Vicente Fox

Saka Wikipédia Jawa, bauwarna bébas abasa Jawa
Vicente Fox Quesada
Vicente Fox.jpg
Présidhèn Meksiko Ke-72
Lungguh
1 Dhésèmber 2000 – 1 Dhésèmber 2006
Kadhisiki Ernesto Zedillo
Kagantèni Felipe Calderón Hinojosa
Rerincèn priangga
Lair 2 Juli 1942
Mexico City
Bangsa Meksiko
Parté pulitik PAN
Sisihan Marta Sahagún

Vicente Fox Quesada[1] (lair 2 Juli 1942; umur 75 taun) ya iku Présidhèn Meksiko kang kaping 72 (1 Dhésèmber 2000 – 1 Dhésèmber 2006). Vicente Fox kapilih dadi présidhèn lumantar pemilu présidhèn taun 2000 kang kanthi temenan dadi présidhèn sepisanan saka kalangan oposisi wiwit Francisco Madero ing taun 1910.[2] Piyambakipun mungkasi kalungguhan présidhèn tanggal 1 Dhésèmber 2006.[2]

Pribadi[besut | besut sumber]

Vicente Fox lair ing Kutha Meksiko tanggal 2 Juli 1942. Piyambakipun ya iku putra keloro saka tunggal sadulur sanga ing kulawargané. Vicente Fox iku keturunan Irlandia-Spanyol. Bapaké, Jose Luis Fox saka Irlandia. Déné ibuné, Mercedes Quesada ya iku saka keturunan Spanyol. Pakdhéné, José Luis Fox Flach nyebutaké yèn Vicente lair kanthi Joseph Louis Fuchs ing Cincinnati, Ohio, Amérika Sarékat, anak salah sawijining imigran Katolik Jerman antara Louis Fuchs lan Catherina Elisabetha Flach.[3]

Fox nikah karo salah sawijining resepsionis ing Coca-Cola, ya iku Lilian de la Concha. Kekaroné banjur mupu anak papat, ya iku Ana Cristina, Vicente, Paulina, lan Rodrigo. Sawisé nikah 20 taun suwéné, Lilian ngajokaké pegatan marang Fox. Gugatan pegat mau dikabulaké. Kekaroné resmi pegatan ing taun 1990. Banjur Fox nikah manèh karo Marta Maria Sahagun Jimenez tanggal 2 Juli 2001 nalika Fox isih nyepeng kalungguhan présidhèn.[2]

Karièr[besut | besut sumber]

Sawisé ngrampungaké sekolah ing Universitas Iberoamericana, Mexico City, Fox nerusaké sinanuné ing Universitas Harvard. Taun 1964, fox wiwit kerja ing Coca-Cola minangka route supervisor. Sipat tekun anggoné makarya ing Cca Cola ndadèkaké Fox bisa dipromosiké minangka chief executive kanggo Coca-Cola Meksiko lan Amérika Tengah. kalungguhan iku dicepeng nganti taun 1979. Minangka pimpinan Coca-Cola, Fox bisa kasih ngalahaké Pepsi minangka ombèn-ombèn kang paling mrabawani ing Meksiko.[2]

Sawisé pènsiun saka Coca-Cola, Vicente Fox wiwit akèh cawé-cawé ing kagiyatan publik ing manéka program ing Guanajuato. Guanajuato ya iku panggonan ing ngendi Fox ngedegaké panti asuhan kang jenengé "Patronato de la Casa Cuna Amigo Daniel". Pengalaman lan kagiyatané karo wong akèh ndadèkaké Fox bisa ngembangaké pemahaman babagan kahanan kang bisa nggawé rugi. Pungkasané Fox mutusaké mèlu cawé-cawé ing babagan bisnis, babagan pulitik, sosial, lan uga pendhiahikan. Kanthi panyengkuyungé Manuel Clouthier, Fox nggabung karo Partido Accion Nacional tanggal 1 Maret 1988. Ing taun iku uga, Fox nyalon lan kapilih dadi Deputi fédheral makili Distrik Federal Ketiga ing León, Guanajuato.[2]

Kanthi cara anggoné mimpin, praja Guanajuato kasil éntuk perkembangn ékonomi kang bisa nggawé marem sing ndunungi. Ing taun 1999, Fox njupuk cuti minangka gubernur kanggo nyalon ing pemilu présidhèn. Ing tanggal 2 Juli 2000, Fox menang ing pemilu présidhèn ingatasé calon Francisco Labastida kang diajokaké El-PRI. Jeneng Vicente Fox uga dicathet ing sujarah minangka wong kang bisa ngalahaké kandidat saka parté paling kukwar ing donya.[2]

Cathetan suku[besut | besut sumber]

  1. ^ Delengen Padatan jeneng Ibéria kanggo katrangan jenengé
  2. ^ a b c d e f Profil Vicente Fox(diundhuh 8 Maret 2013)
  3. ^ http://www.jornada.unam.mx/2006/09/01/index.php