Menara Canton

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Menara Canton
Menara Canton lan Guangzhou Opera House

Menara canton ingkang kawéntar kanthi nama Menara Guangzhou TV & Sightseeing inggih menika salah satunggaling menara ingkang celak kaliyan dhaérah Chigang Pagoda, Distrik Haizhu, Guangzhou, Republik Rakyat Cina. Menara menika sampun dumugi tropped-out nalika taun 2009 lan aktif kanggé Asian Games 2010[1].

Menara menika kalebet salah satunggaling menara paling inggil wonten donya, nggeser Menara CN (553 m) ing Kanada ingkang sakdèrèngipun pikantuk gelar minangka menara paling inggil ing donya kanthi dangu 34 taun. Menara Canton menika kalebet bangunan paling inggil wonten ing Cina lan Asia Wetan. Menara Canton paling inggil nomor gangsal lan kalebet bangunan ingkang jumeneng bebas nomor kalih saksampunipun Burj Khalifa.

Sejarah Menara Canton[sunting | sunting sumber]

Menara Canton dipunbangun déning arsitek Belanda Mark Hemel kaliyan Barbara Kuit' saking Irformation Based Architecture (IBA) sesarengan kaliyan ARUP ingkang kalebet perusahaan internasional desain rekayasa lan konsultasi bisnis ingkang mapan wonten kantor pusat ing London, Inggris. Nalika taun 2004, Irformation Based Architecture (IBA) lan ARUP menang kompetisi internasional awit kathah perusahaan ingkang tumut. Wonten ing taun ingkang sami IBA kaliyan ARUP ngembangaken desain konseping menara ing Amsterdam. Ngancik stadium lanjut, IBA makarya kaliyan kantor cabang ARUP ing Cina saha Design Local Institute [2] .

Menara menika kabikak kanggé umum wiwit 1 Oktober 2010. Nalika tanggal 29 September 2010 kanthi resmi pamaréntah ngandharaken bilih menara menika dipunparingi nama Menara Canton saksampunipun rembugan ing wilayah Guangdong babagan nama kanggé menara menika. Wonten ing taun 2009 pamarentah damel lomba maringi nama menara. saking lomba menika pikantuk nama Hai Xin Ta (pusat laut) ingkang ngemu peraturan kutha sejarah Kanton wonten ing pinggiring delta Sungai Pearl. Ananging nama menika kathah ingkang boten sarujuk saking masarakat Guangzhou awit nama menika kalebet kuno.

Awit saking menika pamaréntah banjur damel nama ingkang netral inggih menika Guangzhou Ta (Basa Cina) utawi Canton Tower (Basa Inggris).

Menara Canton Ngirit Energi Listrik[sunting | sunting sumber]

Menaca Canton menika nalika dalu katon éndah kanthi pemandangan lampu-lampu ingkang dipunrancang piyambak-piyambak kanthi ancas supados gampil anggènipun ngatur konfigurasi animasi lan éwah-éwahaning warna ing saben ketinggian menara. Menara menika katon gumebyar ananging namung mbetahaken 15% energi listrik. Saged ngiris kados mekaten awit ngginakaken lampu LED. Arsitektur lampu LED ing Menara Canton menika inggih Rogier van der Heide, pakar ing babagan tata cahya lampu. Kathah lampu ing menara menika 7000 lampu ingkang nyinari saking ngandhap dumugi nginggiling menara [3] .

Cathetan Suku[sunting | sunting sumber]

  1. ^ Menara Tertinggi di Dunia, Menara Canton (dipun-akses tanggal 22 Oktober 2012).
  2. ^ [1], Canton Tower TV tertinggi di dunia (dipun-akses tanggal 29 Oktober 2012).
  3. ^ [2], Sekilas tentang Menara Canton (dipun-akses tanggal 27 November 2012).

Pirsani ugi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Menara_Canton&oldid=834782"