Ophiuchus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
OPHIUCHUS

Peta Ophiuchus
Daftar lintang ing Ophiuchus
Cekakan Oph
Genitif Ophiuchi
Asensio rekta 17
Deklinasi −8
Area 948 derajad pesagi (#11th)
Lintang utama 10
Lintang
Bayer/Flamsteed
62
Lintang
mawa planèt
13
Lintang padhang 5
Lintang cedhak 11
Lintang paling padhang α Oph (Ras Alhague) (2.08m)
Lintang paling cedhak Barnard's Star ( tc)
Obyèk Messier 7
Udan météor Ophiuchids
Northern May Ophiuchids
Southern May Ophiuchids
Theta Ophiuchids
Rasi lintang
sing wewatesan
Hercules
Serpens
Libra
Scorpius
Sagittarius
Aquila
Katon antara lintang +80° lan −80°.
Katon paling cetha ing wektu 21.00 jroning sasi July.
'

Ophiuchus (play /ˌɒfˈjuːkəs/) inggih punika salah satunggaling rasi lintang ingkang ageng ingkang mapan wonten ing langit ekuator. Nama Ophiuchus asalipun saking basa Yunani Ὀφιοῦχος, ingkang tegesipun pawangula, utawi satunggaling gambaran tiyang ingkang badhé nyekel ula ingkang dipungambaraken saking rasi lintang Serpens. Rasi lintang punika dipundhaptar déning astronom Yunani wonten ing abad kaping kalih. Ophiuchus inggih punika salah satunggaling saking 48 rasi lintang ingkang dipundhaptar déning Ptolemy lan kalebet ugi 88 rasi lintang modhern. Wujudipun rasi lintang punika meh wonten gayutanipun kaliyan rasi lintang Serpentarius ( /ˌsɜrpənˈtɛəriəs/; ugi Anguitenens), inggih punika tembung Latin ingkang gadhah teges sami kaliyan Ophiuchus.

Papanipun[sunting | sunting sumber]

Ophiuchus mapan wonten ing antawisipun rasi lintang Aquila, Serpens, lan Hercules, ingkang wonten ing sisih lor radi kulon saking galaksi Bima Sakti. Déné ing bagéyan sisih kidul mapan wonten ing antawisipun rasi lintang Scorpius wonten ing sisih kulon lan rasi lintang Saqittarius wonten ing sisih wetan. Menawi badhe dipuntingali wonten ing belahan langit sisih lor, rasi litnang Ophiuchus badhe ketingal sae wonten ing musim panas. Rasi lintang Ophiuchus mapan adhep ajeng kaliyan rasi lintang Orion wonten ing langit. Sanajan ta Ophiuchus papanipun ngliwati garis khatulistiwa, ananging papanipun langkung wonten ing sisih kidul. Rasalhague, iggih punika lintang ingkang radi nyolok ketingal wonten ing sisih lor, wonten ing garis lintang lor 78° lan boten badhe ketingal ing sisih kidul ingkang langkung saking 78° lintang kidul. Konstelasi punika ambanipun ngantos ing sisih kidul wonten ing deklinasi -30°, ingkang dadosaken rasi lintang punika boten saged dipuntingali kanthi jangkep ing saperangan papan kados ta Anchorage, Reykjavík, lan Helsinki ing sak loripun garis lintang lor 60°. Segmen saking ekliptika ingkang wonten ing Ophiuchus mapan wonten ing sisih kidul saking -20° deklinasi lan ngantos siring lor boten badhe ketingal saking garis lintang lor 70°.

Lintang - lintang[sunting | sunting sumber]

Ophiuchus gadhah dhaerah ingkang ambanipun kirang langkung 948 drajat persegi lan ngewrat gangsal lintang ingkang dipunmangertosi minangka planet - planet. Rasi lintang punika saged dipuntingali saking garis lintang +80° lan -80°, lan paling sae dipuntingali ing jam 9 dalu ing sadangunipun sasi Juli. Srengenge ngliwati rasi lintang punika ing antawisipun tanggal 30 Nopember ngantos 17 Desember, ingkang punika dadosaken saperangan astrolog netepaken Ophiuchus dados zodiak ingkang kaping tiga welas. Ananging teteo kemawon, rasi lintang punika boten kalebet dados zodiak ingkang resmi lan sesarengan kalebet wonten ing kulawarga rasi lintang Hercules.[1] Ophiuchus ngewrat kathah lintang- lintang ingkang saged dipuntandhani, ing antawisipun inggih punika:

