Sheikh Muszaphar Shukor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sheikh Muszaphar Shukor

Cithakan:Infobox Astronaut

Sheikh Muszaphar Shukor Al Masrie bin Sheikh Mustapha (miyos 27 Juli 1972) inggih menika ahli kasehatan saking Malaysia lan tiyang Malaysia ingkang kawiwitan ingkang dhateng antariksa, dipunwara-wara déning Perdana Mentri Abdullah Badawi nalika tanggal 25 September 2007. [1] Panjenenganipun kaliyan Yuri Malenchenko (Rusia) lan Peggy Whitson saking Amérika Serikat, sampun tindak dhateng antariksa ing tanggal 10 Oktober 2007 kanthi montor mabur Soyuz TMA-11 ingkang dipunluncuraken dhateng Stasiun Njawi Angkasa Internasional (ISS) wonten ing satunggalipun program kerja sesarengan antawisipun Malaysia kaliyan Rusia lan badhe kondur dhateng bumi kaliyan montor mabur Fyodor Yurchikhin lan Oleg Kotov.[1]

Biografi[sunting | sunting sumber]

Panjenenganipun miyos ing Kutha Kuala Lumpur, Sheikh Muszaphar lulus saking sekolah inggil ing MARA ing Muar, salajengipun sekolah malih ing Kolej Pengobatan Kasturba, Manipal.[2] Panjenenganipun dados dhokter ortopedi ing Universitas Kebangsaan Malaysia, lan saderengipun menika ing Griya Sakit Seremban (1998), Griya Sakit Ageng Kuala Lumpur (1999), lan Griya Sakit Selayang (2000-2001).[2]

Pamilihan astronot Malaysia[sunting | sunting sumber]

Pangiriman astronot saking Malaysia dhateng antariksa kalebet satunggalipun pakét panyadean 18 montor mabur tempur Sukhoi kagunganipun Rusia déning Malaysia ing taun 2003.[3] Malaysia ngawontenaken pamilihan astronot saking 11.000 calon ingkang ndhaftar.[4] Calon ingkang kapilih nglaksanakaken latian ingkang pungkasan ing Kosmodrom Baikonur, Kazakhstan.[2] Muszaphar lan tigang calon sanèsipun ingkang kapilih ing purwanipun taun 2006.[2] Sasampunipun ndhèrèk latian ing Star City, Rusia, Sheikh Muszaphar kapilih minangka calon utami astronot ingkang kapisan saking Malaysia, lan Faiz Khaleed dipundadosaken calon cadhangan.[2]

Cathetan Suku[sunting | sunting sumber]

  1. ^ a b (en)NASA Holds Briefing With First Female Station Commander and Crew dipunundhuh tanggal 21 Agustus 2011)
  2. ^ a b c d e (en)[1] dipunundhuh tanggal 21 Agustus 2011)
  3. ^ (en)First Malaysian in space to observe Ramadan dipunundhuh tanggal 21 Agustus 2011)
  4. ^ (en)Malaysian astronaut enters space dipunundhuh tanggal 21 Agustus 2011)

Pranala Njawi[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.