Diaré

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Diaré
Klasifikasi lan bahan-bahan èksternal
Rotavirus panyebab diaré
ICD-10 A09, K58, K59.1
ICD-9 009.2-009.3, 558.9, 564.5
DiseasesDB 3742
eMedicine ped/583 
MeSH D003967

Diaré (utawa ing basa kasar disebut mèncrèt) yaiku salah sawijining penyakit minangka pendheritané ngalami buang air besar kang bentuké cuèr lan luwih saka kaping telu in wayah sedina, biasané suwéné diaré nganti loro utawa telung dina, sakliyané iku fèsès utawa tinja pendherita uga nduwéni kandhuntan banyu kang ngluwihi bates, kira-kira 200 gram.[1] Ing donya kaping telu, diaré dadi panyebab kepatèn balita kang paling umum, uga dadi panyebab sedané luwih saka 1,5 juta wong saben tauné.[2]

Panyebab Diaré[sunting | sunting sumber]

Ana pirang-pirang macem hal penyebab diaré, ing antarané panganan kang kena kontaminasi, obat-obatan lan stres uga bisa dadi panyebab diaré amarga diaré bisa dadi indikasi awal yèn pendheritané nduwéni penyakit liya. Kangèlan anggoné nyerna panganan uga bisa dadi panyebab diaré kronis. Panganan kang ora bisa dicerna kanthi sampurna bisa nyebabaké mual, diaré, kram weteng, gampang ngentut, lan biasané ing 30 menit bisa nyerang kekebalan awak.[3]

Faktor Panyebab Diaré:

Faktor Infèksi: amarga anané infèksi ing saluran pencernaan utawa ing njaba alat pencernaan.

Infeksi Parèntal yaiku infèksi ing njaba alat pencernaan kayata: Otitis Media Akut (OMA), tonsilitis, bronkopneumonia, ensefalitis, lan sapanunggalané.[3]

Infèksi enteral yaiku infèksi ing jero saluran pencernaan kang dadi faktor utama panyebab diaré. Kang kalebu ing infèksi enteral iki ing antarané:

  1. infèksi bakteri: Vibrio, Escherichia coli, Salmonella, Campilobacter, Yersinia, Aeromonas, lan sakpanunggalané.
  2. infèksi virus: Entrovirus (Virus Echo, Coxsackie, lan Poliomielitis).
  3. infèksi parasit: cacing (Ascaris, Trichuris, Oxyuris, lan Strongyloides).[3]

Faktor Malabsorbsi: Malabsorbsi Karbohidrat Disakarida

Faktor Panganan: antarané panganan kang wis bosok, panganan kang ngandhut racun, utawa réaksi alèrgi amarga mangan salah sawijining panganan.

Faktor Psikologis: amarga rasa wedi, faktor kang siji iki biasané dialami déning wong kang wis dhéwasa, lan jarang dialami déning bocah cilik.[3]

Gejala Diaré[sunting | sunting sumber]

Gejala diaré yaiku fèsès kang cuèr kanthi frékuènsi kaping papat utawa luwih saben dinané, samangsa-mangsa uga kanthi gejala:

  1. muntah
  2. awak lesu
  3. awak panas
  4. ora nduwéni napsu mangan
  5. lan anané getih utawa lendir ing jero fèsès.[4]

Sakliyané iku uga bisa ngalami lara weteng lan kejang weteng, uga gejala gejala kaya flu kayata rada demam, nyeri otot utawa kejang lan mumet. Diaré bisa nyebabaké awak kelangan cuèran utawa elektrolit. Diaré biasané uga nyebabaké dehidrasi (kekurangan cairan awak). Dehidrasi ringan naming nyebabaké lambe pacah-pecah. Dehidrasi sedeng bisa nyebabaké kulit keriput, mata lan ubun-ubun dadi dhekok (kanggo bayi kang umure kurang saka 18 sasi). Dehidrasi akut akibaté bisa fatal, biasané nyebabaké syok.[4]

Panyegahan Diaré[sunting | sunting sumber]

Panyegahan diaré dadi salah sawijining dalan kang bisa dilakoni supaya adoh saka penyakit diaré kanthi èfèktif. Ngumbah tangan sakdurungé mangan utawa aktivitas liyané yaiku minangka cara kanggo nyegah diaré supaya virus ora nyebar.[5]

Kanggo panyegahan diaré kang disebabaké saka panganan kang kecemar regetan bisa dilakoni pirang-pirang cara, ing antarané:

  1. Cepakaké panganan kang wis dimasak utawa wis dipanasi. Yèn panganan durung diolah, panganan bisa disimpen ing lemari ès. Amarga menawa panganan ditinggal ing suhu kamar bisa nyebabaké bakteri cepet manak.
  2. Kumbah perkakas masak lan mangan kanggo nyingkiraké panyebaran kuman marang panggonan liya.[5]

Akèh kasus diaré kang nular saka wong siji marang wong liyane. Tindhakan iki bisa ngréwangi wong supaya adoh saka diaré lan infèksi virus utawa bakteri liyané:

  1. Ngrawat bocah utawa wong kang lara kanthi ati-ati, ngumbah tangan sakwisé ngganti popok bayi, ngréwangi wong liya kang ngango kamar mandhi utawa sakwisé ngréwangi wong liya ing jaba omah.
  2. Ngélingaké bocah-bocah yen kudu ngumbah tangan sakwisé nganggo kamar mandhi lan nalika arep mangan.
  3. Nganggo perawatan nalika arep ngolah pitik utawa daging mentah, daging kudu di masak nganti mateng lan nganggo suhu kang disaranké.
  4. Woh-wohan lan sayuran kang dipangan mentah kudu dikumbah nganti resik nganggo banyu kang resik.
  5. Pasteurisasi (mentah) susu kang kena kontaminasi bakteri kudu disingkiraké. Jus utawa sari woh-wohan kang ora dipasteurisasi kudu disingkiraké menawa buah mau wis kena regetan saka kéwan utawa regetan saka kebon.
  6. Ngati-ati nalika lunga menyang luar nagari lan selèktif nalika milih panganan lan ombèn-ombèn.[5]

Ngobati Diaré[sunting | sunting sumber]

Cara kang paling penting kanggo ngrawat pendherita diaré yaiku mastiaké cukupé asupan cuèran lan uyah (elektrolit). Kanggo gejala ènthèng nganti sedeng bisa digunaaké obat-obatan ènthèng kanggo ngurangi diaré.[6] Kanggo kasus diaré kang parah ing bocah-bocah, wong ngandhut, lan wong tuwa sing bisa mbebayaaké yèn kélangan cuéran kang akeh, bisa diwenehi infus yang dibutuhake. Yen panyebabe keracunan panganan, perlu diwenehi obat-obatan kanggo mateni patogen kang ana ing usus dan bisa nyegah rusaké mukosa kang luwih lanjut. Obat antiposmodik bisa ngréwangi ngurangi nyeri kolik abdomen.[6] Diaré kronis kudu diatasi kanthi ngobati penyakit liya kang ndhasari. Diaré kang suwé kathi dehidrasi akut bisa nyebabaké pendarahan usus kanthi konsekuènsi gagal ginjal.[6]

Cathetan Sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Diaré&oldid=834394"