Senyawa Kimia

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Molekul banyu ya iku tuladha senyawa kimia kang kawangun saka 2 atom hidrogen lan 1 atom oksigèn.

Senyawa kimia ya iku zat kimia murni kang kawangun saka rong unsur utawa sawatara unsur [1][2][3] kang bisa dipérang manèh dadi unsur-unsur pembentuké kanthi réaksi kimia mau.[4] Tuladhané, dihidrogen monoksida (banyu, H2O) ya iku sawijining senyawa kang kawangun saka rong atom hidrogen kanggo saben atom oksigèn.

Padatan, perbandhingan iki kudu tetep amarga sipat fisikané, dudu perbandhingan kang digawé déning manungsa. Mula iku, material kaya kuningan, superkonduktor YBCO, semikonduktor "aluminium galium arsenida", utawa coklat dianggep campuran utawa aloy, dudu jinis senyawa.

Ciri-ciri kang mmbedakaké senyawa karo unsur lan campuran ya iku anané rumus kimia. Rumus kimia mènèhi perbandhingan atom ing zat lan cacahing atom ing molekul tunggalé (mula iku rumus kimia etena ya iku C2H4 lan dudu CH2. Rumus kimia nyebutaké apa senyawa mau kawangun saka molekul; Tuladhané, natrium klorida (garam dapur, NaCl ya iku senyawa ionik. Wujud senyawa uga ana ing sawatara fase. Akèh kang dadi senyawa kang luwih cilik utawa atom individual bisa dipanasaké nganti suhu tartamtu kang banjur diarani suhu penguraian. Saben senyawa kang wis dijlèntrèhaké ing literatur nduwè pengenal kang unik, ya iku kang diarani nomer CAS.

Jinis senyawa[besut | besut sumber]

  • senyawa asem, ya iku senyawa kang duwé sipat kaya ta rasané kecut, bisa ngeteraké arus listrik ing wujud cair kerionisasi lan ngasilaké ion hidrogen lan sisa asem.[5]
  • senyawa basa, ya iku senyawa kang diwangun saka unsur logam mawa gugus hidroksida (OH). Senyawa basa bisa dimangertèni amarga duwé sipat khas, ya iku rasané pait utawa getir, ing kulit bisa agawé gatel panas, lan bisa ngeteraké arus listrik amarga ngalami ionisasi. Kasil ionisasai wujud ion logam lan gugus OH-.[5]
  • senyawa ionik[5]
  • senyawa garam, ya iku senyawa kang diwangun déning unsur logam lan sisa asem. Senyawa garam nduwé rasa asin, ing kaanan larutan bisa ngeteraké arus listrik amarga ionisasi. Senyawa garam NaCl, keionisasi dadi ion Na+ lan ion sisa asem Cl-.[5]
  • senyawa oksida, ya iku senyawa kang diwangun déning atom oksigèn lan atom liyané. Anané atom oksigèn iki minangka ciri senyawa oksida.[5]
  • senyawa organik, ya iku senyawa kang dibangun déning atom mligi karbon, saéngga senyawa iki uga diarani hidrokarbon.[5]

Senyawa ing Alam[besut | besut sumber]

Ing alam, senyawa kimia digolongaké dadi loro, ya iku senyawa organik lan senyawa anorganik.[5] Senyawa organik dibangun déning atom mligi karbon, saéngga senyawa iki uga diarani hidrokarbon.[5] Senyawa hidrokarbon ana akèh ing alam lan uga ing makluk urip, wiwit saka bahan bakar nganti molekul kang asalé utawa kang tinemu ing makluk urip kaya ta karbohidrat, protéin, lemak, asem amino, lsp.[5]

Déné senyawa anorganik ya iku senyawa kang disusun saka atom utama logam, akèh tinemu ing zat mati, kaya ta lemah, watu, banyu segara, lsp.[5]

Uga delengen[besut | besut sumber]

Cathetan suku[besut | besut sumber]

  1. Brown, Theodore L.; LeMay, H. Eugene; Bursten, Bruce E.; Murphy, Catherine J.; Woodward, Patrick (2009), Chemistry: The Central Science, AP Edition (ed. 11th), Upper Saddle River, NJ: Pearson/Prentice Hall, kk. 5–6, ISBN 0-13-236489-1 
  2. Hill, John W.; Petrucci, Ralph H.; McCreary, Terry W.; Perry, Scott S. (2005), General Chemistry (ed. 4th), Upper Saddle River, NJ: Pearson/Prentice Hall, k. 6, ISBN 978-0-13-140283-6 
  3. Whitten, Kenneth W.; Davis, Raymond E.; Peck, M. Larry (2000), General Chemistry (ed. 6th), Fort Worth, TX: Saunders College Publishing/Harcourt College Publishers, k. 15, ISBN 978-0-03-072373-5 
  4. Wilbraham, Antony; Matta, Michael; Staley, Dennis; Waterman, Edward (2002), Chemistry (ed. 1st), Upper Saddle River, NJ: Pearson/Prentice Hall, k. 36, ISBN 0-13-251210-6 
  5. a b c d e f g h i j Unsur dan Senyawa(diundhuh 11 Fèbruari 2013)