NRJ Group

NRJ (akronim dipunwaos énergie wonten ing Basa Perancis, e.nɛʁ.ʒi), minangka sawijining grup multimedia Perancis ingkang basisipun wonten ing Paris. Wiwit madegipun taun 1981 minangka stasiun radio musik pop Perancis, NRJ ngrembaka lan éwah dados NRJ Group.^[1] Wiwit taun 2002, NRJ sampun dados stasiun radio musik paling populèr ing Perancis lan stasiun radio paling populèr angka 2 miturut cacahing pamireng lan saham pasaran; namung RTL ingkang gadhah kathah pamireng.^[2]

NRJ Group sampun éwah saking stasiun radio dados mèrk stasiun radio komersial ing Éropa. Kagungan stasiun wonten ing Perancis, Switserlan, Ostenrik, Bèlgi, Jerman, Dhènemarken, Finlan, Ruslan, Swèdhen, Ukraina, Nurwègen, Bulgaria, Kaledonia Baru, lan Lebanon. NRJ mainaken musik trendy kanggé pamireng ingkang taksih remaja. Sloganipun "Hit music only". NRJ ugi ngoperasikaken NRJ 12, stasiun télévisi musik NRJ Hits ing Perancis. Kathah-kathahipun stasiun kanthi mèrk NRJ dipunoperasikaken déning NRJ Group, nanging sapérangan stasiun gadhah lisénsi, kados versi Bulgaria, ingkang dipunoperasikaken déning Communicorp. Wonten ing Perancis NRJ Group ngoperasikaken sekawan stasiun radio ingkang kapisah: NRJ, Nostalgie, Chérie FM lan Rire & Chansons.^[3] Taun 1989 NRJ kadhaptar wonten ing Pasar Angka 2 Bursa Saham Paris lan terus minggah, dugi Pasar Angka 1 ing taun 2000 sasampuning ngempalaken malih sadaya astipun dhateng NRJ Group.^[4]

Wonten ing Basa Perancis, pangucapan NRJ lan Energy (énergie) mirib, lan swanranipun mirib kaliyan tembung Energy wonten ing basa Inggris.

Internasional

Kanthi stasiun NRJ/ENERGY pan-Éropa-nipun, NRJ Group Paris sampun mlebet ing pasaran radio Éropa kanthi mbédakaken dhiri saking pambédan juru main pasar kados RTL Group (Antenne Bayern, RTL Berlin, Yorin FM in portfolio), lan SBS Broadcasting (Radio 1 Norway, The Voice in portfolio) utawi Stockholm-based MTG (P4 Norway, Rix FM, Lugna Favoriter wonten ing portofolio). Wiwit tanggal 6 Juni 2006 NRJ sampun nindakaken operasi wonten ing wewengkon Lebanon kanggé miyaraken pamirengipun lan ugi prabawaipun.

Sedaya operasi internasional NRJ kapusataken wonten ing stasiun radio hit kontemporer (kanthi slogan ingkang sami, jingle, swara, lan sanès-sanèsipun) déné para pesaingipun sami ngupaya damel mèrk radio lokal kanthi manéka format radio, mendhet kauntungan saking idéntitas lokal pamirengipun.

Cathetan suku

↑ "Nrj Group - Accueil". Diarsip saka sing asli ing 2012-03-18. Dibukak ing 2013-03-22.
↑ http://www.nrj.com www.nrj.com
↑ "Nrj Group - Accueil". Diarsip saka sing asli ing 2016-03-13. Dibukak ing 2013-03-22.
↑ "Nrj Group - Accueil". Diarsip saka sing asli ing 2016-03-07. Dibukak ing 2013-03-22.