Matoa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Matoa
Matoa kanthi woh
kang durung mateng
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Sapindales
kulawarga: Sapindaceae
Genus: Pometia
Species: P. pinnata
Jeneng binomial
Pometia pinnata


Matoa nduwéni jeneng latin Pometia pinnata. Matoa iku woh-wohan asli Papua. [1] Matoa nduwéni rasa kang mirip kaya woh rambutan utawa woh klengkeng. [1] Wit matoa urip dhuwur lan kayuné bisa kanggo mébel utawa kusén-kusén omah. [1] Matoa kalebu tanduran kang wohé musiman. [1] Matoa ngawoh ing sasi September nganti Oktober nalikane mangsa ketiga. [1] Matoa thukul ing kabeh wilayah kepulauan Cendrawasih.[1]

Woh[sunting | sunting sumber]

Matoa nduwéni woh kang bentuké bunder lonjong, ukuran wohé kira-kira méh padha karo endhog utawa woh jambe.[1] Woh matoa dawané 1,5-5 cm lan dhiameteré 1-3 cm.[1] Woh Matoa nduweni kulit lunyu wernané coklat semu ireng nalika mateng.[1] Matoa kang isih enom lan mentah wernané kuning semu ijo.[1] Matoa ana uga kang wernané ijo semu kuning.[1] Matoa nduwéni kulit ari kang rupané putih bening.[1] Kulit ari némplék ing daging woh matoa.[2]

Ing Papua Nugini, woh matoa diarani Taun.[1] Ing dhaérah-dhaérah liyané ana kang ngarani ganggo, jagir, jampania, kasai, kase, kungkil, lamusi, lanteneng, lengsar, mutoa, pakam, sapen, tawan, tawang lan wusel.[1]


Habitat[sunting | sunting sumber]

Saliyané urip ing Papua, matoa uga bisa urip ing Maluku, Sulawesi, Kalimantan, lan Jawa.[2] Matoa bisa urip ing panggonan kang dhuwuré 1.400 meter ing sandhuwuré segara.[2] Saliyané ing Indonésia, matoa uga urip ing Malaysia, Papua Nugini kang dununge ing wétan Papua, lan ing dhaérah tropis ing Australia.[2] Matoa urip liar ing alas-alas.[2] Matoa iki sakjinis karo tanduran kluarga rambutan-rambutanan utawa Sapindaceae.[2] Dene jinisé ing basa latin diarani pometia pinnata.[2]


Delengen Uga[sunting | sunting sumber]

Cathetan suku[sunting | sunting sumber]

  1. ^ a b c d e f g h i j k l m n (id)vivaborneo.com(dipunundhuh tanggal 5 Juni 2011)
  2. ^ a b c d e f g (id)green.kompasiana.com(dipunundhuh tanggal 5 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Matoa&oldid=847290"