Operasi militèr Indonésia ing Acèh

Saka Wikipédia Jawa, bauwarna mardika basa Jawa
Operasi militèr Indonésia ing Acèh 2003–2004

Dunungipun Acèh ing Indonésia
Titimangsa19 Mèi 200313 Mèi 2004
PernahAcèh, Indonésia
Asil Kamenangan TNI/Polri
Péhak kang perang

Indhonésia Indonésia

Gerakan Acèh Merdeka
Pangarep

Indhonésia [[Megawati

Soekarnoputri]]
Indhonésia Endriartono Sutarto
Hasan Di Tiro
Muzakkir Manaf
Kakuwatan
30.000 tamtama
12.000 pulisi
total: 42.000[1]
5.000
Kurban
2.000 tiwas (kathahipun saking)[2]

Operasi militèr Indonésia ing Acèh (ugi dipunsebat Operasi Terpadu déning pamaréntah Indonésia) inggih punika operasi ingkang dipunwontenaken Indonésia mengsah Gerakan Acèh Merdeka (GAM) ingkang dipunwiwiti tanggal 19 Mèi 2003 lan dipunwontenaken kinten-kinten ngantos satunggal taun dangunipun.[1] Operasi punika sababipun inggih punika nalika tanggal 28 April 2003, pamaréntah Indonésia maringi ultimatum kanggé mungkasi perlawanan lan supados saged nampi otonomi mirunggan dhumateng Acèh ingkang watesipun kalih minggu.[1] Pangarsanipun GAM ingkang punjeripun ing Swèdhen boten sarujuk kaliyan ultimatum kasebat, nanging Amérikah Sarékat, Jepang, lan Uni Éropah nyurung supados Indonésia kaliyan GAM boten cecongkrahan lan ngawontenaken musyawarah perdaméan ing Tokyo.[1]

Nalika tanggal 16 Mèi 2003, pamaréntah Indonésia netepaken bilih otonomi mirunggan kasebat dados pilian pungkasan kanggé GAM, lan manawi boten sarujuk kaliyan ultimatum kasebat, pamaréntah badhé ngawontenaken operasi militér dhateng GAM.[1] Pangarsa lan négosiator GAM boten njawab ultimatum kasebat, lan mratélakaken bilih anggotanipun ingkang wonten ing Acèh dipuncekel déning pamaréntah Indonésia nalika badhé tindak dhateng Tokyo.[1]

Serangan militér[besut | besut sumber]

Tanggal 18 Mèi 2003 Présidhèn Megawati Sukarnoputri maringi pangestu operasi militér mengsah anggota separatis.[3] Panjenengaanipun ugi netepaken dharurat militér ingkang dangunipun enem wulan. Pamaréntah Indonésia ngedalaken 30.000 tamtama lan 12.000 pulisi ing Acèh.[1]

Nalika wulan Juni, pamaréntah ngumumaken paugeran ènggal inggih punika supados damel KTP ènggal ingkang kedah dipunbekta sadaya sing ndunungi Acèh kanggé mbentenaken pamberontak lan wargi sipil.[4] LSM-LSM lan lembaga damelanipun pamaréntah dipundhawuhi supados nilaraken wewengkon Acèh.[4] Sedaya pambiyantu dhateng Acèh kedah dipunkoordinasikaken ing Jakarta dhateng pamaréntah lan Palang Merah Indonesia.[4]

Ing wulan Mèi 2004, dharurat militèr ing Acèh dipun-gantos dados dharurat sipil.[1] Menko Polkam ad interim Indonésia Hari Sabarno ngumumaken gantosipun status punika sasampunipun rapat kabinét 13 Mèi 2004.[4]

Cathetan suku[besut | besut sumber]

  1. a b c d e f g h People's Daily Online - Chronology of important events in Indonesia's Aceh
  2. KAIROS-Conflict in Aceh[pranala mati permanèn]
  3. "Indonesia'S Military Begins Big Aceh Offensive". Diarsip saka sing asli ing 2014-01-15. Dibukak ing 2011-09-14.
  4. a b c d Free Aceh Movement

Pranala njawi[besut | besut sumber]