Bandhar Udhara Blimbingsari

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
{{{name}}}
IATA: DQJICAO: WAWP
Ringkesan

Bandha Udhara Blimbingsari dumunung ing Desa Blimbingsari, Rogojampi, Kabupatén Banyuwangi, Jawa Timur. Bandhara kanthi landas pacu 1.400 meter punika dipunbikak balika tanggal 29 Desember 2010. Wekdal punika, wonten penerbangan Banyuwangi-Denpasar lan Banyuwangi Surabaya PP kanthi pesawat Grand Caravan damelan Cessna 1997, ingkang dipunoperasikaken déning PT Sky Aviation.[1] lan nalika tanggal 24 Agustus 2011, Merpati Airlines mbikak jalur penerbangan langsung saking saking Banyuwangi-Surabaya PP.[2]

Sajarah[sunting | sunting sumber]

Sky Aviation di Apron Bandara Blimbingsari

Bandhar Udhara Blimbingsari Banyuwangi inggih punika salah satunggaling aset Pamarentah Daerah Kabupaten Banyuwangi ingkang dipunkelola dening Satuan Kerja Bandar Udara ing sangandhaping naungan Direktorat Jenderal Perhubungan Udara - Kementerian Perhubungan. Nalika taun 2003, Menteri Perhubungan medalaken KM 49 Tahun 2003 babagan Penetapan Bandar Udara Di Kabupaten Banyuwangi Propinsi Jawa Timur.Garis besar wos saking keputusan kasebut bilih lokasi bandhar udhara ing Kabupaten Banyuwangi, Propinsi Jawa Timur wonten ing Desa Blimbingsari, Kecamatan Rogojampi kanthi koordinat geografis 08 18' 42.70" Lintang Selatan lan 114 20' 16.30" Bujur Timur. Wiwit taun 2004 dumugi taun 2008, Bandhar Udhara Blimbingsari Banyuwangi kanthi dana saking APBN ngadani pambangunan fisik kanthi periodik saperlu saged ngrealisasikaken pangarep masyarakat Banyuwangi babagan wontenipun transportasi udhara.

Gambar:ATC tower Blimbingsari.JPG
ATC tower Bandara Blimbingsari

Nalika tanggal 30 Desember 2008, Menteri Perhubungan RI Jusman Syafii Djamal nindakaken kunjungan singkat dhateng Bandhar Udhara Blimbingsari Banyuwangi kanthi sesarengan kaliyan Bupati Banyuwangi sarta rombongan. Sasampunipun ngamati lan interview perkawis teknis kaliyan Satuan Kerja Bandhar Udhara, Menteri Perhubungan rumaos optimis bilih penerbangan ing Kabupaten Banyuwangi saged ngrembaka kanthi wontenipun Bandhar Udhara ingkang miturutipun lumayan sae lan ideal.

Kanthi arahan saking Menteri Perhubungan babagan target operasi Bandhar Udhara ing wulan Maret 2009, Satuan Kerja Bandhar Udhara Blimbingsari Banyuwangi nglajengaken lan ngupaya koordinasi kaliyan Direktorat Jenderal Perhubungan Udara lan ngyakinaken dhateng operator bilih Bandhar Udhara Blimbingsari Banyuwangi ewadene kanthi fasilitas standar awal ingkang minimum ananging kagungan runway (landasan pacu) ingkang ideal kangge operasional penerbangan pesawat medium lan alit.

Ing wiwitan taun 2009, tanggal 23 Januari 2009, tim saking Direktorat Jenderal Perhubungan Udara ngadani evaluasi lan verifikasi tumrap Bandhar Udhara Blimbingsari Banyuwangi. Saperangan wekdal salajengipung, Direktorat Jenderal Perhubungan Udara medalaken surat Nomor 167/DBU/II/2009 tanggal 9 Pebruari 2009 babagan pemanfaatan Bandhar Udhara Blimbingsari Banyuwangi ingkang garis besar wosipun inggih punika bilih Bandhar Udhara Blimbingsari Banyuwangi saged dipunginakaken kange take off lan landing pesawat jinis Cassa.[3]

Maskapai[sunting | sunting sumber]

Cithakan:Airport-dest-list

Cathetan Suku[sunting | sunting sumber]

  1. ^ "Banyuwangi-Surabaya Kini Hanya 35 Menit", Harian Seputar Indonesia, 30 December 2010. diaksès tanggal 7 Pebruari 2013. (Indonesian) 
  2. ^ "Merpati Airlines Buka Rute Banyuwangi -Surabaya", tempo interaktif, 18 AGUSTUS 2011. diaksès tanggal 07 Pebruari 2013. (Indonesian) 
  3. ^ http://www.banyuwangikab.go.id/berita-daerah/masterplan-bandara-blimbingsari-2014-total-runway-2250-meter.html

Cithakan:Bandara-indo-stub