  • Alpha Ohiuchi utawi Rasalhague (sirahipun bageyan sepent) inggih punika lintang ingkang paling padhang, inggih punika lintang raksasa tipe A.
  • Eta Ophiuci utawi Sabik inggih punika lintang sistem binar ingkang dipunperang dados kalih bageyan lintangipun. Punika kalebet lintang ingkang wonten ing sisih lor lintang caket Uranus. Sesarengan kaliyan zeta Ophiuci , raksasa benter werna biru ingkang ketingal radi abrit amargi lebu ingkang wonten ing sakiteripun, ingkang minangka dhengkulipun Ohiuchus.
  • Delta Ophiuci utawi Yed Prior, satunggaling raksasa abrit ingkang tebihipun 170 taun cahya lan epsilon Ophiuchi (Yed Posterior), lintang raksasa kelas G ingkang tebihipun 108 taun cahya, ingkang menawi dipuntingali kanthi mripat langsung wujudipun nggambaraken lengenipun Ophiuchus.
  • Beta Ophiuci inggih punika lintang raksasa kelas K, ingkang ugi dipunmangertosi kanthi sebatan Cebalrai, Cheleb, Kelb Alrai, utawi Alrai.
  • Kappa Ophiuchi utawi Helkath inggih punika lintang kanthi magnitudo 3 ingkang tebihipun kirang langkung 85 taun cahya.
  • Theta Ophiuchi inggih punika lintang kanthi magnitudo 3 ugi, ingkang mapan tebihipun kirang langkung 565 taun cahya saking bumi. Lintang punika ugi dipunsebat Imad ("pillar") lan Kaki.
  • Nu Ophiuchi utawi Sinistra (lengen sisih kering) inggih punika minangka tandha tangan sisih tengen saking Ohiuchus lan minangka lintang pendhamping saking kurcaci coklat.
  • RS Ophiuchi inggih punika asiling wujud nova, ingkang ngaislaken kurcaci pethak lan raksasa abrit wonten ing orbit ingkang caket, kirang langkung 5.000 taun cahya caketipun.

Objek lebet[sunting | sunting sumber]

Ophiuchus ugi ngewrat saperangan objek langit bageyan lebet, ing antawisipun inggih punika IC 4665, inggih punika kluster kebikak ingkang gadhah anggota 30 lintan, ingkang tebihipun kirang langkung 1.400 taun caya. NGC 6633 inggih punika kluster kebikak sanesipun ingkang ngewrat 30 lintang, kanthi ukuranipun sak ageng wulan. Kejawi saking punika ugi wonten M10, M12, M14, M19, M62, lan M107, as well as the nebula IC 4603-4604.[2] NGC 6333 utawi Messier 9 inggih punika kluster global salah satunggaling kluster ingkang paling caket saking pusat galaksi Bima Sakti, ingkang tebihipun kirang langkung 25.800 taun cahya saking bumi. NGC 6254 utawi Messier 10 inggih ugi kalebet kluster global ingkang tebihpun 14.300 taun cahya.[3] NGC 6240 inggih punika satunggaling galaksi ultralumous infrared, ingkang maujud saking asiling penggabungan ing antawisipun kalih galaksi ingkang alit- alit. [4]

Cathetan Suku[sunting | sunting sumber]

  1. ^ (en)Ophiuchus(dipunundhuh tanggal 16 Pebruari 2013)
  2. ^ (en)The Deep Photographic Guide to the Constellations: Ophiuchus (dipunundhuh tanggal 16 Pebruari 2013)
  3. ^ Levy 2005, hlm. 153-154.
  4. ^ Wilkins, Jamie; Dunn, Robert (2006). 300 Astronomical Objects: A Visual Reference to the Universe. Buffalo, New York: Firefly Books. ISBN 978-1-55407-175-3.

Cithakan:88 rasi lintang modhern

Sumber artikel punika saking kaca situs web: "http://jv.wikipedia.org/w/index.php?title=Ophiuchus&oldid=836833"