Ratatouille

Saka Wikipédia Jawa, bauwarna bébas abasa Jawa
Ratatouille niçoise

Ratatouille [1][2](saka basa Prancis kang diwaca /ʁataˈtuj/) iku jinis panganan Provence kang asalé saka dhaérah Nice. Sajroning basa Prancis, panganan iki umumé diarani ratatouille niçoise. Panganan iki mèh kaya semur kang dumadi saka pirang-pirang campuran jejanganan lan padatan didhahar karo sega, kenthang utawa roti Prancis.

Tembung ratatouille asalé saka tembung touiller kang tegesé ya iku "mbuwang panganan". Ratatouille asalé saka dhaérah Nice lan sakupengé. Panganan iki asliné panganané wong kéré kang dimasak nalika mangsa panas nganggo jejanganan mangsa panas. Ratatouille kang asli ora nganggo térong (kang ora kalebu janganan ing mangsa panas kayadéné janganan liyané). Isiné ya iku courgette utawa zucchini (isih kalebu jinis timun), tomat, lombok abang lan ijo, brambang lan bawang. Ratatouille kang ana saiki luwih asring nganggo térong.

Tèknik gawé ratatouille ana rong jinis, ya iku kabèh janganan dimasak bebarengan sajroning wajan kang padha, utawa saben janganan dimasak dhéwé-dhéwé. Kanggo njaga karakter rasa saben janganan, biyasané dimasak kanthi janganan dimasak dhéwé-dhéwé.[3]

Ratatouille Prancis disajèkaké tanpa utawa nganggo sega, kenthang utawa roti. Padatan disajèkaké minangka panganan ing mangan awan karo roti. Padatan uga ditambahi kenthang kang dimasak minangka palengkap. Padatan mung disajèkaké minangka panganan sampingan thok. Kabèh isi saka masakan iki diosèng migunaké lenga zaitun.

Cathetan sikil[besut | besut sumber]

  1. ^ (Basa Inggris)allrecipes.com Ratatouille (kaundhuh tanggal 22 Agustus 2011)
  2. ^ (Basa Indonésia)lintasberita.com Resep Ratatouille (Sup Janganan Prancis Kidul) (kaundhuh tanggal 22 Agustus 2011)
  3. ^ (Basa Indonésia)inforesep.com Resep Ratatouille (Sup Janganan Prancis Kidul) (kaundhuh tanggal 22 Agustus 2011)

Pranala njaba[besut | besut sumber]

Wikibooks
Wikibooks gadhah buku kanthi sesirah
Wiktionary-logo.svg
Pirsani informasi ngenani Ratatouille ing KamusWiki.


Sumber artikel punika saking kaca situs web: "https://jv.wikipedia.org/w/index.php?title=Ratatouille&oldid=1088830"