Sega Kapau

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Warung sega Kapau ing Senen, Jakarta

Sega Kapau yaiku sega rames khas Nagari Kapau, Tilatang Kamang, Bukittinggi, Sumatra Kulon kang isine sega, sambel, lan lawuh khas gulé cubadak (nangka), gulé cangcang (balung lan daging kebo), gulé babek (jeroan kebo), lan gulé tunjang (kulit utawa kikil, urat daging kebo lan sapi).[1] Panganan kang dadi andalan saka Kapau yaiku gulé Kapau kang rasane gurih lan pedhes sarta duduh kanthi warna kunir kang khas. [2] Jangan gulé Kapau isine irisan kluwih, bung, kul, pakis, kacang lanjaran, lan jengkol.[2] Duduh gule iki ora patiya kenthel jalaran ora nganggo santen akeh lan wernane kuning semu abang.[2] Lawuh khas liyane yaiku dèndèng balado, dèndèng lado hijau, randang, gulé iwak, welut goreng, ayam goreng, gulé tambunsu,pangek iwak paweh batalua (gule iwak tawes ngendhog kang dimasak nganti garing),lan sapanunggale.[1][2] Gulé tambusu yaiku panganan kang digawe saka endhog kang dilebokake ing usus sapi utawa kebo. [1] Beras kanggo sega kapau kudu nduwe mutu kang apik, padatan nganggo beras saka Bukittinggi lan Kabupatèn Agam.[1] Tandha khas sakabehing lawuh kanggo sega kapau yaiku rasané rada kecut jalaran masakke akeh nganggo miri. Rasa khas masakan Kapau iku saka cara masakke kang nganggo keren utawa anglo utawa tungku lan disangai (dimasak nganggo tudhung kukus) sajroning kuwali wesi nganggo geni cilik.[1] Cara masak kang kaya mangkene mbutuhake wektu kang dawa.[1]

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Sega_Kapau&oldid=860944"