦺꦴꦩꦺꦴꦤꦺ꧉
ꦲꦶꦁꦄꦒꦩꦶꦆꦱ꧀ꦭꦩ꧀
[besut | besut sumber].jpg)
꧋ꦲꦶꦁꦠꦿꦝꦶꦱꦶꦆꦱ꧀ꦭꦩ꧀꧈ꦏꦸꦕꦶꦁꦢꦶꦥꦸꦤ꧀ꦥꦸꦗꦶꦲꦩꦂꦒꦶꦏꦼꦧꦼꦂꦱꦶꦲꦤꦺ꧉ꦏꦸꦕꦶꦁꦢꦶꦲꦁꦒꦼꦥ꧀ꦉꦱꦶꦏ꧀꧈ꦱꦲꦺꦁꦒꦢꦶꦥꦸꦤ꧀ꦲꦶꦢꦶꦤꦏꦺꦤ꧀ꦩ꧀ꦭꦼꦧꦼꦠ꧀ꦲꦺꦴꦩꦃ[1]ꦭꦤ꧀ꦲꦸꦒꦶꦩꦱ꧀ꦗꦶꦢ꧀꧈ꦏꦭꦺꦧꦺꦠ꧀ꦩꦱ꧀ꦗꦶꦢꦶꦭ꧀ꦲꦫꦩ꧀꧉ꦥꦔꦤꦤ꧀ꦏꦁꦱꦩ꧀ꦥꦸꦤ꧀ꦢꦶꦕꦶꦕꦶꦥꦶꦢꦺꦤꦶꦁꦏꦸꦕꦶꦁꦢꦶꦲꦁꦒꦼꦥ꧀ꦲꦭꦭ꧀꧈ꦲꦶꦁꦄꦂꦠꦶꦏꦺꦴꦤ꧀ꦱꦸꦩ꧀ꦱꦶꦥꦔꦤꦤ꧀ꦏꦱꦺꦧꦸꦠ꧀ꦢꦺꦤꦶꦁꦏꦸꦕꦶꦁꦧꦺꦴꦠꦼꦤ꧀ꦔ꧀ꦒꦮꦺꦥꦔꦤꦤ꧀ꦮꦻꦴꦢꦝꦶꦲꦫꦩ꧀ꦏꦁꦒꦺꦲꦸꦩꦠ꧀ꦆꦱ꧀ꦭꦩ꧀꧈ꦭꦤ꧀ꦧꦚꦸꦏꦁꦱꦩ꧀ꦥꦸꦤ꧀ꦢꦶꦥꦸꦤ꧀ꦲꦶꦤꦸꦩ꧀ꦢꦺꦤꦶꦁꦏꦸꦕꦶꦁꦢꦶꦲꦶꦢꦶꦤꦏꦺꦤ꧀ꦏꦁꦒꦺꦮꦸꦝꦸ(ꦫꦶꦠꦸꦮꦭ꧀ꦮꦸꦢꦸꦏꦁꦢꦶꦥꦸꦤ꧀ꦭꦏꦺꦴꦤꦶꦢꦺꦤꦶꦁꦈꦩꦠ꧀ꦆꦱ꧀ꦭꦩ꧀)꧉[1]ꦱꦭꦗꦼꦔꦶꦥꦸꦤ꧀꧈ꦮꦺꦴꦤ꧀ꦠꦼꦤ꧀ꦏꦥꦼꦂꦕꦪꦤ꧀ꦲꦶꦁꦏꦭꦔꦤ꧀ꦱꦮꦺꦠꦮꦶꦱ꧀ꦈꦩꦠ꧀ꦆꦱ꧀ꦭꦩ꧀ꦩꦼꦤꦮꦶꦏꦸꦕꦶꦁꦒꦣꦃꦏꦥꦿꦶꦒꦺꦭꦤ꧀ꦩꦶꦭꦫꦠꦶꦪꦁꦏꦁꦱꦸꦗꦸꦢ꧀꧉[2]
꧋ꦏꦛꦃꦠꦶꦪꦁꦩꦸꦱ꧀ꦭꦶꦩ꧀ꦲꦶꦁꦏꦁꦥꦼꦂꦕꦪꦧꦶꦭꦶꦃꦩꦸꦮꦺꦗ꦳꧀ꦗ꦳ (ꦲꦸꦠꦮꦶ Muʿizza; Arab: معزة)ꦩꦼꦤꦶꦏꦏꦸꦕꦶꦁꦲꦶꦁꦏꦁꦥꦭꦶꦁꦢꦶꦥꦸꦤ꧀ꦠꦿꦼꦱ꧀ꦤꦤꦶꦢꦺꦤꦶꦁꦩꦸꦲꦩ꧀ꦩꦢ꧀꧈[3][4] ꦩꦸꦲꦩ꧀ꦩꦢ꧀ꦱꦮꦺꦒ꧀ꦠꦔꦶꦲꦶꦁꦱꦠꦸꦁꦒꦭ꧀ꦢꦶꦤ꧀ꦠꦼꦤ꧀ꦲꦩꦂꦒꦶꦱ꧀ꦮꦫꦤꦶꦁꦄꦢ꧀ꦗ꦳ꦤ꧀꧉ꦤꦭꦶꦏꦧꦢꦺꦲꦁꦒꦠꦺꦴꦱꦏꦺꦤ꧀ꦥꦏꦺꦪꦤ꧀ꦱꦼꦩ꧀ꦧꦲꦾꦁ꧈ꦥꦶꦪꦩ꧀ꦧꦏꦶꦥꦸꦤ꧀ꦲꦺꦁꦒꦭ꧀ꦱꦸꦩꦺꦫꦺꦥ꧀ꦧꦶꦭꦶꦃꦩꦸꦮꦺꦗ꦳꧀ꦗ꦳ꦠꦤ꧀ꦱꦃꦊꦉꦤ꧀ꦲꦶꦁꦲꦱ꧀ꦠꦧꦸꦱꦤꦱꦼꦩ꧀ꦧꦲꦾꦔꦶꦥꦸꦤ꧀꧈ꦱꦗꦏ꧀ꦩ꧀ꦧꦺꦴꦠꦺꦤ꧀ꦧꦢꦺꦔ꧀ꦒꦸꦒꦃ꧈ꦥꦶꦪꦩ꧀ꦧꦏꦶꦥꦸꦤ꧀ꦩꦶꦭꦶꦃꦔ꧀ꦒꦸꦤ꧀ꦠꦶꦁꦲꦱ꧀ꦠꦤꦶꦥꦸꦤ꧀꧈ꦔꦤ꧀ꦠꦺꦥꦏꦺꦤ꧀ꦏꦸꦕꦶꦁꦩꦼꦤꦶꦏꦠꦼꦠꦼꦥ꧀ꦊꦉꦤ꧀꧈ꦭꦗꦼꦁꦥꦶꦪꦩ꧀ꦧꦏꦶꦥꦸꦤ꧀ꦩꦺꦱꦼꦩ꧀ꦭꦤ꧀ꦏꦤ꧀ꦛꦶꦲꦭꦸꦱ꧀ꦚꦮꦶꦗꦶꦏꦸꦕꦶꦁꦩꦼꦤꦶꦏꦏꦥꦶꦁꦠꦼꦭꦸ꧈ꦥꦫꦶꦁꦏꦧꦶꦱꦤ꧀ꦩꦫꦁꦱꦼꦢꦪꦏꦸꦕꦶꦁꦱꦸꦥꦝꦺꦴꦱ꧀ꦠꦤ꧀ꦱꦃꦠꦶꦤ꧀ꦝꦏ꧀ꦏꦤ꧀ꦛꦶꦕꦼꦏꦥ꧀꧈[3][4]ꦩ꧀ꦧꦺꦴꦠꦺꦤ꧀ꦮꦺꦴꦤ꧀ꦠꦼꦤ꧀ꦱꦺꦧꦠꦤ꧀ꦏ꦳ꦸꦱꦸꦱ꧀ꦧꦧꦒꦤ꧀ꦏꦸꦕꦶꦁꦩꦼꦤꦶꦏꦲꦸꦠꦮꦶꦕꦫꦶꦠꦲꦶꦁꦏꦁꦒꦼꦒꦪꦸꦠꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦲꦢꦶꦛ꧀ꦲꦸꦠꦮꦶꦏꦶꦠꦧ꧀ꦏꦶꦠꦧ꧀ꦥꦼꦊꦁꦏꦥ꧀[5]ꦭꦤ꧀ꦮꦺꦴꦤ꧀ꦠꦼꦤ꧀ꦕꦫꦶꦠꦕꦫꦶꦠꦱꦤꦺꦱꦶꦥꦸꦤ꧀ꦲꦶꦁꦏꦁꦢꦶꦥꦸꦤ꧀ꦱꦺꦧꦠꦏꦺꦤ꧀ꦢꦠꦼꦁꦠꦶꦪꦁꦱꦤꦺꦱ꧀ꦱꦏꦶꦁꦲꦧꦣ꧀ꦏꦥꦶꦁ꧇꧖꧇ꦲꦶꦁꦲꦫꦧꦶꦪꦲꦶꦁꦏꦁꦩ꧀ꦧꦺꦴꦏ꧀ꦩꦺꦤꦮꦶꦢꦝꦺꦴꦱ꧀ꦲꦱꦭ꧀ꦲꦸꦱꦸꦭꦶꦥꦸꦤ꧀ꦕꦫꦶꦠꦩꦼꦤꦶꦏ꧉[6]
ꦒ꧀ꦭꦢꦿꦶ
[besut | besut sumber]-
