Auriga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
AURIGA

Peta Auriga
Daftar lintang ing Auriga
Cekakan Aur[1]
Genitif Aurigae
Asensio rekta 6
Deklinasi +40
Area 657[2] derajad pesagi (#21st)
Lintang utama 5, 8
Lintang
Bayer/Flamsteed
65
Lintang
mawa planèt
7
Lintang padhang 4
Lintang cedhak 2
Lintang paling padhang Capella (α Aur) (0.08m)
Lintang paling cedhak QY Aur[3] ( tc)
Obyèk Messier 3[4]
Udan météor
Rasi lintang
sing wewatesan
Katon antara lintang +90° lan −40°.
Katon paling cetha ing wektu 21.00 jroning sasi late February to early March.
'

Auriga inggih punika salah satunggaling rasi lintang saking 48 rasi lintang ingkang dipundhaptar wonten ing abad kaping kalih déning astronom Walanda, Ptolemy lan sampun mlebet 88 rasi lintan modhèrn. Rasi lintang Auriga inggih mapan wonten ing belahan langit sisih lor, ing sak loripun garis khatulistiwa. Auriga inggih punika nama Latin saking tembung charioteer, ingkang gadhah gegayutan kaliyan variasi mitos charioteers ingkang mlebet wonten ing Erichtonius of Athens lan Myrtilius. Auriga inggih paling ketingal ing salebeting wekdal dalu ing sasi winter wonten ing langit lor, sesarengan kaliyan gangsal rasi lintang sanesipun ingkang kalebet lintang ing asterisme winter hexagon. Amargi deklinasi auriga ingkang radi mangalor, mila Auriga namung saged dpuntingali paling tebih ing drajat 34° lintang kidul.

Wonten ing petangan astronomi Cina, sekawan lintang ingkang paling baku wonten ing Auriga inggih punika, alpha, beta, theta, lan iota Auriga, ingkang punika sesarengan kaliyan lintang beta Tauri saking rasi lintang Wu Che utawi "five dhariots".

Rasi lintang Auriga gadhah dhaérah ingkang ambanipun kirang langkung 657 drajat persegi, ingkang punika sepalihipun dhaérahipun rasi lintang ingkang paling amba inggih punika rasi lintang Hydra. Rasi lintang Auriga ngewrat enem lintang ingkang dipunmangertosi minangka planet - planet. Rasi lintang punika saged dipuntingali ing garis lintang antawisipun +90° lan -40° lan badhé ketingal paling saé menawi dipuntingali ing jam 9 dalu ing pungkasaning sasi Pebruari lan ing purwakaning sasi Maret.

Lintang - lintang[sunting | sunting sumber]

Déné lintang - lintang ingkang wonten ing rasi lintang Auriga ing antawisipun inggih punika kados mekaten:

  • Capella utawi Alpha Aurigae inggih punika lintang ingkang paling padhang wonten ing rasi lintang Auriga. Capella inggih punika lintang ingkang paling padhang nomer enem ing langit lan lintang ingkang paling padhang nomer tiga wonten ing belahan langit lor. Bangsa Yunani nyebat rasi lintang punika kanthi sebatan Aix lan wonten ing basa Roma, Capella ngemu teges "wedhus wadon".[6] Lintang punika nggambaraken Amalthaea, wedhus ingkang ngrawat Zeus. Lintang sanesipun ingkang lair sesarengan kaliyan Amalthaea ingkang ugi dipunsebat the Haedi (putra- putranipun), inggih dipungambaraken dening eta Aurigae lan zeta Aurigae, tangga tepalihipun lintang Capella.
  • Beta Aurigae utawi Menkalinan inggih punika sistem lintang ingkang gadhah cahya sub raksasa pethak ingkang kalebet lintang rangkep tiga. Kalih komponenipun ingkang padhang inggih punika sub raksasa pethak tipe A lan lintang ingkang kaping tiga inggih ngemu cahya kurcaci abrit, ingkang namung badhe ketingal mawi teleskop.
  • Theta Aurigae utawi ing wekdal tartamtu dipunsebat Bogardus utawi Mahasim, inggih punika lintang binar kanthi tipe A.
  • Iota Aurigae ingkang gadhah nama tradhisional Al Kab (cekakakn saking Kabdhilinan), inggih punila lintang ingkang ngemu cahya raksasa oranye tipe K ingkang tebihipun 512 taun cahya saking bumi.
  • Lintang sanesipun ingkang wonten ing rasi lintang Auriga inggih punika lintang psi Aurigae, ingkang kaperang saking sedasa lintang ingkang mapan caket kaliyan sak kiteripun rasi lintang Lynx. Lintang - lintang ingkang dipungambaraken wonten ing peta inggih punika lintang psi 1, psi 2, psi 3, psi 4, psi 5, psi 6, psi 7, psi 8, lan psi 9.

Auriga taksih kalebet kulawarga rasi lintang Perseus sesarengan kaliyan rasi lintang Cassiopeia, Cepheus, Andromeda, Perseus, Pegasus, Cetus, Lacerta lan Triangulum. Déné rasi lintang sanesipun ingkang mapan wonten ing sak kiteripun Auriga inggih punika rasi lintang Camelopardalis, Perseus, Taurus, Gemini lan Lynx.[7]

Cathetan Suku[sunting | sunting sumber]

  1. ^ Russell 1922, hlm. 469.
  2. ^ Ridpath, Constellations.
  3. ^ RECONS, The 100 Nearest Star Systems.
  4. ^ Bakich 1995, hlm. 54.
  5. ^ Bakich 1995, hlm. 26.
  6. ^ Rogers, Mesopotamian Traditions 1998.
  7. ^ (en)Aurgae (Dipunundhuh tanggal 25 Pebruari 2013)
Sumber artikel punika saking kaca situs web: "http://jv.wikipedia.org/w/index.php?title=Auriga&oldid=864736"