Ès krim

Saka Wikipédia Jawa, bauwarna bébas abasa Jawa
Es krim saka Italia
Mesin kang dienggo kanggo gawé es krim
Konsumsi es krim saben wong ing Éropah
Rasa es krim kang misuwur ing Jerman
Wiktionary-logo.svg
Pirsani informasi ngenani Ès krim ing KamusWiki.

Ès krim iku panganan panutup beku, biyasané kagawé saka susu, kayata susu lan krim, uga asring dibarengake karo woh-wohan utawa bahan lan rasa liyané. Ing sawetara jinis nduwèni kandhutan gula, sanajan sawetara jinis liyane kagawé kanthi nambahi legèn-legèn liyané. Kadhang-kadhang, perasa gawéyaan lan pawarna dianggo ing njaba, dudu kalebu bahan alami. Campuran saka bahan-bahan kang wis dipilih diudheg alon-alon nalika prosès ngadhemaké, supaya hawa bisa mlebu lan kanggo nyegah anané kristal ès gedhé saka prosès pambentukan. Asilé awujud semi-padhet utawa semi-cair kang wujudé lembut kaya "krim".

Tembung "ès krim" nduwèni teges kang béda-béda saka nagara siji lan sijiné. Kayadéné tembung "puding beku", "yoghurt beku", "sorbet", "gelato" lan liya-liyané digunakake kanggo membedakake jinis kang béda lan gaya. Ing pirang-pirang nagara, kayadene Amérika Sarékat, tembung "ès krim" mung dianggo kanggo pirang-pirang spesifik, lan sabagéyan gedhé pamaréntah ngatur anggone nganggo komersial saka pirang-pirang tetembungan kang mathuk karo cacahe kang relatif saka bahan utama.[1] Ing nagara liya, kayata Italia lan Argentina, tembung siji dienggo kanggo kabèh jinis. Analog kang kagawé saka alternatif susu, kayata susu wedhus utawa susu domba, utawa pangganti susu, sumadya kanggo wong-wong kang intoleransi laktosa, alergi marang protein susu, lan / utawa vegan.

Peranganing es krim[besut | besut sumber]

Es krim kaperang saka bahan-bahan kayata:[2]

  • 10% luwih saka es krim ngandhut gajih saka susu lan padhatan ing antarane 10%, ing pirang-pirang es krim premium ngandhut 16% gajih
  • 9 nganti tekan 12% ngandhut susu-susu-gajih: komponen iki, uga dikenal minangka padhetan serum, duweni kandhutan protein (kasein lan whey protein) uga karbohidrat (laktosa) kang ana ing sajroning susu
  • 12 nganti tekan 16% legen-legen: padhatan kakombinasiake saka sukrosa lan glukosa saka legen-legen jagung kang awujud sirup
  • 0.2 nganti tekan 0.5% ngandhut stabiliser lan emulsifier
  • 55% nganti tekan 64% ngandhut banyu kang saka susu utawa bahan liyane.

Komposisi iku kalebu prosentase kang abot. Wiwit es krim bisa kaisi akehe luwih saka separone volume udara, angka-angka iku bisa dikurangi akehe separone saka volumene. Yeng dienggo diet, prosentase abot kang luwih relevan. Malahan prodhuk rendah lemak duweni kandhutan kalori kang dhuwur: Ben lan Jerry Vanilla Fudge tanpa gajih ngandhut 150 kalori per separo cangkir amarga kadar gulane akeh.[3]

Cathetan sikil[besut | besut sumber]

  1. ^ "Ice Cream Labeling: What Does it all Mean?". International Foodservice Distributors Association. Diarsip saka sing asli ing May 14, 2008. Dijupuk 2008-08-09. 
  2. ^ Goff, H. Douglas. "Ice Cream Ingredients". Dairy Science and Technology Education Series. University of Guelph. Dijupuk 2008-08-09. 
  3. ^ Kendall, Pat (2000-06-25). "Ice Cream - What's in a Scoop?". Colorado State University. Diarsip saka sing asli ing May 30, 2008. Dijupuk 2008-08-09. 

Pranala Jaba[besut | besut sumber]

Deleng Uga[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Ès_krim&oldid=1075901"