Pèpsi

Gambar Logo Pepsi

Pèpsi ya iku mèrek ombenan kan digawé déning PepsiCo lan didol menyang saben nagara mawa toko, restoran lan mesin dol otomatis. Ombenan iki digawé pisanan ing taun 28 Agustus 1898 déning ahli farmasu Caleb Bradham. Merek iki uga dadi merek dagang ing tanggal 16 Juni 1903. Ana warna-warna varian Pepsi, ya iku Diet Pepsi, Pepsi Max, Pepsi Samba, Pepsi Blue lan Pepsi Gold.

Sajarah Pepsi

Pepsi-Cola, wiwitane duwé jeneng "Minuman Brad" (Brad's drink), digawé déning ahli farmasi Caleb Bradham ing New Bern, Carolina Utara, Amérikah Sarékat. Rikala 28 Agustus 1898, jeneng "Minuman Brad" diijolake dadi "Pepsi-Cola" jeneng iku banjur didhaftarake ing 16 Juni 1903. Bradham éntuk jeneng pepsi saka lelara dispepsia ya iku lara weteng, amarga rikala iku pepsi digawé kanggo nambani lara weteng. Pepsi digawé saka banyu karbonat, gula, vanila, lenga pati, pepsin lan kola.

Tahun 1903, bisa ngedol 7,968 gelen sirap lan ing taun sabanjuré Pepsi didol ing botol enem auns lan saya laris nganti 19,848 gelen. Ing taun 1905 Pepsi ganti logo saka asline sing digawé ing taun 1898 lan ing 1906 logone digenti manèh.

Sawisé 17 taun wiwit kasuksesane, Caleb Bradham kudu kelangan Pepsi-Cola amarga kalah ing pasar saham. Dhèwèké precaya rega gula bakal munggah, nanging jebul sing kedadeyan malah sawalike mula dhèwèké ujuk-ujuk bangkrut. Banjur njalari bangkrute Pepsi-Cola ing taun 1923.

Tahun 1931, Pepsi Cola dituku déning Présidhèn Loft Candy, Charles G. Guth lan nindakaké pangiwahan ing formula pepsi mau. Tahun 1940, sajarah digawé mawa digawé jinggle iklan pisanan kang digiyaraké mawa nasional. Jinggle lagu mau judhulé Nickel Nickel digiyaraké kanggo Pepsi Cola lan bisa ngunggahake rega Pepsi Cola lan jumlah saham. Nickel Nickel dadi misuwur lan direkam ing 55 basa.