Nikolai Berdyaev

Saka Wikipédia Jawa, bauwarna mardika basa Jawa
Jump to navigation Jump to search
Nikolai Berdyaev
Lair 18 Maret 1874
Kiev
Pati 24 Maret 1948(1948-03-24) (umur 74)
Clamart
Kala Filosofi ing abad ka-20
Tlatah Filosofi Ruslan
Aliran Èksistensialis Kristen
Karsa pokok
Kréatifitas, moralitas, kabébasan
Nikolai Berdyaev

Nikolai Alexandrovich Berdyaev (Rusia: Николай Александрович Бердяев; lair 18 Maret [K.J.: 6 Maret] 1874 – tilar donya 24 Maret 1948 ing yuswa 74 taun) inggih punika satunggalipun tokoh agami lan filsuf pulitik saking Ruslan.

Biografi[besut | besut sumber]

Berdyaev dipunlairaken ing Obhukiv[1], Kiev wonten ing kulawarga militèr aristokrat.[2][3] Panjenenganipun gesang piyambakan ing wekdal alitipun wonten ing griyanipun, Berdyaev asring maos buku ing pabukon gadhah ramanipun.[3] Berdyaev maos karya-karyanipun Hegel, Schopenhauer, lan Kant nalika yuswanipun nembé 14 taun lan Berdyaev sampun nguwasani sapérangan basa-basa manca.[3] Berdyaev mutusaken badhé nglaksanakaken karieripun minangka intelektual lan mlebet dhateng Universitas Kiev ing taun 1894. Nalika samanten semangat revolusioner ngrembaka ing kalangan mahasiswa lan kaum intelegensia.[3] Berdyaev dados tiyang Marxis lan ing taun 1898 Berdyaev dipuncepeng déning pamaréntah wonten ing dhemonstrasi mahasiswa lan dipunmedalaken saking universitas wau.[3] Amargi Berdyaev ndhèrèk kelompok ingkang dipunlarang déning pamaréntah ndadosaken Berdyaev dipunbucal dhateng Rusia sadangunipun 3 taun.[3] Taun 1904 Berdyaev palakrami kaliyan Lydia Trusheff lan lajeng kekalihipun pindhah dhateng kutha St. Petersburg, kutha krajanipun Rusia lan panceripun kaum intelektual sarta aktivitas revolusioner.[3] Berdyaev ndhèrèk dhebat intelektual lan rohani, lan salajengipun nilaraken idheologi Marxisme radikal lan gantos nyinaoni filsafat lan spiritualitas.[3] Berdyaev lan Trusheff tetep tresna ngatos Trusheff tilar donya taun 1945.[3] Berdyaev punika satunggalipun tiyang Kristen ingkang saleh, nanging Berdyaev asring gadhah sipat kritis dhateng gréja ingkang mapan.[3] Satunggalipun artikel ing taun 1913 ngecam Sinode Kudus saking Gréja Ortodoks Rusia dadosaken Berdyaev dipuntudhing minangka penghujat, lan dipunukum bucal dhateng Sibèri.[3]

Rujukan[besut | besut sumber]

  1. Technically at the time "Obykhov" or "Obuchovo" Lowrie. Rebellious Prophet. k. 14. . https://ru.wikipedia.org/wiki/Обухов_(город)] indicates "В Обухове родились: Николай Бердяев — русский религиозный и политический философ.
  2. Nicolaus, Georg (2011). "Chapter 2 "Berdyaev’s life"" (PDF). C.G. Jung and Nikolai Berdyaev : individuation and the person : a critical comparison. Routledge. ISBN 9780415493154. 
  3. a b c d e f g h i j k Mikhail, Sergeev, (1994). "Post-Modern Themes in the Philosophy of Nicholas Berdyaev". Occasional Papers on Religion in Eastern Europe (ing basa Inggris) 14 (5). ISSN 1069-4781.