François Duvalier
| François Duvalier | |
|---|---|
 | |
| Présidhèn Haiti[1] | |
| Linggih 22 Oktober 1957 – 21 April 1971 | |
| Kang sadurungé | Antonio Thrasybule Kebreau (Ketua Dewan Militer) |
| Kang sawisé | Jean-Claude Duvalier |
| Rerincèn dhiri | |
| Lair | 14 April 1907 Port-au-Prince |
| Pati | April 21, 1971 (umur 64) |
François Duvalier ingkang dipunkenal minangka "Papa Doc" (lair 14 April 1907 – pati 21 April 1971 ing umur 64 taun) inggih punika Présidhèn Haiti saking taun 1957 lan ing wuri minangka diktator (Présidhèn sadanguning gesang) wiwit taun 1964 dumugi piyambakipun séda. Pamarèntahanipun dipuntandhani déning otokrasi, korupsi, lan pangginaan bala pribadi (Tonton Macoute) saperlu njagi kakuwasanipun.[2]
Sajarah[besut | besut sumber]
Awal Pagesangan[besut | besut sumber]
Papa Doc miyos wonten ing Port-au-Prince wonten ing sawijining kulwarga saking Martinique. Piyambakipun sinau dados dhokter, lan nglayani wonten ing tlatah-tlatah padésan. Ing mrika piyambakipun pikantuk pujian amargi mbiyantu tiyang-tiyang miskin merangi tipus lan lelara-lelara sanèsipun. Piyambakipun palakrama kaliyan Simone Ovide nalika taun 1939, lan dados direktur jenderal pelayanan keséhatan nasional taun 1946. Nalika taun 1949, piyambakipun dipunangkat dados mantri Keséhatan lan Tenaga Kerja. Sasampuning nentang kudeta Paul Magloire, piyambakipun kapeksa ndhelik dumugi dipunbiwarakaken amnesti nalika taun 1956.
Kapilih taun 1957[besut | besut sumber]
Kanthi panyengkuyung saking bala, Duvalier menangi pemilu Haiti 1957. Piyambakipun nindakaken kampanye minangka satunggaling pamimpin populis, kanthi migunakaken strategi noirist—kanthi nengenaken warni kulitipun ingkang cemeng lan nentang kaum elit mulatto sarta ngimbau dhateng mayoritas rakyat Haiti-Afrika.
Duvalier ngesangaken mallih tradisi vodun lan ugi migunakakenipun kanggé nindakaken konsolidasi kakuwasanipun. Piyambakipun ugi ngaku piyambakiun minangka houngan (imam agung vodun). Duvalier sengaja nedahaken dhirinipun mirib kaliyan Baron Samedi wonten ing upaya kanggé dadosaken dhirinipun langkung ngyakinaken. Piyambakipun asring migunakaken kacamata gelap lan ngendika kanthi nada grana ingkang kiyat, ingkang dipunasosiasikaken kaliyan Loa.
Paukuman mati kanthi anumerta[besut | besut sumber]
Nalika taun 1986, 15 taun sasampuning piyambakipun séda, kerangka Duvalier dipundhudhuk lan pikantuk paukuman mati.[3]
Pagesangan lan Kejahatan[besut | besut sumber]
- 1907 Miyos wonten ing Port-au-Prince, Haiti
- 1934 Lulus saking University of Haiti, fakultas kadhokteran
- 1943 Kagabung kaliyan kampanye anti frambusia ingkang dipundukung déning Amérika
- 1946 Dados Kepala Layanan Keséhatan Masarakat Nasional
- 1949 Dados mantri keséhatan
- 1957 Kapilih minangka présidhèn wonten ing pemilu rekayasa
- 1959 Ngunjarakaken wakilipun, ugi numpes
- 1961 Netepaken pamaréntahan lègislatif;nambahi masa kalungguhan;kicalan pambiyantu saking Amérika
- 1963 Miwiti pamujan tumrap piyambakipun
- 1964 Dados Présidhèn sadanguning gesang
- 1966 Dipunsingkiraken saking komunitas gréja amargi sampun nindakaken pelecehan tumrap kependetaan
- 1971 Tilar donya 21 April di Port-au-Prince[4]
- 1986 putranipun,Baby Doc,miber dhateng pengasingan
Cathetan suku[besut | besut sumber]
- ↑ http://global.britannica.com/EBchecked/topic/174718/Francois-Duvalier
- ↑ "Archive copy". Diarsip saka sing asli ing 2013-03-04. Dibukak ing 2013-03-08.
{{cite web}}: CS1 maint: archived copy as title (link) - ↑ http://news.bbc.co.uk/onthisday/hi/dates/stories/april/22/newsid_2525000/2525501.stm
- ↑ http://www.notablebiographies.com/Du-Fi/Duvalier-Fran-ois.html
| Kang sadurungé Antonio Thrasybule Kebreau |
Présidhèn Haiti 1957-1971 |
Kang sawisé Jean-Claude Duvalier |