Papan Anggegana Internasional Polonia

Saka Wikipédia Jawa, bauwarna mardika basa Jawa
Soewondo Air Force Base

Papan Anggegana Soewondo
Ringkesan
Jinis papan anggeganaMiliter
PernahMedan, Sumatra Lor, Indonésia
Élevasi MISLS114 ft / 35 m
Koordhinat03°33′29″N 098°40′18″E / 3.55806°N 98.67167°E / 3.55806; 98.67167
Situs wèbwww.poloniaairport.com
Sana playu
Ener Dawa Palumahan
m ft
05/23 3,000 9,850 Aspal
Sumber: DAFIF[1][2]

Papan Anggegana Soewondo (kodhe IATA: MES; kodhe ICAO: WIMM) inggih punika satunggaling papan anggegana nagarantara ingkang dumunung sakitar 2 km saking punjer kutha Medan, Indonésia. Papan Anggegana punika nglayani penerbangan dhateng kutha-kutha ageng ing Indonésia, kados Jakarta, Batam, Malaysia (Kuala Lumpur, Penang, Ipoh), Singapura lan Thailand (Bangkok). Dipunetang saking jumlah arus panumpang, Polonia minangka papan anggegana ingkang paling ageng angka sekawan wonten ing Indonésia sasampunipun Soekarno-Hatta, Juanda, lan Ngurah Rai.[3]

Sajarah[besut | besut sumber]

Rumah Michalski padha taun 1870-an
Fokker F.VII di lapangan terbang Medan (sakiwa-tengené taun 1940)

Nama Polonia asalipun saking nama Nagara asal para pambangunipun, Polen (Polonia minangka nama "Polen" wonten ing Basa Latin). Saderengipun dados papan anggegana, kawasan mau minangka lahan pakebonan kagunganipun tiyang Polen ingkang nama Michalski. Taun 1872 piyambakipun pikantuk konsensi saking Pamarentah Walanda saperlu mbikak pakebonan tembakau ing Pasisir Timur Sumatera papanipun wonten ing laladan Medan. Lajeng piyambakipun nyukani nama laladan punika kanthi nama Polonia, ingkang wekdal punika dèrèng mardika.

Data lan Statistik[besut | besut sumber]

Perkembangan momotan panumpang ing Polonia (Januari-Juli)[3]
Tahun Penumpang
penerbangan
domestik
(wonten ing éwon)
Penumpang
penerbangan
mancanagara
(wonten ing éwon)
2002 400,1 170,9
2003 603,3 157,4
2004 825,0 210,9
2005 956,9 251,7
2006 1.062,3 248,3
2007 1.176,2[4] 253,2[5]
2008 1.190,2[6] 262,7[6]
2009 1.190,3[6] 248,1[6]

Papan Anggegana Polonia gadhah wiyar 144 hèktar. Panjang landasan pacu wekdal punika antawis 2.900 mèter, nanging ingkang saged dipun-ginakaken antawis 2.625 mèter (saéngga saged displaced threshold antawis 275 mèter). Bab punika kadadosan amargi kathahipun barang ingkang ngalangi ing sakitaring papan lepas landhas lan mendarat. Polonia ugi gadhah 4 taxiway lan apron wiyaripun 81.455 mèter. Polonia dipunrancang saperlu ngamot maksimum sakitar 900.000 panumpang.[7]

Saking taun dhateng taun, arus panumpang Polonia ngalami unggah-unggahan antawis 15 dumugi 20 %. Nalika taun 2003, arus panumpang dumugi angka 2.736.332 tiyang, minggah saking 2.090.519 tiyang ing taun sadèrèngipun.[8] Jumlah owahan pesawat inggih punika 36.359 nalika taun 2003, minggah saking 29.894 nalika taun 2002. Kacathet wonten 13.713 penerbangan domestik lan 4.387 penerbangan nagarantara saking Polonia taun 1998. Nalika taun 2004 jumlahipun sampun dumugi angka 35.100 penerbangan domestik lan 8.266 penerbangan nagarantara.

Wonten ing babagan transportasi barang, nalika taun 2005 owahan kargo ing Polonia dumugi angka 31.347 ton.[7]

Cathetan suku[besut | besut sumber]

  1. Informasi bab WIMM ing World Aero Data. Informasi anyar dhéwé saka Oktober 2006. Sumber: DAFIF.
  2. Informasi bab MES ing Great Circle Mapper. Sumber: DAFIF (saka Oktober 2006).
  3. a b Biro Pusat Statistik, "Perkembangan Pariwisata dan Transportasi Nasional Bulan Juli 2006" [1], No. 45/IX/1 September 2006
  4. Biro Pusat Statistik, "Number of Domestic Passenger of Air Transportation, 2006-2007 (Persons)", dipunundhah tanggal 5 Fèbruari 2013
  5. Biro Pusat Statistik, "Number of International Passenger of Air Transportation at Main Airport in Indonésia (Polonia, Sukarno Hatta, Juanda and Ngurahrai (2006-2007) (Persons)", dipunundhuh tanggal 5 Fèbruari 2013
  6. a b c d Biro Pusat Statistik, "Perkembangan Pariwisata dan Transportasi Nasional Bulan Juli 2009", hal. 9, 1 September 2009, dipunundhuh tanggal 5 Fèbruari 2013
  7. a b "Ground breaking Papan Anggegana Baru Medan" Archived 2007-02-26 at the Wayback Machine., 29 Juni 2006
  8. Angkasa Pura II, "Air Traffic Statistics (Annual)" Archived 2007-05-12 at the Wayback Machine., dipunundhuh tanggal 5 Fèbruari 2013

Pranala njaba lan referensi[besut | besut sumber]