Canis Minor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
CANIS MINOR

Peta Canis Minor
Daftar lintang ing Canis Minor
Cekakan CMi
Genitif Canis Minoris
Asensio rekta 8
Deklinasi +5
Area 183 derajad pesagi (#71st)
Lintang utama 2
Lintang
Bayer/Flamsteed
14
Lintang
mawa planèt
1
Lintang padhang 2
Lintang cedhak 4
Lintang paling padhang Procyon (α CMi) (0.34m)
Lintang paling cedhak Procyon (α CMi) ( tc)
Obyèk Messier 0
Udan météor Canis-Minorids
Rasi lintang
sing wewatesan
Katon antara lintang +90° lan −75°.
Katon paling cetha ing wektu 21.00 jroning sasi March.
'
Rasi lintang Canis Minor

Canis Minor (play /ˌknɪs ˈmnər/) inggih punika salah satunggaling rasi lintang ingkang padhang ingkang mapan wonten ing belahan langit sisih lor.[1] Wonten ing abad kaping kalih , rasi lintang punika ugi dipunlebetaken dados salah satunggal saking 48 rasi lintang ingkang dipundhaptar dening Ptolemy lan lajeng sak punika mlebet 88 rasi lintang modhern.[2] Canis minor tegesipun kirik alit lan punika nggambaraken satunggaling kirik ingkang ndherek pemburu Orion. Rasi lintang Canis Major inggih nggambaraken wujud kirik sanesipun.

Lintang - lintang[sunting | sunting sumber]

Rasi lintang Canis Minor gadhah dhaérah ingkang ambanipun kirang langkung 183494 drajat persegi lan boten ngewrat lintang ingkang dipunmangertosi minangka planet - planet. Rasi lintang punika saged dipuntingali ing garis lintang ing antawispun +85° lan -75° saha badhé ketingal paling saé menawi dipuntingali ing jam 9 dalu ing salebeting sasi Maret. Rasi lintang punika namung gadhah kalih lintang ingkang padhang wonten ing Canis Minor. Déné lintang - lintang ingkang wonten ing rasi lintang punika inggih kados mekaten:

  • Alpha Canis Minoris utawi ugi dipunsebat Procyon inggih punika lintang ingkang paling padhang nomer pitulas wonten ing langit. Lintang punika gadhah magnitudo ingkang cetha inggih punika 0,34. Alpha Canis Minoris kalebet sistem lintang binar ingkang ngewrat lintang pethak, Procyon A, lan lintang ingkang lemah Procyon B', ingkang punika gadhah cahya kurcaci pethak. Procyon tebihipun namung 11,41 taun cahya saking bumi, mila punika ingkang nyebabaken lintang punika saget ketingal sanget padhang ing langit. Sesarengan kaliyan kalih lintang ingkang padhang sanesipun inggih punika Sirius ing Canis Major lan Betelgeuse ing Orion, Procyon bentuk segitiga winter, satunggaling asterisme ingkang ketingala kados segitiga ekuilateral ing langit. Procyon inggih ugi minangka bageyan saking heksagon winten , satunggaling asterisme ingkang komplek ingkang sejajar kaliyan Aldebaran ing Taurus, Capella ing Auriga, Castor lan Pollux ing Gemini, Rigel ing Orion, lan Sirius ing Canis Major.

Beta Canis Minoris, ingkang gadhah nama tradhisional Gomeisa inggih punika lintang panas kelas B8 kanthi gadhah magnitudo 2,8, ingkang dipunkiteri dening material lebu. Lintang punika gampil dipuntingali kanthi mripat langsung. Lintang sanesipun ingkang wonten ing Canis Minor ingkang ngewrat kalih lintang binar inggih punika Gamma Cani Minoris, satunggaling cahya raksasa oranye kanthi gadhah magnitudo 4,33 lan G Canis Minoris, inggih punika lintang ingkang gadhah cahya raksasa oranye kanthi magnitudo ingkang cetha inggih ing 4,39. Wonten ugi epsilon Canis Minoris, inggih punika lintang ingkang gadhah cahya raksaa werna jene tipe G kanthi tebihipun udakawis 990 taun cahya. Lan zeta Canis Minoris, ingkang gadhah cahya raksasa biru ngantos pethak kanthi gadhah magnitudo 15.

Canis Minor taksih kalebet wonten ing kulawarga rasi lintang Orion sesarengan kaliyan rasi lintang Orion, Canis Major, Monoceros lan Lepus. Déné rasi lintang sanèsipun ingkang wonten ing sak kiteripun Canis Minor inggih punika rasi lintang Monoceros, Gemini, Cancer lan Hydra.

Cathetan Suku[sunting | sunting sumber]

  1. ^ (en)Canis Minor(dipunundhuh tanggal 23 Pebruari 2013)
  2. ^ Allen, Richard Hinckley (1963) [1899]. Star Names: Their Lore and Meaning (corrected ed.). Mineola, New York: Dover Publications. p. 383. ISBN 978-0-486-21079-7. http://books.google.com/books?id=_GUDis0bETgC&pg=PA133.
  • Wagman, Morton (2003). Lost Stars: Lost, Missing and Troublesome Stars from the Catalogues of Johannes Bayer, Nicholas Louis de Lacaille, John Flamsteed, and Sundry Others. Blacksburg, VA: The McDonald & Woodward Publishing Company. ISBN 978-0-939923-78-6.
Sumber artikel punika saking kaca situs web: "http://jv.wikipedia.org/w/index.php?title=Canis_Minor&oldid=836936"