Tamara Geraldine

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tamara Geraldine
Tamara geraldine 063.jpg
Lair (1974-05-21) Mèi 21, 1974 (umur 46)
Indonésia Jakarta, Indonésia
PakaryanPresenter, Penulis
BojoTien Thinh Pham
AnakCaskaya

Maria Geraldine Tambunan misuwur kanthi jeneng Tamara Geraldine (lair di Jakarta, 21 Mèi 1974).[1] Tamara Geraldine iku salah sijiné presenter lan juru nulis.[1]

Karir[besut | besut sumber]

Tamara misuwur dadi presenter kang wis mimpin akèh acara kaya ta paket acara ulah raga ya iku presenter Italian League, Bundesliga, Champion Cup, Euro Cup, World Cup 2004 lan presenter acara gosip bareng karo Edwin, Go Show ing TPI, Game Zone (TPI), Ari Wibowo Cari Pembantu (SCTV), Boom Basket (RCTI), lan Pernik (TV7).[1] Tamara Geraldine éntuk pangaji kategori Best Female Sport Presenter ing Panasonic Awards nganti 5 taun kanthi urut wiwit taun 2000-2004.[1]

Saliyané 'cuap-cuap', Tamara uga pinter nulis.[1] Buku kang sepisanan digawé Tamara Geraldine ya iku kumpulan 12 carkak kang judhulé Kamu Sadar, Saya Punya Alasan untuk Selingkuh Kan Sayang? (2003).[1] Bareng karo Darwis Triadi, Tamara uga nggawé buku biografi kanggo kanca rakete ya iku buku kang judhule Yuni Shara-35 Cangkir Kopi (2007).[1]

Kasus[besut | besut sumber]

Pertengahan taun 2007, Tamara tau duwé urusan karo pulisi amarga dilaporaké karo komedian Farly S.M Saerang kanthi pasal 351 ngenani bab penganiayaan.[2] Kadadéan iki nalika Farly dadi MC ing salah sijiné acara ing tlatah Pekan Raya Jakarta, Kemayoran, Jakarta Pusat.[2] Farly salah muni jeneng bintang tamu kang kuduné Tamara Geraldine malah dadi Tamara Bleszynski.[2] Nanging amarga émosi, Tamara Geraldine banjur nggebug pérangan mburi sirahé Farly.[2] Nanging amarga kena ing tilas 23 jaitan kang ana ing sirahé Farly.[2] Farly banjur semaput lan digawa ing RS Mitra Kemayoran.[2] Kedadeyan iki ora suwé amarga Tamara lan Farly uga sarujuk kanggo damai.[3]

Tamara Geraldine nikah karo wong lanang kang duwé katurunan Vietnam jenenge Tien Thinh Pham.[1] Tamara nikah tanggal 8 September 2000.[1] Tamara lan bojoné banjur njupuk anak angkat kang jenengé Caskaya (kang tegesé anak Peri) kang lair nalika tanggal 29 Oktober 2004.[1]

Cathetan suku[besut | besut sumber]

  1. a b c d e f g h i j Profil ing KapanLagi.com (dipunundhuh tanggal 10 Juli 2011)
  2. a b c d e f Buntut Pemukulan, Tamara Geraldine Dilaporkan ke Pulisi(dipunundhuh tanggal 10 Juli 2011)
  3. Tamara - Farly Sepakat Damai(dipunundhuh tanggal 10 Juli 2011)