Miroto

Saka Wikipédia Jawa, bauwarna mardika basa Jawa
Martinus Miroto, penari 5 topeng.

Miroto kang nduwé jeneng baptis Martinus iku lair ing Yogyakarta, 23 Fèbruari 1959.[1] Dhèwèké koreografer Indonésia pisanan kang wis ngripta lan méntasaké jogèd tunggal nganggo 5 topeng ing sapérangan festival internasional ing 5 bawana. [2] Miroto dudu mung penari nanging uga koreografer, PNS, lan dosén ing Institut Seni Indonésia kang ngajar olah tubuh lan koreografi. [3]

Pendhidhikan[besut | besut sumber]

Dhèwèké seneng marang jogèd wiwit cilik, nalika umur 9 taun.[1] Miroto gladhen jogèd klasik ing Krida Beksa Wirama banjur dhèwèké ngangsu kawruh luwih akèh ing Konservatori Jogèd Indonésia.[1] Priya iki gladhen nari saka tokoh kontemporer, Bagong Kussudiardjo.[1] Sawisé SMP, putra penggendér ing pentas wayang kulit, Setio Martono lan Marwiyah iki nutugaké sekolah ing Sekolah Menengah Karawitan Indonésia(SMKI) taun 1976-1980, banjur Institut Kesenian Jakarta (IKJ) taun 1980-1981 lan Institut Seni Indonésia (ISI) Yogyakarta taun 1981-1986.[1] Bojoné Yuli Setyo Sari iki uga tau ngicipi pendhidhikan ing manca nagara ya iku ing Folkswang Dance Academy, Jerman (1987), Wuppertal Dance Theater, Jerman, American Dance Festival North Carolina, Amérikah Sarékat lan Department of Dance University, ing California Los Angeles, Amérikah Sarékat.[1] Miroto éntuk gelar master of fine arts ing babagan seni jogèd saka University of California Los Angeles (UCLA) taun 1995.[2]

Prestasi[besut | besut sumber]

Miroto tau éntuk Trophy Sri Sultan HB X taun 1996 minangka penari alusan paling apik.[1]

Garapan jogèd[besut | besut sumber]

Karya-karya garapané Miroto antarané Kidung Kunthi, Penumbra, Badui Bersembah, Joko Tingkir, Incarnation, Living Through The Dream, Night Meditation, Keringat, Srimpi Rubuh, Unknown.[1]

Internasional[besut | besut sumber]

  1. Prestasiné Miroto saliyané kang mau ing ndhuwur ya iku:[2]
  2. Pengawas Koreografer Internasional kanggo program American Dance Festival 2005
  3. Koreografer lan aktor Opera Jawa (2006)
  4. Tugas ing New Crowned hope, Festival Venice mèngéti 250 taun pahargyan Mozart kang diproduseri déning Petter Sellars.
  5. Promise Land (2008) pentas ing Mau Forum New Zealand
  6. Living Water (2008) pentas ing Festival Air Internasional Bandung, Indonésia.
  7. Kolaborasi bareng Garin Nugroho ing “Iron Bed”, pagelaran jogèd kang disuguhaké ing Teater Spectacle, Zurich (18-21 Agustus 2008).

Rekor MURI minangka koreografer unik kang bisa nari nganggo 5 topeng bebarengan (2005)

Cathetan suku[besut | besut sumber]

Cathetan suku

  1. a b c d e f g h Miroto[pranala mati permanèn] (dipunundhuh 13 Maret 2011)
  2. a b c MARTINUS MIROTO[pranala mati permanèn](dipunundhuh 13 Maret 2011)
  3. Martinus Miroto (dipunundhuh 13 Maret 2011)