Togor

Togor listrik ing Amerika

Togor listrik ing Eropa

Togor utawa cagak piguna (cara Inggris: utility pole) iku saka, cagak, utawa pal kang kanggo nyanthèlaké kabel-kabel kang digunakaké ing jaringan listrik, télépun, uga ing jaman biyèn télégraf. Jaringan kang dipasang sarana kabel-kabel kang dicanthèlaké ing togor kaanggep dadi cara kang murah saperlu njaga dayané listrik kang liwat kabel-kabel mau supaya ora nèmplèk ing lemah lan ora kasénggol manungsa utawa tetunggangan. Lumrahé togor kagawé saka kayu, logam, utawa semèn, lan kanggo nyanthèlaké kabel-kabel mawa voltase cilik. Mungguh ing voltase kang dhuwur, digunakaké tower. Lumrahé togor tumrap jaringan listrik dhuwuré nganti 12 mèter lan tumrap jaringan télépun udakara 6 mèter.

Togor pisanan dienggo ing taun 1816 minangka sarana ing jaringan télégraf awit saka prakarsaning kang ngréka télégraf nama Sir Francis Ronalds. Dhèwèké yasa jaringan kabel télégraf dawa 8 mil di Hammersmith, Amérikah Sarékat. Panganggoné togor ngrembaka ing Amérikah Sarékat laras karo rembakaning sistem komunikasi télégraf. Ing sakawit, Samuel Morse yasa jaringan kabel télégraf kang didèkèk ing ngisor lemah antarané Baltimore lan Washington, D.C., nanging yasané mau akèh ngalami masalah banjur jaringan kabelé dialihaké ing ndhuwur lemah. Ing jaman saiki, jaringan ngisor lemah sansaya ngrembaka tumrap pamukiman-pamukiman lan minangka alternatif saka togor kang sok dianggep ngganggu sesawangan.