Ngarai Sianok

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Ngarai Sianok
Litografi Ngarai Sianok (1865-1872)

Ngarai Sianok inggih punika satunggalipun lembah curem (jurang) ingkang wonten ing Kitha Bukittinggi, Sumatra Kilèn.[1] Lembah punika panjangipun saking sisih kidul Ngarai Koto Gadang ngantos dumugi Ngarai Sianok Enam Suku, lan pungkasanipun ing Palupuh.[1] Ngarai Sianok gadhah sesawangan ingkang éndah lan dados salah satunggalipun papan pariwisata ingkang utami ing Provinsi Sumatra Kilèn.[2] Jurang Ngarai Sianok lebetipun kinten-kinten 100 m lan panjangipun 15 km kanthi jembar 200 m lan kalebet wewengkon saking patahan ingkang misahaken Pulo Sumatra dados kalih pérangan (Patahan Semangko).[1] Patahan punika mujudaken témbok ingkang curem, ngantos madeg lurus lan mujudaken lembah ingkang ijem.[1] Ing jaman kolonial Walanda, jurang punika dipunsebat minangka kerbau sanget, amargi kathah sanget kebo ingkang taksih alasan lan gesang ing Ngarai wau.[2] Lèpèn Sianok saged dipunmangpaataken kanggé ulah raga kano, lan kayak ingkang dipunsurung déning satunggalipun organisasi ulah raga toya Qurays.[2] Ing sisih pinggir lèpèn saged kapanggih manéka warni wit-witan ingkang sampun langka kados Padma raseksa lan wit-witan ingkang saged dipunanggé minangka obat.[2] Sato kéwan ingkang saged kapanggih kados kethèk abuntut panjang, siamang, simpai, rusa, babi wana, macan tutul, sarta tapir.[2]

Cathetan suku[besut | besut sumber]

  1. a b c d Ngarai Sianok di Bukittinggi dipunundhuh tanggal 15 September 2011)
  2. a b c d e [Suhada, Ichsan (lan kanca-kanca). 2009. Pesona Indonesia; Pariwisata, Budaya dan Sosial (Lebih Dekat Mengenal Pulau Sumatra. Surabaya:Bintang Ilmu;kaca 69-70]

Pranala njawi[besut | besut sumber]

Ngarai Sianok di Bukittinggi Lembah Ngarai Sianok