Virus
| Virus | |
|---|---|
 |
|
| Virus influenza, dideleng nganggo mikroskop èlèktron | |
| Klasifikasi virus | |
| Grup: | I–VII |
| Kelas | |
|
|
|
Virus iku parasit kanthi ukuran mikroskopik sing nginfèksi sel organisme biologis. Virus mung bisa reproduksi ing sajroning material urip kanthi nginvasi lan ngendhalèkaké sel makluk urip amarga virus ora duwé kalengkapan selular kanggo reproduksi dhéwé. Istilah virus biasané ngrujuk marang partikel-partikel sing nginfèksi sel-sel eukariota (organisme multisel lan akèh jinis organisme sel tunggal), sauntara istilah bakteriofage utawa fage dipigunakaké kanggo jinis sing nyerang jinis-jinis sel prokariota (bakteri lan organisme liya sing ora duwé inti sel). Biasané virus ngandhut sethithik asam nukleat (DNA utawa RNA, nanging dudu kombinasi kaloroné) sing disingkupi sawijining bahan panglindhung sing kasusun saka protein, lipid, glikoprotein, utawa kombinasi kateluné. Genom virus nyandi protein sing dipigunakaké kanggo ngamot bahan genetik uga protein sing dibutuhaké sajroning daur uripé.
Virus asring didhebataké statusé minangka makluk urip amarga virus ora bisa nglakokaké fungsi biologisé sacara bébas. Amarga karakteristik khasé iki virus mesthi kaasosiasi karo panyakit tinentu, ing manungsa (upamané virus influensa lan HIV), kéwan (upamané virus flu burung), utawa ing tetanduran (upamané virus mosaik mbako/TMV).
[sunting] Pirsanana uga
