Saos tomat

Saka Wikipédia Jawa, bauwarna bébas abasa Jawa
(Dilih saka Saos Tomat)
Saos tomat

Saos tomat ya iku saos kang digawé saka woh tomat kang wis dimasak lan ditambahi gula, uyah, cuka, lan bumbu kang arupa rempah-rempah.[1] Rempah-rempah iki kayata cengkéh lan kayu manis.[1] Saliyané iku saos tomat uga ditambahi sayuran kayata bawang bombay, selédri lan sayuran liyané.[1] Saos Tomat Indofod lan saos tomat ABC kalebu merek-merek saos kang misuwur ing Indonésia.[1] H. J. Heinz Company, Hunt's, Del Monte Foods, lan Brooks Ketchup kalebu jeneng distributor saos tomat kang paling gedhé ing Amérika Serikat.[2] Saos tomat biyasané kanggo mangan kenthang goréng, sandwich, pitik goréng lan daging kang dipanggang utawa digoreng.[2] Campuran saos tomat lan mayones dadi bahan kanggo nggawé saos selada kang diarani Thousand Island.[2]

Sejarah[besut | besut sumber]

Saos tomat ing basa Inggris diarani Ketchup.[2] Asal-usulé ya iku saos tomat wis dikenal wiwit biyén ing Asia lan diarani koe-chiap utawa ke-tsiap ing dialek Amoy ing Tiongkok utawakechap (ketjap) ing basa Melayu.[2] Pelaut Inggris lan Walanda ngenalaké saus éncér kang bahan dhasaré digawé saka iwak.[2] Iwak iki asale saka Asia.[2] Saus iki banjur diarani "catchup" ("ketchup").[2] Ananging saos iki ditambahi bahan-bahan liyané kang pas karo masakan Éropah.[2] Nambahaké tomat ing kecap dadi inovasi wong Inggris. Ananging ana uga kang nduwèni panemu yèn saos tomat iku ditemokaké utawa digawé wong Amérika.[2]

Resep saos tomat kang sepisanan dicithak ing buku masak di Amérika kang judhulé Sugar House Book ing taun 1801.[2] Saos tomat kang digawé rasané asin wit ngandhut uyah kang cacahé 1 pound (453,59 gram) kanggo ngolah 100 woh tomat dadi saos tomat.[2] Ing taun 1824, resep saos kecap ana ing buku resep The Virginia Housewife kang digawé ahli masak kang misuwur ing abad kaping 19 kang jenengé Mary Randolph. Dhéwéké duluré Thomas Jefferson.[2]

Chatetan suku[besut | besut sumber]

  1. ^ a b c d (id)ebookpangan.com(dipunundhuh tanggal 17 Juni 2011)
  2. ^ a b c d e f g h i j k l m (en)usatoday.com(dipunundhuh tanggal 17 Juni 2011)


Sumber artikel punika saking kaca situs web: "https://jv.wikipedia.org/w/index.php?title=Saos_tomat&oldid=1038196"