Sékring

Saka Wikipédia Jawa, bauwarna bébas abasa Jawa
Sékring
Fuse-basic-symbols.svg
Sékring tipis minangka arupa ukuran: low-profile mini, mini, ATO lan maxi

Ing komponèn elektronika lan mesin listrik, Sékring (saking basa Walanda zekering, Basa Prancis, basa Italia fusée lan fuso, "spindle") inggih punika piranti ingkang dipun-ginakaken minangka pengaman ing rangkean listrik manawi wonten momotan listrik ingkang langkung kathah utawi wonten arus pendhek.[1] Cara kerjanipun inggih punika manawi wonten momotan listrik ingkang kekathahen utawi wonten gayutan arus pendhek, mangka otomatis sekering kasebat badha medhot aliran listrik saéngga boten damel risakipun komponèn ingkang sanès.[1]

Sekring dipunpatenaken déning Thomas Alva Edison ing taun 1890.[2]

Sekring gadhah mangfaat nyegah arus ingkang kagengen nalika wonten korsleting.[3] Korsleting saged kadadéan nalika wonten kabel ingkang nglothok, lajeng kabel punika nempel kaliyan kabel sanèsipun.[3] Amargi kabel ingkang nempel punika njalari kathah arus listrik ingkang nglewati kabel ingkang nglothok.[3] Kabel ingkang nglothok gadhah hambatan ingkang alit sanget tinimbang kaliyan hambatan lampu saéngga langkung gampil dipunlangkungi arus listrik.[3] Arus listrik ingkang ageng saged damel kabel gampil kebakar.[3] Piranti listrik kados radhio, televisi, lan lampu kedah dipunjagi saking karisakan amargi korsleting.[3] Caranipun inggih punika kanthi masang sekring ing sangajengipun piranti kalawau.[3] Sekring bandhe nyegah arus listrik supados boten mlebet dhateng komponèn listrik sanèsipun saéngga boten wonten kebakaran.[3] Kawat sekring dipundamel saking kawat alit, cekak, lan gampil ngleleh. Contonipun, timah pethak lan pérak .[3] Kawat alit punika dipunlebetaken dhateng tabung keramik ingkang isinipun pasir. Nalika arus nglewati aji ingkang dipuntemtokaken, kawat langsung ngleleh saéngga rangkean listrik pedhot.[3]

Cathetan suku[besut | besut sumber]

  1. ^ a b Fuse dipunundhuh tanggal 9 Agustus 2011)
  2. ^ edison.rutgers.edu/patents/ — U.S. Patent Office number 438305 "Fuse Block" (.pdf) dipunundhuh tanggal 9 Agustus 2011)
  3. '^ a b c d e f g h i j Pengertian Sekring dipunundhuh tanggal 9 Agustus 2011)

Pranala njawi[besut | besut sumber]