Sitologi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Biologi sel (uga disebut sitologi, saka basa Yunani kytos, "wadhah") iku èlmu sing nyinaoni sèl. Bab sing disinaoni jroning biologi sèl nyakup sifat-sifat fisiologis sèl kayata struktur lan organel sing ana ing njeron sèl, lingkungan lan antaraksi sel, dhaur urip sèl, panyigaran sèl lan fungsi sel (fisiologi), nganti patining sel. Bab-bab mau disinaoni ing skala mikroskopik uga ing skala molekular, lan sel biologi nliti organisme mawa sèl tunggal kayata baktèri uga sèl-sèl kaspesialisasi ing organisme multisel kayata manungsa.

Kawruh ngenani komposisi lan cara tandang gawéné sèl arupa babagan paling dhasar kanggo kabèh bidhang èlmu biologi. Kawruh ngenani pepadhan lan prabédan ing antarané manéka jenis sel iku babagan wigati khususé kanggo bidhang biologi sèl lan biologi molekular. Pepadhan lan prabédan paling dhasar mau nuwuhaké téma pamanunggal, sing mungelaké prinsip-prinsip sing disinaoni saka sawijining sèl diekstrapolasikaké lan digeneralisasikaké ing jenis sèl liya. Panalitèn biologi sèl gegandhèngan raket karo génétika, biokimia, biologi molekular, lan biologi perkembangan.

Proses-proses jroning biologi sèl[sunting | sunting sumber]

Pergerakan protein[sunting | sunting sumber]

Protein disintesis déning ribosom ing sitoplasma. Proses kasebut juga dikenal minangka translasi protein utawa biosintesis protein. Sawetara jenis protein, upamané protein sing bakal digabungaké menyang membran sèl (protein membran), ditranspor menyang retikulum endoplasma (RE) sajroning proses sintesisé lan sabanjuré diprosès ing badan Golgi. Saka badan Golgi, protein membran bisa ngalih menyang membran plasma (membran sèl), menyang kompartemen subselular liyané, utawa bisa uga disekresiaké metu saka sèl. Retikulum endoplasma bisa dianggep minangka "kompartemen papan sintesis protein membran", déné badan Golgi bisa dianggep minangka "kompartemen papan pamrosesan protein membran". Ana aliran protein semi-konstan liwat kompartemen-kompartemen kasebut. Protein-protein sing ana ing RE lan badan Golgi berasosiasi karo protein-protein liya nanging tetep ana ing kompartemené dhéwé-dhéwé. Protein-protein liya "mili" liwat RE lan badan Golgi menyang membran plasma. Saka membran plasma, protein wusanané diurai manèh ing sajroning kompartemen intraselular lisosom dadi asam amino-asam amino panyusuné.

Teknik sing digunakna kanggo nyinaoni sèl[sunting | sunting sumber]

Isolasi sèl[sunting | sunting sumber]

Sing dimaksud isolasi sèl yaiku proses panjupukan sawijining partikel sèl saka papan asalé kanggo diteliti luwih jero. Sèl bisa diisolasi saka suspensi jaringan.

Isolasi sèl bisa dilakoni nganggo 2 cara, yaiku:

1. Fluorescence-Activated Cell Sorter

Prinsip metode iki yaiku migunakaké antibodi sing berikatan karo dat fluoresen kanggo nglabel sèl spesifik. Suspensi sèl diliwataké ing sinar laser lan diwaca déning detektor. Suspensi sing ngandhut sèl diwènèhi sinyal positif utawa negatif gumantung marang selé, ngandhut dat fluoresen utawa ora. Suspensi banjur ngliwati aliran listrik lan dipisah menyang papan miturut muatané.

2. Laser Capture Microdissection

Prinsip metode iki migunakaké laser kanggo motong bagian tinamtu lan mindahaké menyang papan liya, contoné misahaké sèl tumor saka jaringané.

Pambiakan sèl[sunting | sunting sumber]

Sawisé diisolasi, sèl dituwuhaké (diperbanyak) nganggo cara in vitro (migunakaké media) utawa in vivo (nglibataké sèl urip).

Ana 2 macam biakan utawa kultur, yaiku biakan primer lan biakan sekunder. Biakan primer yaiku biakan sing dijupuk langsung saka jaringan organisme tanpa proliferasi sèl sacara in vitro. Sauntara kuwi, biakan sekunder yaiku biakan sing dikembangbiakaké saka biakan primer, biasané di-refresh jroning jangka wektu tinamtu.

Hibridisasi sèl[sunting | sunting sumber]

Sèl hibrid yakuwi gabungan loro sèl béda sing dadi siji inti sèl. Tujuan digawé sèl hibrid yaiku kanggo mbentuk antibodi monoklonal.

Fraksinasi sèl[sunting | sunting sumber]

Fraksinasi sèl yaiku pamisahan sèl dadi organel lan molekul, biasa dilakoni karnthi sentrifugasi. Sentifugasi minangka tahap pisanan jroning fraksinasi, misahaké organel adhedhasar ukuran lan densitasé. Prinsip sentrifugasi yaiku kanggo ngolèhaké organel sing gedhé, diperlokaké kacepetan sentrifugasi sing alon, lan suwaliké.

Deleng uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Sitologi&oldid=815916"