ꦩꦠꦏꦸꦕꦶꦁꦏꦁꦏꦺꦤꦺꦁꦏꦼꦕ꧀ꦭꦥꦶꦁꦭꦩ꧀ꦥꦸ
ꦱꦶꦠꦶꦫꦤ꧀
[besut | besut sumber]- ↑ a b Campo, Juan Eduardo (2009). Encyclopedia of Islam. Infobase Publishing. kc. 131. ISBN 978-0-8160-5454-1.
- ↑ Glassé, Cyril (2003). The New Encyclopedia of Islam. Rowman Altamira. kc. 102. ISBN 0759101906.
Cerita-cerita bab kucing kang milara tiyang kang sujud, lan kucing kang peka marang prabawa sih, lumrah.
- ↑ a b Geyer, Georgie Anne (2004). When Cats Reigned Like Kings: On the Trail of the Sacred Cats. Kansas City, Missouri: Andrews McMeel Publishing. kc. 28. ISBN 0-7407-4697-9.
In still another charming legend about the Prophet, one day his favorite cat Muezza bowed to thank him for some kind favor and, by this story, Muhammad then passed his hand down three times the length of the animal's back, giving to it—and to all cats evermore—the enviable capacity always to land squarely on their feet.
- ↑ a b Stall, Sam (2007). 100 Cats Who Changed Civilization: History's Most Influential Felines. Quirk Books. kc. 40. ISBN 978-1-59474-163-0.
- ↑ Motala, Moulana Suhail (2020-11-25). "Did Nabi (sallallahu 'alayhi wa sallam) have a cat named Muezza?". Hadith Answers (ing basa Inggris Karajan Manunggal). Dibukak ing 2021-03-15.
- ↑ "The Prophet's cat Muezza". Islamic Portal (ing basa Inggris Karajan Manunggal). 2020-10-09. Dibukak ing 2021-03-15.