Prenjak

Saka Wikipédia Jawa, bauwarna bébas abasa Jawa
Perenjak
Orthotomus sutorius.jpg
Orthotomus sutorius
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Suku
Cisticolidae
Sylviidae

Prenjak utawa ciblek ya iku arane sagolongan manuk cilik kang lincah lan akèh ocehe. Biyèn, kéwan iki kagolong ing sijining suku (familia) ya iku Sylviidae, nanging banjur kapecah dadi Sylviidae dan Cisticolidae.

Ciri-ciri[besut | besut sumber]

Manuk iki duwé ukuran cilik, kuru aking lan buntut dawa. Dawane saka cucuk tekan buntut watara 10–15 cm, sanajan ana akng punjul 25 cm. Akeh-akèhé duwé wulu semu kuning, ijo zaitun, semu soklat ing geger, lan wetenge semu putih utawa semu kuning.

Manuk iki duwé suwara ocehan kang sero lan bening kepara uga dumadakan lan rame. Pira-pira jinis ngoceh sero nalika nembé teka kanggo tetenger tekane, sinambi mencok ing pathok, rencek, togor listrik lan liyané.

Pakulinan[besut | besut sumber]

Prenjak nyenengi papar kang tenggar, kaya déné sawah, tegalan, kebon, pomahan, rawa lan pinggiran alas. Pakane rupa uler, walang, kinjeng lan srangga cilik liyané kang ndhelik ing wit-witan. Lumrahé prenjak sesaba kanthi pasangan utawa karo anake kang urung diwasa.

Lumrahé prenjak gawé susuh ing tetanduran cendhek, grumbul uataw alang-alang. Kadhangkala susuhe dititpi endhog denik manuk wikwik kelabu (Cacomantis merulinus) lan kang sakjenis kang duwé sipat parasit.

Jinis-jinise[besut | besut sumber]

Suku Cisticolidae

Suku Sylviidae

Bahan bacaan[besut | besut sumber]

  • MacKinnon, J. 1993. Panduan lapangan pengenalan Burung-burung di Jawa dan Bali. Gadjah Mada University Press. Jogyakarta. ISBN 979-420-150-2
  • MacKinnon, J., K. Phillipps, and B. van Balen. 2000. Burung-burung di Sumatera, Jawa, Bali dan Kalimantan. LIPI dan BirdLife IP. Bogor. ISBN 979-579-013-7