Opera Jawa (pilem)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Opera Jawa (pilem)
Topeng rama5.JPG
Salah sijiné adhégan ing Opera Jawa kang diparagakake déning Miroto.
Disutradarani Garin Nugroho
Diprodhuseri Peter Sellars
Ditulis déning Armantono
Garin Nugroho
Dibintangi Artika Sari Devi
Martinus Miroto
Eko Supriyanto
I Nyoman Sura
Retno Maruti
Jecko Siompo Pui
Slamet Gundono
Dimusiki Rahayu Supanggah
Sinématografi Teoh Gay Hian
Dibesut déning Andhy Pulung Waluyo
Dibabar déning SET Film Workshop
Suwéné
120 menit
Nagara Indonésia

Opera Jawa ya iku filem kang ditulis déning Armanto lan Garin Nugroho.[1]. Film iki nggabungaké unsur seni drama, jogèd, busana tradhisional lan uga ngatonaké éndahing sesawangan Indonésia Film kang gigarap déning Garin Nugroho mau mau njupuk setting ing sapérangan papan kaya ta Kraton Surakarta lan Yogyakarta.[2] Ing filem iki, Garin uga nggandhéng seniman akademis saka Institut Seni Indonésia Surakarta.[1] Paraga utama dipercayakaké marang Martinus Miroto kang maragakaké Setyo, Artika Sari Devi minangka Siti, Eko Supriyanto minangka Ludiro,Retno Maruti minangka Sukesi, Jecko Siompo Pui minangka Anom, I Nyoman Sura minangka Sura aln Slamet Gundono minangka Pewarta.[2]

Critané[besut | besut sumber]

Opera Jawa nggambaraké lelakoning urip kang akèh konflik lan masalah dhedhasar lakon Ramayana.[1] Opera Jawa nyeritakaké katresnan antarané Setyo, Siti, lan Ludiro.[3] Film mau kawiwitan déning pambuka saka Slamet Gundono kang ngandharaké ringkesaning carita. Ing pérangan saterusé carita ngenani Setyo, Siti, lan Ludiro kawiwitan.[2] pérangan pisanan ngatonaké éndahing katresnan antarané Setyo lan Siti.[2] Kaéndahan iki banjur dirusak déning Ludiro kang meneng-meneng tresna marang Siti.[2] Ludiro kang nduwé kekuwasaan digambarake nganggo panggonan jagal sapi.[2] Sajatiné, dhèwèké iku banget ngrasakaké sepi.[2] Mula saka iku Ludiro duwé pamikiran ngrebut Siti saka Setyo banjur didadékaké bojo.[2] Nganggo sugih bandhané, Ludiro bisa ngéntukaké Siti. Pacoban kang dilakoni Setyo teka makaping-kaping.[2] Wiwit usaha grabahé kang tuna tekan bojone kang direbut wong liya.[2] Perkara katresnan iki jebul ndadékake prang gedhé kang tumuju ing pati. Ciri unik kang ana ing filem iki ya iku sakabéhing pacelathon katindakaké nganggo tembang Jawa lan jogèd.

Penghargaan[besut | besut sumber]

Film Opera Jawa ora mung dipasaraké ing Indonésia, nanging uga nganti Éropah.[4] Film iki diputer ing Éropah pisanan nalika sasi September 2007 ing London.[4] Saliyané iku, filem Opera Jawa uga éntuk sapérangan penghargaan ing festival-festival filem kaya ta:[2]

  1. Mlebu nominasi Festival Film Internasional Venesia 2006
  2. Festival Film Internasional London 2006
  3. Festival Film Internasional Toronto 2006
  4. Festival Film Indonésia 2006 éntuk nominasi kanggo kategori filem layar lebar.
  5. Festival International Film Independent Bruxelles Kaping 35 ing Brussel, Bèlgi, 4-9 November 2008, filem iki éntuk penghargaan paling dhuwur kanggo kategori filem paling apik, sutradara paling apik (Garin Nugroho), lan aktris paling apik (Artika Sari Devi)
  6. Best Film Asia 2007 ing The 20th Singapore International Film Festival (SIFF)[5]

Cathetan suku[besut | besut sumber]

  1. a b c Opera Jawa(dipunundhuh 12 maret 2011)
  2. a b c d e f g h i j k Opera Jawa, Kontroversial Kesetiaan dalam balutan Teater(dipunundhuh 12 maret 2011)
  3. Opera Jawa (dipunundhuh 12 Maret 2011)
  4. a b Garin Nugroho Pasarkan Opera Jawa ke Éropah (dipunundhuh 15 Maret 2011)
  5. "Opera Jawa" Raih Best Film (dipunundhuh 13 Maret 2011)