Udjo Ngalagena

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Udjo Ngalagena
Bpk. Udjo.jpg
Lair5 Maret 1929
PatiMèi 3, 2001(2001-05-03) (umur 72)
Bandung, Jawa Kulon
Bangsa Indonésia
Jeneng liyaMang Udjo
PakaryanSeniman lan budayawan
Kondhang ingTokoh pangadeg Saung Angklung Udjo

Udjo Ngalagena (lair 5 Maret 1929 – pati 3 Mèi 2001 ing umur 72 taun) inggih punika seniman angklung saking Jawi Kilèn, Indonésia lan mbikak Saung Angklung Udjo.[1] Panjenenganipun punika putra kaping enem saking Wiranta lan Imi. Nalika yuswanipun nembé sekawan ngantos gangsal taun, Udjo sampun wasis mainaken angklung kanthi laras pelog lan slendro ingkang asring dipunmainaken ing lingkunganipun ing acara ngangkud pantun, arak-arakan khitanan, peresminan kreteg, lan acara-acara sanèsipun.[1] Madhegipun saung Angklung Udjo boten saged uwal saking jasanipun Udjo Ngalagena (5 Maret 1929 - 3 Mèi 2001).[1] saung punika dados punjer palatihan lan ngrembakanipun musik angklung sarta dados salah satunggalipun papan pariwisata budaya.[2] Kangge program wisata, Saung Udjo nggelar manéka warni pagelaran musik angklung ingkang dipunpadukaken kaliyan piranti musik sanèsipun, kados terbang lan gamelan Sunda sarta jogèd-jogèd adat Sunda.[2] Udjo Ngalagena nyebat sistem angklung ingkang dipunlatih ing Saung Udjo minangka angklung Sunda lan angklung Indonésia.[2] Angklung Sunda ngginakaken tangga nada pentatonis, lan angklung Indonésia ngginakaken tangga nada diatonis.[2] Sasanesipun sinau angklung, Udjo ugi nyinaoni pencak silat, gamelan, lan lagu-lagu laladan.[1] Panjenenganipun sinau lagu kanthi nada diatonis saking HIS wujud lagu-lagu mawi basa Indonésia lan Walanda.[1]

Pranala njawi[besut | besut sumber]

Cathetan suku[besut | besut sumber]

  1. a b c d e Situs resmi Saung Angklung Udjo dipunundhuh tanggal 16 Agustus 2011)
  2. a b c d [Sugiyanto, dkk.. 2004. Kesenian untuk SMP Kelas VII. Jakarta:Yudhistira; kaca 82]