Orion

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
ORION

Peta Orion
Daftar lintang ing Orion
Cekakan Ori
Genitif Orionis
Asensio rekta 5
Deklinasi +5
Area 594 derajad pesagi (#26th)
Lintang utama 7
Lintang
Bayer/Flamsteed
81
Lintang
mawa planèt
8
Lintang padhang 8
Lintang cedhak 8
Lintang paling padhang Rigel (β Ori) (0.12m)
Lintang paling cedhak GJ 3379 ( tc)
Obyèk Messier 3
Udan météor Orionids
Chi Orionids
Rasi lintang
sing wewatesan
Gemini
Taurus
Eridanus
Lepus
Monoceros
Katon antara lintang +85° lan −75°.
Katon paling cetha ing wektu 21.00 jroning sasi January.
click on to see large image
rasi lintang Orion

Orion, utawi pemburu, inggih punika salah satunggaling rasi lintang ingkang wonten ing garis langit ekuator. Rasi lintang punika inggih sala satunggaling rasi lintang ingkang paling padhang lan paling saé wonten ing langit.[1] Nama Orion punika inggih saking mitos Yunani ingkang tegesipun pemburu. Lintang ingkang paling padhang wonten ing rasi lintang punika inggih Beta (Rigel lan Alpha (Betelgeuse), satunggaling raksasa biru - pethak lan abrit.

Sujarah[sunting | sunting sumber]

Wonten ing mitos Yunani, Orion punika putra saking dewa laut, Poseidon, lan ratu monster Euryale. Poseidon ingkang sampun paring kekiyatan déning Orion kanggé mlampah wonten ing segara. Masarakat Sumeria pitados bilih rasi lintang punika, utawi ingkang dipunsebat "Uru An-na" (cahyaning surga), nggambaraken tokoh pahlawan masarakt Sumeria ingggih punika Gilgamesh ingkang tarung nglawan banteng surga. Gud An-na punika ingkang nyarujui wonten ing rasi lintang Taurus. Mitos pejahipun Orion punika inggih dipungayutaken kaliyan wontenipun rasi lintang Scorpius, ingkang papanipun adhep ajeng kaliyan Orion wonten ing langit. Rasi lintang Orion punika gadhah manéka warna budaya. Wonten ing mitos Hungaria, Orion punika dipunindhentifikasi kaliyan Nimród, pemburu ageng, lan minangka bapak mitos Hungaria.

Wonten ing lintang kidul, Orion ketingal béda wonten ing langit. Wonten ing Australia lan New Zealand, sabukipun lan pedhangipun misuwur minangka satunggaling pot utawi panci. Wonten ing Afrika Selatan, tigang lintang ingkang paling padhang ingkang nyusun sabukipun Orion inggih dipunsebat Drie Konigs (tigang raja) utawi Drie Susters (tigang sedherek putri).[2] Sabukipun ugi dipunsebat Driekoningen (tigang raja) ing dhaptar lintang Walanda ing abad kaping 17 lan 18. Wonten ing Amerika Selatan, tigang lintang ingkang paling nonjol dipunmangertosi minangka The Three Marys.

Lintang - lintang[sunting | sunting sumber]

Rasi lintang Orion punika gadhah area ingkang ambanipun 594 drajat persegi lan ngewrat tigang lintang ingkang dipunmangertosi minangka planet - planet. Rasi lintang punika paling sae dipuntingali wonten ing garis lintang antawisipun +85° lan -75° lan paling sae dipuntingali wonten ing jam 9 dalu ing salebeting sasi Januari. Orion ngewrat kathah lintang ingkang padhang wonten ing langit, inggih punika:

  • Beta Orionis utawi Rigel (sukunipun), inggih lintang ingkang paling padhang wonten ing rasi lintang Orion, inggih kalebet lintang ingkang paling padhang nomer enem wonten ing langit. Beta Orionis kalebet lintang raksasa biru ingkang mapan wonten ing bageyan sukunipun rasi lintang Orion ing sisih kering. Punika ugi kalebet lintang ingkang paling sepuh ingkang ing wekdal samangke badhe dados satunggaling supernova lan lapisan kulitipun badhe ewah dados satunggaling lintang kerdil werna pethak. Beta Orionis papanipun kirang langkung ing jarak 800 taun cahya.
  • Alpha Orionis utawi Betelgeuse (tanganipun), inggih punika lintang ingkang paling padhang nomer kalih ing rasi lintang orion punika, ingkang ugi kalebet kalihwelas lintang ingkang paling padhang wonten ing langit. Betelgeuse inggih bahu sisih tengen saking Orion ingkang papanipun kirang langkung 640 taun cahya.
  • Gamma Orionis utawi Bellatrix (tentara estri), inggih punika lintang ingkang paling padhang nomer 21 wonten ing langit. Bellatrix inggih minagka bahu sisih kering saking Orion ingkang ing rikala wekdal dipunmangertosi minangka Amazon star.
  • Epsilon Orionis utawi Anilam inggih punika lintang ingkang mapan wonten ing punjering rasi Orion, lan kalebet lintang ingkang paling padhang nomer 30 wonten ing langit.
  • Zeta Orionis utawi Alnitak, tebihipun kirang langkung 800 taun cahya.
  • Kappa Orionis utawi Saiph minagka suku tengenipun Orion, tebihipun kirang langkung 720 taun cahya.
  • Iota Orionis utawi misuwur kanthi nama Hatsya utawi Na'ir al Saif, inggih punika bageyan pedhangipun Orion.
  • Sigma Orionis, inggih kalebet lintang ganda ingkang tebihipun 1.150 taun cahya.
  • Lambda Orionis utawi dipunsebat ugi dados Meissa lan Heka, inggih kalebet lintang binar ingkang dipundamel saking raksasa biru lan kurvcaci biru pethak ingkang panas.[3]

Cathetan Suku[sunting | sunting sumber]

  1. ^ Dolan, Chris. "Orion". Archived from the original on 2013-02-15. http://www.astro.wisc.edu/~dolan/constellations/constellations/Orion.html. Retrieved 2011-11-28.
  2. ^ Three Kings and the Cape Clouds at psychohistorian.org
  3. ^ (en)Orion(dipunundhuh tanggal 16 Pebruari 2013)

Cithakan:88 rasi lintang modhern

Sumber artikel punika saking kaca situs web: "http://jv.wikipedia.org/w/index.php?title=Orion&oldid=836749"