René Préval

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
René Garcia Préval
Rene Preval.jpg
Présidhèn Haiti
Wiwit linggih
16 Fèbruari 2006
Kang sadurungéBoniface Alexandre
Kang sawiséBelum ada
Linggih
7 Fèbruari 1996 – 7 Fèbruari 2001
Kang sadurungéJean-Bertrand Aristide
Kang sawiséJean-Bertrand Aristide
Rerincèn dhiri
Lair (1943-01-17) Januari 17, 1943 (umur 76)
Port-au-Prince, Haiti
Parté pulitikLespwa(The National Front of Hope)
SisihanGuerda Benoît

René Garcia Préval (miyos tanggal 17 Januari 1943 wonten ing Marmelade) inggih punika Présidhèn Haiti sapunika. Sadèrèngipun, piyambakipun njabat minangka présidhèn wonten ing periode 7 Fèbruari 1996 dumugi 7 Fèbruari 2001 lan Mahamantri (Fèbruari 1991-2 September 1993).

Karier[besut | besut sumber]

Préval gadhah gelar agronomi saking College of Gembloux lan Universitas Louvain wonten ing Bèlgi.[1] Piyambakipun ugi gadhah latar belakang wonten ing tèknik lan geotermal. Piyambakipun dipunpeksa nilaraken Haiti sesarengan kaliyan kulawarganipun nalika taun 1963 sasampuning dipunpadosi déning diktator François Duvalier alias "Papa Doc".

Ingkang rama ugi satunggaling agronom lan naté njabat minangka mantri Pertanian nalika masa pamarèntahanipun Jenderal Paul Magloire, ingkang nggantosaken Duvalier. Piyambakipun dipunasingaken saking Haiti amargi latar belakang pulitikipun ingkang nggayutaken piyambakipun kaliyan kaum oposan, lajeng nyambut damel wonten ing sawijining PBB wonten ing Afrika.

Sasampuning dumunung sadanguning 5 taun wonten ing Brooklyn (New York, Amérikah Sarékat) minangka satunggaling pelayan restoran, piyambakipun wangsul dhateng Haiti lan pikantuk posisi wonten ing Institut Nasional kanggé Sumber-sumber Mineral.

Préval njabat minangka mahamantri Haiti saking tanggal 13 Fèbruari dumugi tanggal 11 Oktober 1991, nanging dipungantosaken lan dumunung wonten ing pembuangan sasampuning kadadosan kudeta militèr nalika tanggal 30 September 1991. Préval inggih punika sekuthu Jean-Bertrand Aristide lan pamimpin parté Kulawarga Lavalas.

Minangka présidhèn, Préval nglembagakaken sajumlah pembaruan ékonomi, mliginipun wonten ing privatisasi manéka parusahan nagara. Sapérangan tiyang ngendika bilih privatisasi punika dipunsebabaken amargi Préval tundhuk sanget kaliyan tekanan saking njawi, mliginipun saking dana moneter keuangan donya (IMF). Wonten ing pungkasaning masa jabatanipun, tingkat pengangguran (éwadéné taksih lumayan inggil) sampun samsaya kirang wonten ing tingkat paling andhap wiwit mandhapipun Duvalier. Kecenderungan mandhapipun angka pengangguran punika kalajengaken wonten ing masa kalungguhan Aristide ingkang nggantosaken piyambakipun dumugi kudeta 2004.

Préval pikantuk kathah panyengkuyung saking rakyat Haiti ingkang paling miskin. Piyambakipun mligi dipundhukung déning masarakat saking pemukiman wonten ing Port-au-Prince.[2]

Sadanguning kampanye, piyambakipun ngusahakaken jaga jarak kaliyan sadaya bekas rekanipun wonten ing Parté Lavalas lan nyalonaken dhiri minangka kandidat kanggé La Esperanza. Préval dhukung rawuhipun wadyabala PBB wonten ing Haiti lan ngendika bilih wadyabala punika "kedah dumunung sadanguning taksih dipunbetahaken,"[3] béda kaliyan Aristide lan kathah anggota Parté Lavalas ingkang nentang rawuhipun wadyabala-wadyabala PBB lan nuduh wadyabala nindakaken kampanye panindasa lan kekerasan saking panyuwunan Amérikah Sarékat, Perancis, lan Kanada.

Cathetan suku[besut | besut sumber]

  1. https://listhost.uchicago.edu/pipermail/haiti-news/2006-February/001337.html
  2. Thompson, Ginger. Candhidate of Haiti's Poor Leads in Early Tally With 61% of Vote. The New York Times, 10 Fèbruari 2006.
  3. http://www.guardian.co.uk/worldlatest/story/0,1280,-5552689,00.html


Kang sadurungé
Boniface Alexandre
Présidhèn Haiti
7 Mèi 2006–-
Kang sawisé
masih menjabat
Kang sadurungé
Jean-Bertrand Aristide
Présidhèn Haiti
7 Fèbruari 19967 Fèbruari 2001
Kang sawisé
Jean-Bertrand Aristide
Kang sadurungé
Martial Célestin
Mahamantri Haiti
Fèbruari 19912 September 1993
Kang sawisé
Jean-Jacques Honorat