Menjangan bawéan
| Rusa Bawéan | |
|---|---|
| |
| Rusa Bawean jago diwasa ing Kebun Binatang Ragunan, Jakarta | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Mammalia |
| Ordho: | Artiodactyla |
| Subordho: | Ruminantia |
| Famili: | Cervidae |
| Subfamili: | Cervinae |
| Génus: | Axis |
| Spésies: | A. kuhlii |
| Jeneng binomial | |
| Axis kuhlii Müller, 1840 | |
Rusa Bawéan (Axis kuhlii) iku salah siji jinis rusa kang mung tinemu ing Pulo Bawéan. Spesies langka iki diklasifikasèkaké minangka kéwan kang kaancem cures.[1] Rusa Bawean pisanan kaindentifikasi ing taun 1845 kanthi jeneng Cervus Kuhlii.
Rusa bawean dhuwure 60 – 70 Cm, dawane 105 – 115 Cm, lan boboté kurang luwih 50 Kg. Dawane buntute nganti tekan 20 Cm awarna coklat lan keputian ing lempitan pérangan jerone. Rusa bawean duwé taring ing rahang ngisore. Kéwan iki wulune awarna coklat, pendhek, kajaba ing pérangan gulu. Ing sakupenge mripat awarna putih trang, ing sakupenge tutuke rada trang tinimbang raine kang dipisahake karo garis awarna ireng. Bahu ngarep luwih cendhek tinimbang pérangan burine mula kaya-kaya ngundhuh kaya déné kidang. Ing anak rusa aring ana tutul-tutule, nanging mung sedhiluk banjur ilang.
Rusa Bawean jago diwasa duwé tandhuk sepasang kang duwé cabang telu, déné rusa jago kang isih nom ranggahe durung duwé cabang. Ranggah wiwit thukul nalika rusa umur 8 sasi. Pisanane wujud tonjolan ing pinggir dahine, banjur tambah dawa lan dhukul jangkep ing umur 20-30 sasi. Banjur ranggah bakalan tugel tanggal lan digantikake sepasang ranggah kang liyané kanthi sacabang, lan kaya mangkono trus nganti tanduk iku jangkep cabang tiga, ya iku nalika rusa umuré 7 taun.
Rusa Bawéan ora nduwé masa mangsa kawin kang tetep. Saka kasil panlitèn mangsa kalairan anak Rusa Bawéan ya iku ing sasi Fèbruari nganti tekan sasi Juni, kanthi masa kawine antarané sasi Juli nganti tekan sasi November.[2]
Pakan
[besut | besut sumber]- Godhong Anjhujhu
- Tale Caceng
- Godhong Gundang
- Godhong Nangka
- Godhong Kenyang-kenyang
- Godhong Gheddhung
- Suket Gajah
- Suket Ladang
- Tale Atta
- Godhong ampelas
- Godhong lambese
- Godhong andudur
- Godhong pelle
- Godhong ampere
- Suket lending-ledingan
- Godhong kangkung tajhin
- Suket lapeddhung
- Godhong kacang
- Woh nangka
- Woh gheddheng
- Woh pellem, lan sapanunggalane.
Cathetan sikil
[besut | besut sumber]- ↑ (ing basa Indonésia)bawean.net Rusa Bawean Spesies Langka yang Terlantar (kaundhuh tanggal 30 Agustus 2011)
- ↑ (ing basa Indonésia)rusabawean.com Archived 2011-09-05 at the Wayback Machine. Tentang Rusa Bawean (Lengkap) (kaundhuh tanggal 30 Agustus 2011)
Pranala njaba
[besut | besut sumber]- ultimateungulate.com
- Rusa Bawean, Kompas 19 Januari 2011.
| Artikel iki minangka artikel rintisan. Kowé bisa ngéwangi Wikipédia ngembangaké. |