Monoceros

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
MONOCEROS

Peta Monoceros
Daftar lintang ing Monoceros
Cekakan Mon
Genitif Monocerotis
Asensio rekta 7.15
Deklinasi −5.74
Area 482 derajad pesagi (#35th)
Lintang utama 4
Lintang
Bayer/Flamsteed
32
Lintang
mawa planèt
16
Lintang padhang 0
Lintang cedhak 2
Lintang paling padhang β Mon  (3.76m)
Lintang paling cedhak Ross 614 ( tc)
Obyèk Messier 1
Udan météor December Monocerids
Alpha Monocerids
Rasi lintang
sing wewatesan
Canis Major
Canis Minor
Gemini
Hydra
Lepus
Orion
Puppis
Katon antara lintang +75° lan −90°.
Katon paling cetha ing wektu 21.00 jroning sasi February.
'

Monoceros (Yunani: Μονόκερως) inggih punika salah satunggaling rasi lintang ingkang alit lan minoritas ingkang mapan wonten ing langit khatulistiwa. Rasi lintang punika inggih sepisanan dipundamel déning astronom Walanda, Petrus Plancius ing abad kaping 17.[1] Plancius paring nama kasebat amargi litang punika kalebet kewan ingkang gadhah sungu setunggal ingkang medal kaping kathah wonten ing ALkitab. Rasi lintang Monoceros dipunkiteri déning rasi lintang Orion ing sisih kulon, Gemini ing sisih lor, rasi lintang Canis Major ing sisih kidul, lan rasi lintang Hydra ing sisih wetan. Rasi lintang sanesipun ingkang wonten ing sak kiteripun inggih punika wonten rasi lintang Canis Minor, Lepus lan Puppis.

Lintang - lintang[sunting | sunting sumber]

Rasi lintang Musca gadhah dhaerah ingkang ambanipun kirang langkung 482 drajat persegi lan ngewrat sedasa lintang ingkang dipunmangertosi minangka planet - planet. Rasi lintang Monoceros punika saged dipuntingali ing garis lintang antawisipun +75° lan -85° lan badhe ketingal paling saé wujudipun menawi dipuntingali ing jam 9 dalu ing salebeting Pebruari. Monoceros inggih punika rasi lintang ingkang boten gampil dipuntingali kanthi mripat langsung, ingkang lintangipun magnitudonipun namung sekawan. Dene lintang - lintang ingkang wonten ing rasi lintang Monoceros, ing antawisipun inggih punika:

  • AlphaMonocerotis inggih punika lintang ingkang paling padhang ing rasi lintang punika, kanthi magnitudo ingkang saged ketingal ing 3,93. Lintang punika tebihipun kirang langkung 144 taun cahya.
  • Gamma Monocerotis inggih punika lintang ingkang paling padhang nomer kalih, kanthi magnitudo 3,98.
  • Beta Monocerotis inggih punika lintang tiga, ingkang maujud saking tigang komponen ingkang bentuk segitiga dados. Lintang punika saged dipuntingali liwat teleskop alit. Astronom Jerman, Friedrich Wilhelm Herschel ingkang manggihaken sistem lintang punika ing taun 1781, nyebat lintang punika kanthi salah satunggal ingkang paling endah wonten ing surga.
  • Epsilon Monocerotis inggih punika lintang ganda ingkang kasusun saking unsur pokok pethak lan lintang ampinganipun werna jene.
  • Plaskett, inggih punika lintang binar kanthi massa ingkang langkung awrat ping 100 saking masanipun srengenge.

Planet - planet[sunting | sunting sumber]

Monoceros ngewrat kalih super bumi ing setunggal sistem planet, inggih punika COROT-7b ingkang dipunpanggihaken dening COROT satelit lan COROT-7c ingkang kedeteksi dening HARPS saking sisih ngandhap teleskop. Ngantos dipunbiwarakaken kukum Kepler-10b ing sasi Januari 2011, COROT-7b inggih punika exoplanet ingkang paling alit saking ukuran diameteripun, ingkang namung ping 1,58 langkung ageng tinimbang ukuranipun bumi, ingkang dadosaken volumenipun langkung ageng ping 3,95 saking vomume bumi. Kekalih planet punika dipunpanggihaken ing taun 2009.

Objek langit Lebet[sunting | sunting sumber]

Monoceros gadhah saperangan objek langit bageyan lebet ingkang saged dipuntliti, kados ta:

  • NGC 2264 ingkang ngewrat sekawan objek ingkang tebihipun kirang langkung 2.600 taun cahya: the Cone Nebula[2], the Christmas Tree Cluster, Snowflake Cluster lan the Fox Fur Nebula. [3]

Monoceros inggih kalebet wonten ing kulawarga rasi lintang Orion, sesarangen kaliyan rasi lintang Orion, Canis Major, Canis Minor, lan Lepus. Rasi lintang Monoceros dipunkiteri kaliyan rasi-rasi lintang sanesipun inggih punika rasi lintang Canis Major, Canis Minor, Hydra, Gemini, Lepus. Orion lan [[Puppis].[4]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Monoceros&oldid=836811"