Lyra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
LYRA

Peta Lyra
Daftar lintang ing Lyra
Cekakan Lyr
Genitif Lyrae
Asensio rekta 19
Deklinasi +40
Area 286 derajad pesagi (#52nd)
Lintang utama 5
Lintang
Bayer/Flamsteed
25
Lintang
mawa planèt
29
Lintang padhang 1
Lintang cedhak 3
Lintang paling padhang Vega (α Lyr) (0.03m)
Lintang paling cedhak 2MASS J18353790+3259545 ( tc)
Obyèk Messier 2
Udan météor Lyrids
June Lyrids
Alpha Lyrids
Rasi lintang
sing wewatesan
Draco
Hercules
Vulpecula
Cygnus
Katon antara lintang +90° lan −40°.
Katon paling cetha ing wektu 21.00 jroning sasi August.
[1]

Lyra (play /ˈlaɪrə/; Latin kangge lyre, saking Yunani λύρα)[2] inggih punika salah satunggaling rasi lintang ingkang alit ingkang mapan wonten ing belahan langit sisih lor. RAsi lintang Lyra punika dipuntepangaken sepisanan déning astronom Yunani inggih punika Ptolemy wonten ing abad kaping kalih lan kalebet 88 rai lintang ingkang dipunakeni déning International Astronomical Union. Punika kalebet lintang ingkang pokok, Vega (Abhijit ing basa Sansekerta), pojoking segitiga musim panas, inggih punika salah satunggaling lintang ingkang paling padhang wonten ing langit. Rasi lintang Lyra punika dipunkiteri déning rasi - rasi lintang sanesipun. Ing sisih lor dipunkiteri dening rasi lintang Draco, Hercules, Vulpecula, lan Cygnus.[3] Lyra inggih saged dipuntingali saking belahan langit sisih lor saking musim semi ngantos musim gugur. Saking belahan langit sisih kidul, saged dipuntingali senajan boten patos cetha ing langkit lor wonten ing musim adhem.

Lintang - lintang[sunting | sunting sumber]

Rasi lintang Lyra gadhah dhaerah ingkang ambanipun kirang langkung 286 drajat persegi lan ngewrat gangsal lintang ingkang dipunmangertosi minangka planet- planet. Rasi lintang Lyra saged dipuntingali wonten ing garis lintang ing antawisipun +90° lan -40° lan badhe ketingal sae dipuntingali ing jam 9 dalu ing salebeting sasi Agustus. Dene lintang - lintang ingkang wonten ing rasi lintang Lyra ing antawisipun inggih punika:

  • Alpha Lyrae inggih punika lintang ingkang paling padhang wonten ing rasi lintang punika, ingkang langkung sae dipunmangertosi dados Vega, lintang ingkang paling padhang nomer kalih ing langit lor lan kalebet gangsal lintang ingkang paling padhang wonten ing langit. Mapan wonten ing papan ingkang tebihipun 25 taun cahya, Vega inggih punika lintang kaping sepisan ingkang medal saking sistem galaksi Bima Sakti ingkang dipunpoto. Nama Vega maujud saking tembung Arab, "al-nasr al waqi" ingkang tegesipun elang ingkang nukik.
  • Beta Lyrae utawi Sheliak, inggih punika satunggaling klompok lintang binar ingkang maujud saking kalih lintang tipe B ingkang kekalihipun mapan wonten ing papan ingkang caket.
  • γ Lyr (Sulafat), inggih punika lintang ganda ingkang tebihipun kirang langkung 635 taun cahya saking bumi. Komponen ingkang paling wigati inggih punika raksasa padhang tipe B, kanthi beningipun langkung padhang tinimbang srengenge ping 2.100.
  • Epsilon Lyrae, ugi dipunmangertosi minangka The Double Double, inggih punika sistem lintang quadruple, kanthi gadhah kalih lintang binar. Epsilon Lyrae inggih mapan wonten ing jarak 162 taun cahya saking bumi, lan lintang punika saged minangka satunggaling titik ingkang saged dipuntingali kanthi mripat langsung.

Objek Lintang Lebet[sunting | sunting sumber]

Rasi lintang punika inggih minangka dalemipun kathah objek langit bageyan lebet, ing antawisipun inggih punika:

  • Messier 56 (NGC 6779) inggih punika satunggaling kluster globular ingkang ukuranipun 84 taun cahya, ingkang mapan tebihipun kirang langkung 32.900 taun cahya saking bumi.
  • Messier 57 (NGC 6720), utawi dipunwastani ring nebula,[4] inggih punika kalebet planet bebula bipolar ingkang maujuds saking kempalan gas, ingkang mapan ing antawisipun beta lan gamma Lyrae.
  • Gliese 747AB inggih punika kurcaci abrit ingkang mapan caket kaliyan 17 Lyrae. Objek punika ugi dipunmangertosi minangka Kuiper 90 utawi 17 Lyrae C.

Lyra inggih ugi taksih kalebet wonten ing kulawarga rasi lintang Hercules sesarengan kaliyan rasi lintang Hercules, Sagitta, Aquila, Cygnus, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Lupus, Corona Australis, Ara, Triangulum Australe lan Crux. Rasi lintang ingkang wonten ing sakiteripun Lyra inggih punika rasi lintang Draco, Hercules, Vulpecula, lan Cygnus.[5]

Cathetan Suku[sunting | sunting sumber]

  1. ^ Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
  2. ^ Lesley Brown: The New Shorter Oxford English Dictionary. Vol. 1: A−M. Clarendon Press, Oxford 1993, p. 1651
  3. ^ Kaluputan sitat (pangutipan) Tag <ref> ora absah; ora ditemokaké tèks kanggo ref mawa jeneng a
  4. ^ Levy 2005, hlm. 123.
  5. ^ (en)Lyra(dipunundhuh tanggal 17 Pebruari 2013)
Sumber artikel punika saking kaca situs web: "http://jv.wikipedia.org/w/index.php?title=Lyra&oldid=836619"