Mikroskop

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mikroskop Compound digawé déning John Cuff ing taun 1750

Mikroskop (basa Yunani: micron = cilik lan scopos = tujuwan) iku sawijining alat kanggo ndeleng obyek sing cilik banget kanggo dideleng nganggo mata. Èlmu sing nyinaoni barang cilik kanthi migunakaké alat iki disebut mikroskopi, lan tembung mikroskopik maknané cilik banget, ora gampang katon nganggo mata biasa.

Jinis-jinis mikroskop[sunting | sunting sumber]

Jinis paling umum mikroskop, lan sing pisanan diripta, yakuwi mikroskop optis. Mikroskop iki minangka alat optik sing dumadi saka siji utawa luwih lènsa sing mprodhuksi gambar sing digedhèkaké saka sawijining barang sing didèlèh ing bidhang fokal saka lènsa kasebut.

Miturut sumber cahyané, mikroskop dipérang dadi loro, yaiku, mikroskop cahya lan mikroskop elektron. Mikroskop cahya dhéwé dipérang manèh dadi rong klompok gedhé, yaiku miturut kagiatan pengamatan lan karumitan kagiatan pengamatan sing diayahi. Miturut kagiatan pengamatané, mikroskop cahya dibédakaké dadi mikroskop diseksi kanggo ngamati bagéan permukaan lan mikroskop monokuler lan binokuler kanggo ngamati bagéan njero sèl. Mikroskop monokuler minangka mikroskop sing mung nduwèni 1 lènsa okulèr lan binokuler nduwèni 2 lènsa okuler. Miturut karumitan kagiatan pengamatan sing diayahi, mikroskop dipérang dadi 2 bagéan, yaiku mikroskop prasaja (sing umumé digunakaké para murid) lan mikroskop riset (mikroskop dark-field, fluoresens, fase kontras, Nomarski DIC, lan konfokal).

Struktur mikroskop[sunting | sunting sumber]

Ana rong bagéan utama sing umumé nyusun mikroskop, yaiku:

  • Bagéan optik, sing dumadi saka kondènsor, lènsa objektif, lan lènsa okuler.
  • Bagéan non-optik, sing dumadi saka sikil lan lengen mikroskop, diafragma, méja objèk, pemutar halus lan kasar, panjepit kaca objèk, lan sumber cahya.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Mikroskop&oldid=869685"