Étnobotani

Saka Wikipédia Jawa, bauwarna mardika basa Jawa
etnobotani ya iku ngèlmu kang nyinaoni gegayutane manungsa lan tuwuhan

Etnobotani (dari "ètnologi" - kajian ngenani budaya, lan "botani" - kajian ngenani tuwuhan) ya iku ngèlmu kang nyinaoni gegayutane manungsa lan [[tuwuhan.[1] Panaliten etnobotani diwiwiti déning para ahli botani kang mokusake babagan persepsi ékonomi saka sawijining tuwuhan kang digunakaké déning masarakat lokal.[1] Ahli etnobotani tugase ya iku ndokumentasekake lan njentrehake geyayutan kompleks antarané budaya lan cara gunakake tanduan kanthi fokus utama ing kepriye tuwuhan digunakaké, dikelola, lan dipersepsekake ing pirang-pirang lingkungan masarakat, tuladhané minangka panganan, obat, praktik keagamaan, kosmetik, pewarna, tekstil, sandangan, konstruksi, piranti, mata uang, sastra, ritual, sarta panguripan sosial.[2]

Saiki ngèlmu etnobotani ngarah marang sasaran kanggo ngrembakakake sistem kawruh masarakat lokal tumrap tuwuhan obat saéngga bisa nemu senyawa kimia anyar kang migunani nalika gawé obat-obatan modhèren kanggo marekake lelara-lelara kang bebayani kaya ta kanker, AIDS lan jinis lelara liyané.[2]

Sajarah[besut | besut sumber]

Perkembangan sajarah etnobotani[2]:

Nicotiana tabacum
  • 1492: Colombus nemu pemanfaatan tembakau (Nicotiana tabacum) ing Cuba. Kolonisasi kang duwé kepentingan ékonomi lan eksplorasi keilmuan (1663-1870)
  • 1873-1980: wiwitane ngèlmu etnobotani
  • 1873: Power nulis buku ngenani aboriginal botany
  • 1895: Harsberger nulis ngenani ethnobotany
  • 1900: Davis Barrow ana nalika dhoktor etnobotani wiwitan The Ethnobotany of the Coahuilla Indian of Southern California
  • 1920: Publikasi tuwuhan obat ing India
  • 1980: etnobotani dikenal déning masarakat akademislan awam
  • 1981: jurnal etnobotani. Ing dekade pungkasan diterbitake pirang-pirang jurnal asil panalitèn etnobotani: Journal of Ethnobiology, Journal of Ethnopharmacology, Ethnobotany, Ethnoecology
  • 1983: Perhimpunan Masarakat Etnobotani kang diprakarsai déning Perhimpunan Arkéologi Amérika

Cathetan suku[besut | besut sumber]

  1. a b Sood SK, Nath R. and Kalia, D.C. 2001. Ethnobotany of Cold Desert Tribes of Lahoul-Spiti (N.W. Himalaya). New Delhi: Deep Publications.Page 45-47.
  2. a b c Acharya D,Anshu S. 2008. Indigenous Herbal Medicines: Tribal Formulations and Traditional Herbal Practices. Jaipur:Aavishkar Publishers Distributor. ISBN 978-81-7910-252-7. page 440.