Menara CN

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Menara CN
Menara CN


Menara CN menika kalebet saking salah satunggaling menara ingkang paling inggil wonten ing donya kanthi inggil 553.33 meter [1]. Menara menika mapan wonten ing kutha Toronto, Ontario, Kanada lan dipunanggep dados ikon kutha kasebut. Menara menika dipunbangun wiwit taun 1973 lajeng sakmenika ingkang rawuh ing langkung saking 2 yuta saben taun.

Kanthi resmi CN menika singkatan saking Canadian National Railway (Kereta Api Nasional Kanada). Ananging saksampunipun perusahaan menika nyabut investasi wonten ing aset jalur sepur (kereta api) barang ingkang sanès inti usahanipun wonten ing langkah-langkang ingkang damel swastanisasi perusahaan kasebut nalika taun 1995. Menara CM lajeng dipunpindhah dhateng Canada Lands Company (CLC) satunggaling Crown Corporation federal ingkang tanggeljawab dhateng pambangunan real estate. Amargi warga kutha Toronto badhé nguri-uri nama Menara CN, dados singkatan CN sakmenika dipunéwahi dados Canada's National sanès nama ingkang wiwitan Canadian national.

Struktur Menara CN[sunting | sunting sumber]

Menara CN menika wonten strukturipun. Bagéyan utama inggih menika pilar beton ingkang wonten elevator, tangga saha koneksi listrik lan toya. Ing bagéyan nginggil wonten satunggal anténa mental kanthi dhuwur 102 cm kanthi fungsi neruské sintal TV lan radio. Kejawi menika wonten kalih wilayah kanggé para tamu, pitung lantai kanthi dhuwur 330 meter lan SkyPod kanthi dhuwur 447 meter, pas ing sangandhaping anténa[2].

SkyPod, ruang alit ingkang katutup mapanipun tebih saking nginggil lantai utama ing dhuwur 447 meter ndadosaken dèk observasi publik paling inggil sadonya. Saking SkyPod, jarak pandang saged dumugi 100-120 km nalika dinten cerah. Mungkin ugi saged ningali sekdhik Kutha Rochester, New York, Amerika Serikat ingkang mapan wonten ing sebranging Tlaga Ontario Ing dhuwur 342 meter, wonten Glass Floor utawi lantai kaca lan dèk observasi ingkang kabikak. Wonten ing lantai kaca menika para rawuh saged ningali langsung mangandhap, kanthi ruang lingkup 23,9 meter persegi lan saged nahan beban 4.137 kPa utawi 14 kuda nil ageng.[2].

Ing Menara CN, wonten tangga kanthi gunggung 1.776 anak tangga ingkang saged kaginakaken kanggé tumuju SkyPod. Tangga kasebut tangga metal ingkang paling inggil sadonya, kanthi fungsi utama menika kanggé kahanan darurat lan katutup kanggé umum. Tangga menika namung kabikak kaping pindho ing setaun kanggé acara lomba minggah tangga. Inggih menika nalika Hari Bumi ingkang dipunwontenaken déning WWF ing musim semi lan dening United Way nalika musim gugur. Rerata wekdal ingkang dipunbetahaken menika 30 menit kanggé dugi bagéyan ngandhap dèk observasi utama. Déné rékor paling cepet menika 7 menit 52 detik déning tiyang pemadam kebakaran saking Toronto[2].


Pirsani ugi[sunting | sunting sumber]

Cathetan Suku[sunting | sunting sumber]

  1. ^ Menara Tertinggi di Dunia, Menara CN (dipun-akses tanggal 22 Oktober 2012).
  2. ^ a b c [1], CN Tower (dipun-akses tanggal 30 November 2012).
Sumber artikel punika saking kaca situs web: "http://jv.wikipedia.org/w/index.php?title=Menara_CN&oldid=834987"