Tokyo Sky Tree

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tokyo Sky Tree
東京スカイツリー
Tokyo Sky Tree 2012.JPG
Tokyo Sky Tree nembe proses pembangunan (Maret 2011)
Informasi umum
Status Selesai
Jinis Menara siaran, griya dhahar, lan menara observasi
Lokasi Sumida, Tokyo, Jepang
Koordinat 35°42′36.5″N 139°48′39″E / 35.710139°N 139.81083°E / 35.710139; 139.81083Koordinat: 35°42′36.5″N 139°48′39″E / 35.710139°N 139.81083°E / 35.710139; 139.81083
Diwiwiti 14 Juli 2008
Rampung 29 Februari 2012
Dibuka 22 Mei 2012 (2012-05-22)
Biaya ¥40 miliar (AS$440 juta)
Tinggi
Antena pucuk menara 6.340 m (20,801 ft)
Payon 4.950 m (16,240 ft)
Lantai paling ndhuwur 4.500 m (14,764 ft)
Detil tèknis
Gunggung elevator 13
Desain dan pembangunan
Pemilik Tobu Tower Skytree Co., Ltd.
Kontraktor utama Obayashi Corp.
Arsitèk Nikken Sekkei
Pengembang Tobu Railway

Tokyo Skytree (東京スカイツリー Tōkyō Sukai Tsurī?, Pohon Langit Tokyo), sadèrèngipun dipunsebut New Tokyo Tower (新東京タワー? Menara Tokyo Baru) inggih menika menara siaran, observasi lan griya dhahar ing Sumida, Tokyo, Jepang. Tokyo Sky Tree menika dados dhaptar struktur paling inggil wonten ing Jepang saking taun 2010 kanthi inggil 634 meter nalika Maret 2011 dados satunggaling menara paling inggil wonten ing donya ngluwihi Menara Canton ing Guangzhou [1]. Kejawi menika menara menika mlebet dhaptar struktur paling inggil ing donya saksampunipun Burj Khalifa (829,84 m). Saking menara menika mbuktikaken bilih negara Jepang menika wantun madegaken menara ingkang inggil wonten ing dhaérah ingkang asring gempa bumi.

Wiwitan Maret 2012 utawi pas satunggal taun gempa lan tsunami kanthi magnitudo 9.0 wonten Jepang, Tokyo Sky Tree menika nembé kapungkasan anggenipun mbangun lajeng dipunresmiaken.

Sakdèrèngipun Tokyo Sky Tree rampung kabangun, ikon kutha Tokyo menika Menara Tokyo (332 m) ingkang sampun jumeneng saking taun 1958. Ananging wiwit taun 2012 Menara Tokyo banjur pensiun minangka menara komunikasi lan televisi kutha Tokyo. Menara Tokyo tetep jumeneng minangka papan turisme ananging fungsinipun dipunalihaken dhateng Tokyo Sky Tree kalabet dados pemancar TV digital.

Kanggé Jepang kawontenan Tokyo Sky Tree menika dados simbol tasih ungguling teknologi Jepang mliginipun wonten ing bidang konstruksi ing papan ingkang asring wonten bencana.

Cagak kangge nopang Tokyo Sky Tree ngginakaken teknik shinbashira ingkang kathah kaginakaken wonten ing Jepang. Teknik menika saged kanggé nyerap goncananging gempa saha ngirangi owahing struktur bangunan. Wonten ing sejarah Jepang dèrèng wonten cariyos bangunan pagoda ingkang ambrol amargi gempa. Tuladhanipun Menara Pagoda Kayu paling inggil wonten ing Jepanging Kuil Toji Kyoto (55 m) lan tetep madeg saksampunipun gempa makaping-kaping [2].

Menara tokyo Sky Tree menika ngadep Sumida lan Kali Arakawa, sarta mapan ing simbol-simbol dhaérah Tokyo. Kados namanipun, menara menika awujud cabang kados gagang wonten ing wit-witan ingkang kadamel saking tabung baja ingkang kuat sanget. Témbokipun kapaku kanthi kuat ing 330 kaki ngandhaping lemah kados oyoting wit kang nahan gempa lan topan. Satunggal ruangan ing ndalem kapisah saking kerangka njawi, ide menika kapanggih saking lantai kuil pagoda tradisional ingkang madeg kanggé ngirangi dampaking getaran gempa 40 persen [3] .

Pirsani ugi[sunting | sunting sumber]

Cathetan Suku[sunting | sunting sumber]

  1. ^ [1], Tokyo Sky Tree (dipun-akses tanggal 30 Oktober 2012).
  2. ^ [2], Tokyo Sky Tree tertinggi di dunia (dipun-akses tanggal 30 Oktober 2012).
  3. ^ [3], Tokyo Sky Tree menara tertinggi yang anti gempa (dipun-akses tanggal 27 November 2012).
Sumber artikel punika saking kaca situs web: "http://jv.wikipedia.org/w/index.php?title=Tokyo_Sky_Tree&oldid=834874"