Jaran nil

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hippopotamus
Common hippopotamus, Hippopotamus amphibius
Status konsèrvasi
Klasifikasi èlmiah
krajan: Animalia
filum: Chordata
kelas: Mammalia
Superorder: Cetartiodactyla
ordo: Artiodactyla
kulawarga: Hippopotamidae
Genus: Hippopotamus
Linnaeus, 1758
Species: H. amphibius
Jeneng binomial
Hippopotamus amphibius
Linnaeus, 1758[2]
Range map[1]

Jaran nil (Latin: Hippopotamus amphibius) utawa hippo (basa Yunani: ἱπποπόταμος, hippopotamos, saka ἵππος, hippos, jaran, lan ποταμός, potamos, kali') yaiku mamalia saka kulawarga Hippopotamidae kang ukurané gedhé, herbivora, kang asalé saka Afrika sub-Sahara.[3] Jaran nil yaiku kéwan dharat kang gedhené nomer telu sawisé gajah lan badhak putih.[3]


Kahanan fisik[sunting | sunting sumber]

Jaran nil nduwèni awak kang gedhé lan abot.[3] Saliyané iku, kulit jaran nil uga nduwèni werna klawu kang peteng. [3] Jaran nil nduwé gadhing kang ukurané gedhé. [3]Gadhing iki biyasané digunakaké kanggo njaga awaké saka predator. [3]Jaran nil nduwéni ciri awaké kang gedhé, cangkem lan untu kang gedhé, sikil kang cacahé papat kang bentuké gedhé lan cendhek, lan awaké kang gedhé lan ora ana rambuté.[3] Jaran nil kang wis diwasa boboté kurang luwih 1.5 nganti tekan 3 ton. [3]Sanajan awaké gedhé lan sikilé cendhek, Jaran nil bisa mlayu kanthi cepet. Jaran nil bisa mlayu nganti 30 km/jam, mlayuné Jaran nil ngluwihi mlayuné manungsa umumé.[3] Jaran nil nduweni watek agresif lan dianggep salah sijiné kéwan kang paling mbebayani ing Afrika.[3] Kéwan kang nduwèni kekerabatan paling cerak karo jaran nil yaiku klompok Cetacea, kayata paus, lumba-lumba lan pesut. [3]Saliyané iku kéwan babi lan kéwan-kwan kang nduwèni kuku kang cacah ganep uga nduwèni kakerabatan kang cerak karo Jaran nil.[3]


Habitat[sunting | sunting sumber]

Jaran nil urip ing Afrika subsahara.[3]Jaran nil biyasané urip ing sacedhaké banyu tawa kayata tlaga lan kali.[3] Kurang luwih ana jaran nil kang cacahé 125 éwu nganti 150 éwu kang urip ing Afrika.[3] Jaran nil kang paling akèh urip ing Zambia lan Tanzania.[3] Jaran nil uga kalebu kéwan kang misuwur ing kebun binatang.[3] Ing Indonésia, Jaran nil uga diingu ing kebon binatang.[4]

Ancaman kang mbebayani tumprap jaran nil yaiku anané perburuan liar amarga jaran nil kena didol kanthi dijupuk daging lan untu siungé.[3]

Kauripan[sunting | sunting sumber]

Jaran nil iku kalebu kéwan herbivora kang mangan suket utawa tetanduran.[3] Nalika awan, Jaran nil manggon ing banyu utawa lumpur supaya awaké adhem. [3]Ing banyu, Jaran nil urip jroning klompok-klompok lan nguwasani salah sijiné dhaérah.[3] Jaran nil uga turu, kawin lan manak ing banyu.[3] Nalika bengi Jaran nil metu saka banyu utawa lumpur lan mangan suket. Ing dharat, jaran nil urip kanthi klompok-klompok lan ora duwé wilayah teritorial.[3]

Cathetan suku[sunting | sunting sumber]

  1. ^ a b Lewison, R. & Oliver, W. (IUCN SSC Hippo Specialist Subgroup) (2008). Hippopotamus amphibius. Dhaptar Abang Spesies Terancam IUCN 2008. IUCN 2008. Diakses ing 5 April 2009. Database entry includes a range map and justification for why this species is vulnerable.
  2. ^ "ITIS on Hippopotamus amphibius". Integrated Taxonomic Information System. http://www.itis.gov/servlet/SingleRpt/SingleRpt?search_topic=TSN&search_value=625024. Retrieved 2007-07-29.
  3. ^ a b c d e f g h i j k l m n o p q r s t u v w (id)uniknya.com(dipunundhuh tanggal 2 Agustus 2011)
  4. ^ (id)megapolitan.kompas.com(dipunundhuh tanggal 2 Agustus 2011)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Jaran_nil&oldid=877190"