Ubud

Saka Wikipédia Jawa, bauwarna bébas abasa Jawa
Ubud
Town
Ubud
Ubud
Lua error nèng Modul:Location_map larik 417: Unable to find the specified location map definition. Neither "Module:Location map/data/Indonesia Bali" nor "Template:Location map Indonesia Bali" exists.Location in Bali
Koordhinat: 8°30′24.75″S 115°15′44.49″E / 8.5068750°S 115.2623583°E / -8.5068750; 115.2623583Koordhinat: 8°30′24.75″S 115°15′44.49″E / 8.5068750°S 115.2623583°E / -8.5068750; 115.2623583
Country Indonesia
Province Bali
Regency Gianyar
UTC+08
Kagem Ubud minangka kecamatan, sumangga dipunpirsani Ubud, Gianyar.
Pelukis Rudolf Bonnet ing ngajeng dalemipun ing taun 1950-an

Ubud inggih punika satunggalipun désa kelurahan ingkang mandhegani 13 banjar dhinas ingkang kapérang saking enem désa adat, kalebet Kecamatan Ubud, Kabupatèn Gianyar kanthi jarak 20 km saking Kutha Denpasar.[1] Saking Kutha Denpasar dhateng Ubud kinten-kinten 30 menit utawi 15 menawi saking Kutha Gianyar.[1] Wewengkon Ubud nggadhahi inggil kinten-kinten 300 saking permukaan laut, amargi punika Ubud nggadhahi hawa seger.[1] Warga ing Ubud cacahipun kinten-kinten 9.800 tiyang.[1] Kanthi lingkungan ingkang taksih alami, wewengkon punika kalebet wewengkon sumber inspirasi tumrap para seniman, kalebet seniman manca negari, utaminipun seniman saking Éropah.[1]

Sasanesipun nggadhahi alam ingkang éndah, Ubud ugi misuwur minangka désa budaya[2] ingkang sugih warisan sajarah para seniman ageng, utaminipun pelukis misuwur, kados I Gusti Nyoman Lempad (1862-1978), Anak Agung Gde Sobrat (1919-1992), I Gusti Made Deblog (1910-1986), I Gusti Ketut Kobot, Ida Bagus Made, Dewa Putu Bedil, Ida Bagus Rai, lan sanesipun.[1] Taun 1920-an wonten kalih pelukis saking Éropah inggih punika Rudolf Bonnet saking negari Walanda, lan Walter Spies saking jerman dados tiyang manca ingkang nglukis ing Ubud.[1] Kekalihipun tiyang punika nepangaken téknik éstetika Éropah utaminipun ing bab pencahayaan, bayangan, perspektif, lan anatomi.[1] Ubud dados langkung misuwur minangkaa wewengkon kalairan para seniman lukis amargi jasanipun Tjokordo Gde Agung Sukawati kaliyan Rudolf Bonnet ingkang damel satunggalipun pakempalan seniman ingkang dipunparingi nama Pita Maha.[3]

Pranala njawi[besut | besut sumber]

Cathetan suku[besut | besut sumber]

  1. ^ a b c d e f g h (id)Ubud Obyek wisata Bali dipunundhuh tanggal 8 Agustus 2011)
  2. ^ (id)Tempat Wisata Menarik di Bali - Ubud dipunundhuh tanggal 8 Agustus 2011)
  3. ^ (id)Ubud Monkey Forest dipunundhuh tanggal 8 Agustus 2011)


Sumber artikel punika saking kaca situs web: "https://jv.wikipedia.org/w/index.php?title=Ubud&oldid=1089846"